Yohanes 11:25 - Tuntu i mPue ri Basa Taa

²⁵ Wali i Yesu manganto’oka ia, “Aku semo to mangawangu muni tau yako ri kapatenya pasi to mangawai katuwu. See naka i sema tau to mangaya Aku, nempo ia tiroo mate yau pei yako etu ia tiroo datuwu.

Sura Magali Nuntu Ngkatuwu

²⁵ Ndatoʼo i Yesu ri Marita, “Yakumo seʼi puʼu ngkatuwu anu mampapembangu tau anu matemo. Pai tau anu maaya Yaku mau matemo siʼa da tuwu.

Yohanes 11:25 Referans Kwoze

1 Tesalonika 4:14

Apa kita mangaya i Yesu roomo namate yau pei mambangu muni yako ri kapateNya etu. Wali see naka kita mangaya seja, ane tau to mangaya i Yesu to namatemo, sira seja darawangu muni. Pasi tempo i Yesu dama’i muni, tempo etu tau to mangaya to namatemo etu, tonii nsira danawaika i mPue Allah ma’i seja sindara-ndara pei i Yesu.

Yohanes 3:36

Wali i sema tau to mangaya AnaNya etu, tau etu re’e katuwu to singkasaenya. Pei i sema tau to taa mangaya AnaNya etu, tau etu taa damangarata katuwu to etu. Kasimbalinya yako etu, tau etu danahuku i mPue Allah rataka ri singkasaenya.” Wali etu semo gombo i Yohanes resi anagurunya.

Yohanes 1:4

Wali Ia to rato’oka i Tuntu, Ia semo mangawai katuwu to monso. Wali Ia maya raporapaka ewa pansona to mampakaremeka to lino jaya, apa Ia semo to mampakanasaka resi to lino songka i mPue Allah see sira maya mangarata katuwu to monso etu.

Yohanes 5:21

Apa ewa naika mPa’angKu mangawangu muni tau to matem pei mangawaika muni sira katuwu, ewa see seja Aku to AnaNya, damangawaika katuwu resi tau to Aku rani mangawaika.

Yohanes 6:44

Apa tare tau to nakoto ma’i mangalulu Aku ane Pa’angKu to nampokau Aku taa mangangkeni ia resi Aku. Pasi tau to ma’i mangalulu Aku etu, Aku damangawangu muni ane rata ri kapuranya temponya to si’i.

Roma 8:2

Apa kuasa i Nosa Mapasing to mangawaika kita katuwu room mangalapa kita yako ri kuasa nu dosa pasi yako ri kuasa ngkapate. Kuasa i Nosa Mapasing etu re’e resi kita apa saba kita samba’a pei i Kerisitu.

Yohanes 6:35

Wali i Yesu manganto’oka sira, Ia manganto’o, “Aku semo pangkoni to mangawai katuwu. Wali see naka i sema tau to mangalulu Aku, tau etu raporapaka ewa tau to tamo damoro komponya. Pasi i sema tau to mangaya Aku, tau etu raporapaka ewa tau to tamo damara nganganya rataka ri singkasaenya.

Pangkita 21:4

Ia damampalasi yau samparia ue mata nsira. Pasi tempo etu tamo re’e kapate, pasi tamo re’e kamawo ndaya, pasi tamo seja re’e to tumangi bara ntida, apa samparia to re’e tempo ruyu room rawali yau.”

Pilipi 3:10

Wali tempo si’i aku rani kojo masinsani pei i Kerisitu. Pasi aku rani seja kuasa i mPue Allah mapalaong ri raya ngkatuwungku. Kuasa etu semo kuasa to nangawangu muni i Kerisitu yako ri kapateNya. Pasi aku rani seja mangepe kasesa ewa narata i ngKerisitu mangepe kasesa ri raya ngkatuwuNya ri lino si’i. Pasi aku rani lengko ngkatuwungku mawali sewaju ewa lengko i ngKerisitu ri tempo kapateNya.

Pangkita 20:5

Wali tempo sira tuwu muni etu, tempo etu semo to rato’oka pangawangu muni i mPue Allah tau to uyunya. Pei tau mate to yusa, sira tawa tuwu muni tempo etu. Sira ri kapuranya sansowu nto’u etu panewa sira tuwu muni.

