Yohanes 12:35 - Tuntu i mPue ri Basa Taa

³⁵ Wali i Yesu mangansono, to’oNya, “Aku tamo masae kojo maroo ri oyo ngkomi. Aku maya raporapaka ewa pansona to mampakaremeka komi jaya to monso apa Aku mampotundeka komi jaya to monso etu. Wali lulu Aku tempo Aku tiroowa re’i resi komi see komi mangansani jaya to monso. Apa tamo masae Aku dayau, wali tempo Aku yau etu tamore pansona resi komi see naka kodi majoli komi ewa tau to malinja ri raya mburi. Pei ane tau to malinja ri raya mburi, ia taa maya mangkita jaya, wali ia taa mangansani bara imbanjo nakanjo’u.

Sura Magali Nuntu Ngkatuwu

³⁵ Mesono i Yesu ndatoʼo, “Podo sambinoroja da kareʼe ndeme setu ri oyomi. Mewali ndipelinjamo ri sindara reme setu reʼepa ri oyomi, da naka komi bareʼe nakulamuti mbani. Tau anu melinja ri tongo mbani bareʼe naincani ri mbeʼi da kanjoʼunya.

Yohanes 12:35 Referans Kwoze

Yohanes 12:46

Wali Aku ma’i ri lino si’i damawali ewa pansona to mampakaremeka to lino jaya to monso, see samparia tau to mangaya Aku si’amo ewa tau to ojo malinja-linja ri raya mburi.

Yohanes 16:16

Wali yako etu i Yesu manganto’oka wo’u kami to anaguruNya, “Komi tamo masae tamo maya mangkita Aku. Pei roo see, taa masae kojo komi damangkita muni Aku apa Aku dayau resi Pa’angKu.”

Epesus 5:8

Apa tempo ruyu komi tawa mangansani i Pue see naka komi ewa wuri, pei si’i-si’i komi ewa reme apa saba samba’a pei i Pue. Wali ika lengko ngkatuwu to masipato naika ntau to ri raya ngkareme.

Yohanes 8:12

Wali yako etu i Yesu mampogomboka wo’u tau boros, Ia manganto’o, “Aku maya raporapaka ewa pansona to mampapokitaka tau jaya. Apa Aku mampaponsanika to lino jaya to monso. Wali i sema tau to mangalulu Aku, tau etu tamo ewa malinja ri raya mburi apa ia re’e reme to mampapokitaka ia jaya damangarata katuwu.”

Yohanes 11:10

Pei ane ia malinja ri raya mburi ia datisumpul, apa taa mareme.”

Yohanes 12:36

Wali monso pu’u Aku mampotundeka komi jaya to monso. Wali tempo Aku tiroowa re’e resi komi, sarumaka Aku see komi maya mawali tau to mangansani anu to monso. Apa ane ewa see komi raporapaka ewa tau to tuwu ri raya ngkareme.” Wali ojo karoonya i Yesu manganto’oka sira gombo etu, Ia mayoko pei maroo nja’u tampa to taa nansani nsira.

Yohanes 7:33

Wali tempo to Parisi pasi yunu nsira mampokau tau etu, tempo etu i Yesu tongo-tongonya mampogomboka tau boros. Ia manganto’o, “Aku tamo masae kojo siwaka pei komi, Aku damawolili muni resi Ia to nampokau Aku.

2 Korintus 3:14

Pei to Israel tempo owi etu, pampobuuka nsira raporapaka ewa rabombongika seja kain sewaju ewa lio i Musa apa sira taa nansani batuanginya parajanji to masae etu. Pasi ewa see seja rataka ri tempo si’i. Apa tempo si’i, tempo to Yahudi mangabasa parajanji to masae, pampobuuka nsira tiroo ewa rabombongika kain etu apa sira tawa seja mangansani batuanginya. Wali kain etu tawa rayali yau yako ri pampobuuka nsira, apa ojo tau to samba’a pei i Kerisitu to rayali yau kain etu yako ri pampobuukanya.

Yohanes 11:9

Wali i Yesu mangansono, Ia mangaligi kami see kami damangansani tare anu to maja’a to damawali resi Ia ane tawa temponya. Wali Ia manganto’o, “Ponto eo re’e sampuyu pei dua jam to mareme. Wali tau to malinja tempo mareme etu, tau etu taa datisumpul, apa re’e to mampakareme lino see ia mayoas mangkita jaya.

Galatia 6:10

Wali anu kita sangkani pakayoaka mangika matao resi samparia tau, taa manto’o resi pua’i ngkita to samba’a pangaya.

Lukas 18:37

Wali tau etu manganto’oka ia, “I Yesu to Nasaret re’e liu ri jaya si’i.”