Yohanes 11:51 - Tuntu i mPue ri Basa Taa

⁵¹ Ewa wetu nato’o i ngKayapas. Pei kamonsonya gombo to ia manganto’o etu si’a yako ri pampobuuka to si ia. Ia kepala nto pampue to bae angganya ri to’u etu, wali i Pue Allah semo to mangawaika ia pampobuuka to etu see naka ia manganto’o yami i Yesu damate mangkapateka samparia tau ri bansa nto Yahudi.

Sura Magali Nuntu Ngkatuwu

⁵¹ Kamonconya pompau i ngKayapa ewanceʼe banya ua ponawa-nawanya ngkalionya. Paikanya ua kasiʼanya Tadu mPanyomba Bangke, mowatimo siʼa kono da kapate i Yesu tila lemba nto Yahudi.

Yohanes 11:51 Referans Kwoze

2 Korintus 5:21

Wali Ia semo to nangika jaya see kita maya masingkatao pei Ia. Apa i Kerisitu tare dosaNya, pei saba kita to lino madosa see naka i Pue Allah manganto’oka Ia mampongakung yau dosa ngkita. Wali yako palaong to etu see naka kita maya nato’o i mPue Allah tare dosanta apa saba kita samba’a pei i Kerisitu. Wali etu semo jaya to naika i mPue Allah see kita maya mawali masingkatao pei Ia.

Galatia 3:13

Pei tare pasi samba’a kita to takurang mangalulu samparia to nato’o mporenta i Musa etu, see naka kita samparia natanaa i mPue Allah. Pei kita tilapamo yako ri tanaa etu apa i Kerisitu mangabolos kita. Ia mangarata tanaa etu singkonong ewa to ratulis ri raya ntuntu i mPue Allah to manganto’o, “I sema-sema tau to rapaku ri kaju pasape, batuanginya tau etu natanaa i mPue Allah.” (Ulang 21:23) Wali tempo i Yesu rapaku ri kaju pasape, tempo etu Ia kono tanaa etu.

1 Korintus 13:2

Pasi nempo aku nawaika i mPue mawali to pantuntu tuntuNya pasi rawaika mangansani anu to taa nansani ntau, pasi nempo bae kanasanya to nawaika i mPue aku, pasi nempo aku maroso kojo pangayangku see kukurang mangalimba tongku, nempo ewa see ane aku taa mamporayang sa’e, tare batuanginya katuwungku.

Matius 20:28

Matao komi sewaju ewa Aku, Wiyaa nto Lino. Aku ma’i si’a ma’i danasawang ntau, Aku ma’i damangansawang tau pasi damangkapateka tau boros damangansompo dosa nsira.”

1 Petrus 3:18

Apa sakowa i Kerisitu, Ia mangarata seja kasesa. Ia sangkanija mate mangansompo dosa ngkita, pasi kapateNya etu ganamo. Ia tare dosaNya, pei Ia mangkapateka kita to madosa see Ia maya mangika kita see mawali masingkatao pei i Pue Allah. Wali koroNya namate yau, pei yako kuasa i Nosa Mapasing Ia rawangu muni yako ri kapateNya etu.

1 Petrus 2:24

Wali i Kerisitu etu, Ia semo to mangkeni dosa ngkita ri koroNya tempo Ia rapaku ri kaju pasape. Pasi yako wela-wela to narata i ngKerisitu seore, see naka kita rapakatao. Ewa wetu inikaNya see kita maya mawali ewa tau mate to tamo nakuasang nu dosa. Pasi Ia mangika palaong etu see kita maya tuwu damangika lengko to singkonong pei i Pue Allah.

Yohanes 11:49

Wali yako etu re’e samba’a sira, to sanganya i Kayapas, ia magombo. I Kayapas etu semo kepala nto pampue to bae angganya ri to’u etu. Wali ia manganto’o, “Gete! Komi taa mangansani bara kesaa!

Yohanes 18:13

Roo see sira mangkeni Ia njo’u si Hanas ruyu. I Hanas etu ia temanua i ngKayapas to langkai. I Kayapas etu, ia tiroowa kepala nto pampue to bae angganya ri to’u to etu.

1 Yohanes 2:2

Wali Ia semo to mawali pampue to mampakasanang i Pue Allah, see naka Ia tamo mangkitanaka dosa ngkita. Pasi pampue etu gana mawali pambayar nu dosa ngkita. Pei si'a ojo dosa to si kita, dosa nto lino samparia. Wali matantu i Pue Allah tamo damangkitanaka dosa ngkita!