Yohanes 12:20 - Tuntu i mPue ri Basa Taa

²⁰ Wali tempo etu re’e seja tau to si’a to Yahudi ri oyo ntau to yau ndeku Yerusalem damampue mampakabae i Pue Allah ri tempo Roa Paskah.

Sura Magali Nuntu Ngkatuwu

²⁰ Ri oyo waʼa ntau anu ndeku ri Yerusale anu njoʼu ri posusa Pasa, reʼe bara tesangkuja to Garika.

Yohanes 12:20 Referans Kwoze

Yohanes 7:35

Wali ojo pangandonge ntau tu’a nto Yahudi gombo i Yesu etu, sira mampotanaka samba’a pei samba’a, to’onya, “Bara imbanjo danakanjo’u ngkai si’i naka pei Ia manganto’o kita tamo maya damangarata Ia? Wimba, Ia bara yau damaroo resi yunu-yunu ngkita to Yahudi to maroo nja’u lipu nto Yunani, see damampotunde wo’u to Yunani etu?

Palaong mPomakau i mPue Yesu 17:4

Wali tau to mangandonge gombo i mPaulus etu, boros kojo to mangaya gombo i mPaulus mangkonong i Pue Yesu etu pasi mangaluluka i Paulus sira dua i Silas. Re’e sangga’a to Yahudi, pasi boros kojo to Yunani to mampalaika i Pue Allah saba manga’angga Ia, pasi boros seja tau we’a to bose angganya to mangaya pasi mangalulu etu.

Palaong mPomakau i mPue Yesu 8:27

Wali yako etu i Pilipus mampakaroso pei yau mampago jaya to room nato’oka mpomakau i mPue Allah ia. Rata nja’u jaya etu ia mangkita samba’a tau to Etiopia liu ri jaya etu dayau muni njo’u lipunya. Ngkai etu tau to bae angganya to mampasilonga samparia kasugi makole nto Etiopia. Makole etu makole to we’a to sanganya i Kandake. Wali tau Etiopia to nakita mPilipus ri jaya etu ia owo room mampue resi i Pue Allah nda’a Yerusalem apa ia mampakabae i Pue Allah.

Galatia 2:3

Pei sira singkonong pei palaong to inikangku etu. Manasa sira singkonong apa i Titus, yunungku to sinjaya-njaya pei aku rata nda’a Yerusalem, ia si’a to Yahudi, pei nempo ewa see sira taa mampakasaaka ia darasui mangalulu porenta i Musa.

Palaong mPomakau i mPue Yesu 21:28

Sira sakaboo, manganto’o, “O to Israel, mai sawang kami mangahuku tau si’i! Si’i semo tau to mampotundeka tau ri ponto lipu see sira mangewa kita to Yahudi pasi see sira tamo mangalulu porenta i Musa. Pasi ia mampotundeka tau manganto’o banua i mPue Allah si’i tare batuanginya. Pei si’a ojo to etu inikanya, ia re’e seja mangkeni tau to si’a to Yahudi masua ri raya banua i mPue Allah, mampakarikasika banua to mapasing si’i.”

Palaong mPomakau i mPue Yesu 20:21

Tempo etu aku sangkani mampatiendoka komi to Yahudi pasi komi to si’a to Yahudi see komi mangandolika tangomu resi i Pue Allah pasi mangaya i Pue ngkita, i Yesu Kerisitu.

Palaong mPomakau i mPue Yesu 16:1

Wali yako ri propinsi Siria pasi Kilikia i Paulus sira dua i Silas polas wo’u yau njo’u kota Derbe pasi Listra. Nja’u kota Listra etu re’e samba’a anaguru i mPue Yesu, sanganya i Timotius. Ngkai etu indonya to Yahudi to mangaya i Pue Yesu, pei pa’anya to Yunani, si’a to Yahudi.

Palaong mPomakau i mPue Yesu 14:1

Wali ojo karata i mPaulus sira dua i Barnabas nja’u kota Ikonium, sira masua sindara-ndara ri raya banua to napampotunde nto Yahudi, panewa sira mampakarebaka tau to siromu nja’u ria kareba matao. Tempo sira magombo etu sira mampakanasa kojo kareba matao wali see naka boros kojo tau to mangaya i Pue Yesu. Tau to mangaya etu re’e to Yahudi pasi re’e seja to si’a to Yahudi.

Kolose 3:11

Wali apa saba Ia roomo mangawaika kita katuwu to bou, see naka tare pasisalanya tau. Nempo to Yahudi pasi nempo tau to si'a to Yahudi, nempo tau to rasui pasi nempo tau to taa rasui, nempo tau to yako lipu to yusa pasi nempo tau to maila, pasi nempo tau to napowatua ntau pasi nempo tau to taa napowatua ntau, nempo ewa wimba tau, tare pasisalanya. Apa i Kerisitu semo to bae batuangiNya pasi Ia re'e maroo ri rayanya samparia tau to mangaya.

Galatia 3:28

Wali apa saba komi samba’a pei i Kerisitu, batuanginya komi seja rapasimba’a. Wali ane ri pangkita i mPue Allah tare pasisalanya to Yahudi pasi tau to si’a to Yahudi. Pasi tare pasisalanya watua pasi tau to si’a watua. Pasi tare seja pasisalanya to langkai pasi to we’a.

Roma 10:12

Wali gombo etu kono kita samparia apa tare pasisalanya to Yahudi pasi tau to si’a to Yahudi. Kita to lino samparia paka samba’aja Pue ngkita. Pasi Ia bae kanotoNya resi samparia tau to makai-kai resi Ia marapi rasawang.

Roma 1:16

Wali aku taa mangepe mea mampakarebaka kareba matao mangkonong i Kerisitu, apa kareba matao etu semo karoso i mPue Allah. Apa i sema tau to mangaya kareba matao etu, karoso i mPue Allah mampalaes tau etu. Wali uyu-uyunya owo to Yahudi to rakenika kareba matao, pei si’i-si’i pasi tau to si’a to Yahudi sira rakenika seja kareba matao.

Yohanes 12:1

Wali ono mbengiwa panewa Roa Paskah i Yesu pasi kami to anaguruNya yau muni njo’u Betania. Betania etu, etu semo kota nakaroo i Lasarus to nawangu muni i Yesu yako ri kapatenya seore.

Yohanes 12:19

Wali ojo pangkita nto Yahudi to aliran Parisi tau boros mangampago i Yesu etu, sira manganto’o samba’a pei samba’a, “Gete, taa kojo mawali songka ngkita! Taa mawali kita mampopate yau Ia pasi i Lasarus, apa lo’aja, samparia tau ri lino paka mangalulu yau Ia! Sira taa damangabiaka kita mangika bara kesaa resi Ia.”