Yohanes 12:23 - Tuntu i mPue ri Basa Taa

²³ Wali i Yesu manganto’o, to’oNya, “Naratamo temponya i Pue Allah damampapokitaka to lino kayawa to si Aku, Wiyaa nto Lino, etu semo tempo Aku darapopate yau pei mambangu muni pasi dayau muni nto’u saruga.

Sura Magali Nuntu Ngkatuwu

²³ Ndatoʼo i Yesu ri tau seʼe, “Jelamo ri temponya i Ana Manusia da ndapapeawa.

Yohanes 12:23 Referans Kwoze

Markus 14:41

Wali i Yesu yau muni wo’u makai-kai katogo ngkaninya. Panewa karoonya Ia makai-kai Ia mawolili muni resi anaguruNya togo mba’a. Ia manganto’oka sira, “Wimba, komi bara tiroo maturu pei yore-yore? Ganamo. Si’i-si’i ratamo temponya Aku, Wiyaa nto Lino, daraposora yaumo resi tau to madosa.

Matius 25:31

Wali yako etu i Yesu manganto’o wo’u, “Wali Aku, Wiyaa nto Lino, dama’i ri raya ngkayawangKu pasi samparia pomakaungKu yako ndate saruga, sira dama’i sindara-ndara pei Aku. Wali tempo Aku dama’i etu, Aku damangabotus to lino, see naka Aku damatunda ri gadera to tondong kuasangKu pasi kayawangKu.

Yohanes 12:16

Pei tempo etu kami to anaguru i Yesu tawa mangansani batuanginya palaong to mawali etu. Pei tempo i Yesu roomo nayau muni nto’u saruga pei mangoko muni kayawaNya, tempo etu panewa kami manasamo gombo to ratulis yami mangkonong Makole to mampolea keledai etu, gombo etu mangkonong i Yesu semo. Pasi tempo etu panewa kami manasa seja mangkonong boros wo’u gombo to natulis yami nto pantuntu tuntu i mPue Allah tempo owi. Wali kami mangansani gombo etu seja mangkonong i Yesu apa kami mangkita palaong to roomo naika ntau resi Ia.

Matius 26:45

Yako etu Ia mawolili muni resi sira togo. Ia manganto’oka sira, “Wimba, komi bara tiroo maturu pei yore-yore? Padongeka! Si’i-si’i ratamo temponya Aku, Wiyaa nto Lino, daraposora yaumo resi tau to madosa.

Markus 14:35

Wali i Yesu Ia mampiyaika sira togo, Ia yau longko wo’u njo’u sangkodi. Roo see Ia mamo’o yau ri wawo ntana pei makai-kai mamporapika resi i Pue Allah ane bara re’e jaya to yusa see Ia taa damangarata kasesa.

Yohanes 7:39

Wali etu semo ligi to nato’o i Yesu. Ane ri ligi etu, ue to mangawai katuwu batuanginya i Nosa Mapasing to dama’i damaroo ri raya ntau to mangaya i Yesu. Pei tempo etu i Nosa Mapasing tawa rawaika resi tau apa i Yesu tawa tiokotaka muni nto’u saruga. Wali ane tempo Ia datiokotaka muni nto’u saruga etu, tempo etu Ia damangoko muni kayawaNya.

Yohanes 12:27

Wali yako etu i Yesu manganto’o wo’u, “Aku masusa rayangKu ri tempo si’i mampobuuka kasesa to daKurata. Pei kesaa to daKuika? Aku taa maya mampokaika resi Pa’angKu manganto’o, ‘Pa’a, palaes Aku yako ri kasesa to daKurata.’ Gete, Aku taa kojo maya manganto’o ewa wetu, apa naka pei Aku ma’i see damangarata kasesa to etu semo.”

Yohanes 13:1

Wali yako etu, mosumo temponya Roa Paskah. Tempo etu i Yesu mangansani ratamo temponya Ia dapolas yako ri lino si’i dayau muni resi Pa’aNya. Wali ri raya ngkatuwu i Yesu ri lino, Ia tare pandooNya mamporayang joaNya to lino, pei tempo etu Ia damampaponsanika resi sira bae kojo pamporayangiNya etu.