Yohanes 12:31 - Tuntu i mPue ri Basa Taa

³¹ Wali ratamo temponya i Pue Allah damangahuku dosa nto lino. Pasi ratamo temponya Ia damanganangi i Kepala nto pantipu to mangkuasang lino si’i.

Sura Magali Nuntu Ngkatuwu

³¹ Seʼi-seʼi ratamo temponya lino seʼi da ndabotusi; seʼi-seʼi waʼa anu makuasa ri lino seʼi ndadungkamo.

Yohanes 12:31 Referans Kwoze

2 Korintus 4:4

Tau etu tau to taa mangaya. Wali i Kepala nto pantipu, pue to mangkuasang ri tempo to maja’a si’i, ia semo to mangabombong pampobuuka ntau to taa mangaya etu. Sabanya naka pei ia mangabombong pampobuuka nsira see sira taa maya mangansani kareba matao mangkonong kayawa i ngKerisitu. Kita mangansani i Kerisitu sewaju kojo pei i Pue Allah. Pasi kareba mangkonong Ia etu raporapaka ewa reme to mangansindo tau etu. Pei pampobuuka nsira roomo mawali ewa tau buta to taa mangkita reme etu.

1 Yohanes 5:19

Pasi kita tansani seja kita i Pue Allah Puenya. Pei samparia to lino to taa mangaya, sira paka nakuasang i ngKepala nto pantipu.

1 Yohanes 3:8

Pei tau to mangika dosa, tau etu maroo masingkatao pei i Kepala nto pantipu, apa i Kepala nto pantipu re'e mangika dosa yako ri pamulanya. Wali etu semo sabanya naka pei Ana i mPue Allah ma’i ri lino seore see Ia maya mampakaja'aka yau samparia palaong i ngKepala nto pantipu etu.

Epesus 6:12

Wali pake samparia anu to etu apa kita seja mamusu. Pei kita si’a mangamusung to lino, kita mangamusung anu to taa rakita. Etu semo measa to boros kojo to maroo ndate rao. Measa etu rato’oka makole-makole, pasi rato’oka anu to re’e kuasanya, pasi anu to mangkuasang to lino ri tempo to mawuri si’i

Yohanes 14:30

Wali si’i-si’i tamo masae Aku mampogomboka komi, apa daratamo i Kepala Measa to mangkuasang to lino to balingKu. Ia taa maya mangkuasang Aku,

Ibrani 2:14

Wali tau to nato’oka i Yesu “ngana” etu, tau etu ojo to lino semo, koro nsira ojo raa pasi wombo. Wali see naka i Yesu mawali seja to lino, see yako kapateNya Ia mampakaja’aka yau kuasa i Maja’a anu to mangkuasang kapate.

Kolose 2:15

Pasi tempo i Kerisitu mate ri kaju pasape etu, tempo etu i Pue Allah manganangi samparia kuasa measa to rato'oka makolenya pasi samparia measa anu paka re'e kuasanya. I Pue Allah manganangi measa etu panewa mampasiromunaka sira ri tangonya samparia anu to re'e see mampakanasa kojo sira nangimo.

1 Yohanes 4:4

Pei ngana-ngana, komi i Pue Allah puenya, pasi komi roomo manganangi to pantuntu tuntu to taa monso etu. Naka pei komi manganangi sira apa Nosa to maroo ri raya ngkomi, Ia semo to bae-bae kuasaNya pei i Kepala nto pantipu to mangkuasang to lino to taa mangaya.

Matius 12:28

Pei Aku mangarubak measa mangampake kuasa i Nosa i mPue Allah, wali palaong etu mampakanasaka komi i Pue Allah, Makole, naratamo ri oyo ngkomi.”

Pomulanya 3:15

Pasi yako tempo si’i Aku damangika see korom tamo masingkatao pei tau we’a. Kasimbalinya yako etu komi dua damawali yau masibali. Pasi ewa see seja wiyaamu pei wiyaa to si ia. Wali korom damangantungku tompo ntodu mbiyaa ntau we’a si’i, pei wiyaanya etu damangabusak wo’omu.” Wali etu semo gombo i mPue Yawe mangahuku ule etu.

Palaong mPomakau i mPue Yesu 26:18

Naka pei Aku damampokau korom dayau resi sira see korom damampotundeka sira mangkonong Aku. Apa ane sira mangandonge mangkonong Aku, panewa sira damangansani damangandolika tangonya resi Aku. Pasi ane ewa see sira damawali ewa tau to tempo ruyu tuwu ri raya mburi pei tempo si’i ralepa matanya see maya mangkita reme. Pasi sira daralapa yako ri ara ngkuasa i ngKepala Measa pei damangandolika tangonya resi i Pue Allah. Apa ane ewa see sira tamo danakitanaka i mPue Allah dosanya pasi sira damawali seja tau to Aku puenya apa saba sira mangaya Aku.’ Wali etu semo to nato’oka i mPue aku seore.

Yohanes 3:19

Naka pei tau to taa mangaya Aku etu rahuku, apa sira taa mangaya kareba to Aku ma’i mampakarebaka sira. Kareba etu kareba to monso to yako resi i Pue Allah pasi kareba etu raporapaka ewa reme. Pei to lino taa rani reme etu. Sira maja’a lengkonya, pasi lengkonya to maja’a etu, to raporapaka ewa kawuri, etu semo to naporani nsira.

Yohanes 9:39

Wali i Yesu manganto’o, “Naka pei Aku ma’i ri lino si’i, ma’i resi tau to taa mangansani i Pue Allah, to raporapaka ewa tau to buta. Wali Aku damampakanasaka tau etu anu to monso mangkonong i Pue Allah see sira maya mawali ewa tau to rapakatao matanya. Pasi Aku ma’i seja resi tau to ojo mampoanika sira mangansani i Pue Allah, damampakanasaka tau etu kamonsonya sira taa kojo mangansani Ia see naka sira ewa tau to buta. Wali tau to taa rani mangansani anu to monso mangkonong i Pue Allah, tau etu masipato rahuku.”

1 Korintus 1:20

Wali kesaa batuanginya tau pande? Pasi kesaa batuanginya tau to mampoguru Porenta i Musa? Pasi kesaa batuanginya tau ri lino si’i to pande masibanta? Tare batuanginya apa i Pue Allah roomo mangawali yau samparia kapande nto lino see mawali bea.

1 Korintus 1:21

Apa i Pue Allah pande kojo pasi ane ewa songka to si Ia to lino taa damangansani Ia ane mangampake kapande to si sira. Ane songka i mPue Allah, to lino darapalaes ane sira mangaya anu to bea ane ewa pandonge ntau, etu semo kareba matao to kami mampakarebaka.