Yohanes 11:15 - Tuntu i mPue ri Basa Taa

¹⁵ Pei Aku masanang Aku taa siwaka pei ia tempo ia tawa mate etu apa ane ewa see Aku ojo mampakatao muni ia. Pei ia namatemo si’i-si’i, wali bae wo’u batuanginya resi komi, apa yako palaong to damawali see naka komi damaroso wo’u pangaya ngkomi resi Aku. Wali yaumo kita mangampago ia.”

Sura Magali Nuntu Ngkatuwu

¹⁵ Paikanya sakodi ngkadago yau, ua Yaku bareʼe njau njairia, inceʼe anu madago mpodago ri komi, da naka ndiaya kojo Yaku seʼi, ndikaligamo tapadadu i Lasaru.”

Yohanes 11:15 Referans Kwoze

2 Timotius 2:10

Wali see naka aku buya rayangku mansabaraka samparia kasesa to aku mangarata see maya mangansawang samparia tau to mangaya, tau to napilis i mPue Allah darapalaes yako ri kuasa nu dosa apa saba sira mawali samba’a pei i Kerisitu Yesu. Pasi sira maya mangarata katuwu to bae kayawanya rataka ri singkasaenya.

Yohanes 17:19

Wali Aku rani mangansawang sira, see naka Aku damangawaika korongKu damangkapateka sira. Aku mangika ewa wetu see sira maya seja mawali tau to rani mampolaika tuntu ngKomi anu to monso.” Wali etu semo gombo i Yesu mampokai-kaika anaguruNya.

Yohanes 12:30

Pei i Yesu manganto’oka sira, “Loo to nudonge ngkomi etu yako resi i Pue Allah. Wali loo etu naka pei radonge si’a ojo damangansawang Aku. LooNya etu radonge damangansawang komi semo.

Yohanes 11:4

Wali ojo pangandonge i Yesu kareba etu Ia manganto’o, “Naka pei i Lasarus ia mawali masaki si’a see ia damate yau. Naka pei ia mawali masaki see tau boros damangkita kuasa i mPue Allah pasi mangabarong Ia. Apa yako palaong to etu see naka tau damangabarong kuasa to si Aku, Ana i mPue Allah.”

Yohanes 2:11

Wali tempo i Yesu mampapowali ue mawali tule anggur nja’u kota Kana ri propinsi Galilea etu, etu semo palaong to taa rapobiasa to uyunya kojo naika i Yesu. Wali yako palaong to etu re’e tau to mangkita kuasaNya, see naka sira mangansani Ia masipato rabarong. Wali yako etu maroso wo’u pangaya mami to anaguruNya resi Ia.

1 Yohanes 5:13

Wali aku kunsani komi roomo mangaya kuasa nu Ana i mPue Allah. Pei aku tiroowa mangantulisika komi sura si’i see damanasa ngkomi saba yako pangayang komi Ia, re’emo katuwu to singkasaenya resi komi. Pasi aku mangantulisika komi sura si’i see tare pandoonya komi mangaya Ia.

2 Korintus 4:15

Wali samparia kasesa to narata mami tempo kami mampakarebaka komi kareba matao, paka bae batuanginya resi komi. Apa kanjo’u-njo’u kaboro-boros komi to mangarata kanoto i mPue Allah, panewa kaboro-boros tau to manganto’oka Ia tarima matao. Wali yako palaong to etu see naka tiduga-dugang tau mangabarong kayawa i mPue Allah.

Pomulanya 26:24

Ojo karatanya ndate ria, ri raya mburi etu i Pue Yawe rata resi i Ishak pei manganto’oka ia, to’oNya, “Aku semo Allah to napakabae mpa’amu, i Abraham. Ne’e meka apa Aku re’e siwaka pei korom. Aku damampakasanang katuwu ngkorom pasi damampakaboros wiyaamu. Naka pei Aku damangika palaong etu apa saba parajanji to inikangKu seore resi to papolaongingKu, i Abraham.” Etu semo to nato’oka i mPue Yawe i Ishak ri raya mburi etu.

Yohanes 11:14

Wali see naka i Yesu mampakanasaka kami, Ia manganto’o, “I Lasarus namatemo.

Yohanes 11:16

Wali i Tomas, to rato’oka seja “Tau Api” apa saba ia re’e apinya, i Tomas etu ia tiroo mampobuuka tau nja’u ria to rani mangantasoka i Yesu watu damampopate Ia. Wali ia manganto’oka kami to yununya to anaguru i Yesu seja, to’onya, “Anu kita mangalulu Ia see kita damate seja sindara-ndara pei Ia.” Wali kami yau.