Palaong mPomakau i mPue Yesu 3:15

Panewa komi mampopate yau i Yesu anu pu’u ngkatuwu. Pei karoonya komi mampopate yau Ia i Pue Allah mangawangu muni Ia yako ri kapateNya. Pasi kami semo matamanasa palaong to etu.

Yohanes 14:6

Wali i Yesu manganto’o, “Aku semo jaya to rata resi Pa’angKu. Pasi Aku semo to mampakanasaka tau anu to monso mangkonong Ia, pasi Aku semo pu’u ngkatuwu to singkasaenya. Wali tare tau to rata resi Pa’angKu ane taa mangalulu Aku.

Yohanes 5:26

Apa Pa’angKu, Ia semo pu’u ngkatuwu pasi ewa see seja Aku, apa Ia mangawaika seja Aku to AnaNya kuasa damangawaika resi tau katuwu.

Pangkita 22:17

Wali yako etu, i Nosa Mapasing pasi Kasimpande nu Ana Domba sira manganto’o, “Maimo!” Pasi i sema tau to mangandonge gombo si’i, matao ia seja manganto’o, “Maimo!” Pasi i sema to mangau warokonya, biakamo ia naka ma’i. Pasi i sema to rani, biakamo ia mangoko ue to mangawai katuwu, ue etu tare olinya to danabayar.

Yohanes 14:19

Pei ane to lino to taa mangaya, tamo masae panewa sira tamo damangkita Aku. Pei komi to mangaya damangkita Aku. Pasi apa saba Aku datuwu muni, see naka darata temponya komi seja datuwu muni yako ri kapatemu.

Pangkita 22:1

Wali yako etu pomakau i mPue Allah mampaporaoka aku koro nu ue to mangawai katuwu. Ue etu malino kojo ewa kasa to rato’oka kristal. Wali ue etu maili yako ri gadera to napatunda i mPue Allah pasi Ana nu Domba.

2 Korintus 4:14

Apa kami mangansani i Pue Allah roomo mangawangu muni i Pue Yesu yako ri kapateNya, pasi Ia semo to damangawangu muni seja kita apa saba kita samba’a pei i Yesu. Pasi Ia damangkeni kami sindara-ndara pei komi damampotango Ia. Wali see naka kami sangkani magombo mangkonong pangaya mami etu.

Roma 4:17

Wali etu singkonong pei gombo i mPue Allah resi i Abraham to nja’u ratulis ri raya ntuntuNya. Ia manganto’o, “Aku roomo mangika korom mawali pa’a ntau malagi bansa.” (Pomulanya 17:5) Etu semo gombo i mPue resi i Abraham. Wali i Abraham ia pa’a ngkita samparia ane ri pangkita i mPue Allah. I Pue Allah semo to naaya i Abraham pasi Ia semo to mangawangu muni tau yako ri kapatenya, pasi to re’e kuasa to yako ri gomboNya mampapowali anu to tawa re’e see dare’emo.

Lukas 23:43

Wali i Yesu manganto’oka ia, “Aku manganto’oka korom, monso pu’u seo si’i korom dasiwaka pei Aku ri tampa to bae kojo kayawanya, to rato’oka bonde i mPue Allah.”

1 Korintus 15:29

Wali wimba, ane monso pu’u tau mate taa rawangu muni yako ri kapatenya, maka pei re’e tau to rabaptis mangabolos yununya to room namate yau? Ane tau mate etu taa darawangu muni, tare batuanginya yununya rabaptis mangabolos sira.

1 Korintus 15:18

Pasi ane ewa see, tau to mangaya i Kerisitu to room namate yau, tau etu room rapakaja’aka yau.

Yohanes 3:16

Apa bae kojo pamporayang i mPue Allah resi to lino, see naka Ia mangawai Aku, AnaNya to samba’aja, see i sema tau to mangaya Aku, tau etu taa darapakaja’aka yau, pei damangarata katuwu to singkasaenya.

Pangkita 1:18

Aku semo to tuwu. Tempo ruyu Aku mate pei tempo si’i Aku tuwu singkasaenya. Wali Aku semo mangkuasang kapate ntau pasi mangkuasang lipu ntau mate.”