Yohanes 10:3 - Tuntu i mPue ri Basa Taa

³ Wali tau to mangajagang wombo ntondok, ia mangalokaka to pangkampang domba etu wombo. Pasi domba mangansanika loo nto pangkampanginya apa ia mampokio sira mangampake sanga nsira samba’a pei samba’a. Wali see naka domba etu sira mampodongeka kojo pasi mangalulu to pangkampanginya yako ri raya ntondok yau njo’u sambalinya.

Sura Magali Nuntu Ngkatuwu

³ Topojaga bonco da malokaka siʼa boboka, pai da napedongeka waʼa bimba oni nganganya ane napeboo nteasambaʼa ri toʼonya pai napoyunu mesuwu ungka ri bonco.

Yohanes 10:3 Referans Kwoze

2 Timotius 2:19

Pei nempo ewa see, i Yesu Kerisitu tare pombaliNya. Ia raporapaka ewa pondasi to naika i mPue Allah maroso kojo. Wali pondasi etu mawali tondong to manganto’o, “I Pue mangansani tau to Ia Puenya.” Pasi tondong etu manganto’o seja, “I sema-sema tau to mampongakung mampue mampakabae i Pue, tau etu taa masipato ane mangika palaong to maja’a.”

Yohanes 10:4

Pasi ane to pangkampang domba roomo mangkeni dombanya nja’u sambali ntondok, ia matiruyu malinja njo’u pada mangangkeni dombanya damangarata pangkoni. Wali tempo ia malinja etu, dombanya mangalulu ri payunya apa sira mangansanika loonya.

Yohanes 10:16

Pasi re’e wo’u dombangKu to yusa to si’awa ri raya ntondok to si’i. Wali taa maya taa Aku mangkeni seja domba to etu. Sira seja damampodongeka loongKu tempo Aku mampokio sira. Wali samparia tau to mansarumaka Aku damawali ewa domba-domba to samba’a tondok pasi to samba’a to pangkampanginya.

Yohanes 10:14

“Pei Aku raporapaka ewa to pangkampang domba to matao. Wali ewa si’i, Kami dua Pa’angKu masinsani, wali ewa see seja resi tau to mansarumaka Aku, to rato’oka dombangKu. Kami seja masinsani. Apa ewa to pangkampang domba to matao, ia mangansani dombanya, ewa see seja Aku mangansani tau to mansarumaka Aku pasi tau etu mangansani seja Aku. Pasi Aku buya rayangKu mangkapateka dombangKu etu.

Pangkita 3:20

Lo’aka aku. Aku makore ri tango nu wombo pei mangadedek wombo etu pasi mampokio. Wali ane re’e tau to mangandonge loongKu, pei mangalokasika wombo, Aku damasua resi tau etu pei mangkoni sindara-ndara pei ia pasi ia damangkoni sindara-ndara pei Aku.

Pangkita 7:17

Apa Ana nu Domba anu to maporenta sindara-ndara pei i Pue Allah Ia damawali to pangkampang nsira. Ia damangawawa sira njo’u mata nue to mangawaika sira katuwu. Pasi i Pue Allah damampalasi yau samparia ue mata nsira.

Roma 8:30

Wali tau to napansongkaka yami i mPue Allah etu, tau etu Ia mampokio. Pasi tau to napokio etu Ia manganto’o tare dosanya. Pasi tau to Ia manganto’o tare dosanya etu Ia mangokotaka damangarata kayawaNya.

Yohanes 6:45

Wali re’e to natulis nto pantuntu tuntu i mPue Allah nja’u raya ntuntuNya. Ia magombo mangkonong tau to damangalulu Aku, to’onya, ‘Sira samparia paka danapotunde i mPue Allah.’ (Yesaya 54:13) Ewa wetu to ratulis. Wali monso pu’u samparia tau to mampodongeka anu to napotundeka mPa’angKu pei to manasanya anu to napotundeka mPa’angKu etu, tau etu semo to ma’i mangalulu Aku.

Yohanes 6:37

Pei re’e tau to yusa to dama’i mangalulu Aku. Tau etu semo tau to nasarumakaka mPa’angKu Aku. Pasi samparia tau to ma’i mangalulu Aku etu, Aku taa kojo damangarubak yau.

Pangkita 20:15

Wali i sema tau to sanganya tare ratulis ri raya buku ngkatuwu etu, tau etu rapanasoka yau seja lo’u rano nu apu.

Kolose 4:3

Pasi pokai-kaika seja kami see i Pue Allah damangawaika kami jaya damampakarebaka tau tuntuNya to mampakanasa songkaNya to tawa nansani ntau. SongkaNya etu mangkonong i Kerisitu semo. Wali pokaika aku see aku maya mampakanasaka kojo resi tau tempo aku mampakarebaka songka i mPue Allah etu. Apa masipato aku mangika ewa wetu. Kamonsonya aku re'e mampakarebaka resi tau mangkonong i Kerisitu, see naka aku ri raya ntarungku si'i-si'i.

Pilipi 4:3

Pasi yunungku to monso pu’u samba’a palaong pei aku, aku mamporapika resi korom mangansawang tau we’a dua etu see sira mawali masingkatao. Apa seore sira dua maroso palaonginya mangansawang aku mampakarebaka kareba matao. Sira mangansawang aku sindara-ndara pei i Klemen pasi samparia yunungku to yusa to samba’a palaong pei aku. Pasi sanga nsira samparia paka re’e ratulis nja’u raya buku to rapangantulis sanga ntau to mangarata katuwu to singkasaenya. Wali to’oka sira to tao-tao sira dua masingkatao.

1 Petrus 1:12

Pei i Pue Allah nampakanasaka to pantuntu tuntuNya tempo owi etu mangkonong palaong to napakarebaka yami nsira etu. Ia manganto’oka sira palaong etu taa damawali ri tempo katuwu nsira. Palaong etu damawali ri tempo katuwu ngkita semo. Wali monso pu’u ewa wetu. Apa kareba to napakarebaka yami nsira etu monso pu’u mawalimo resi kami. Pasi ri tempo si’i komi nangandongemo seja kareba etu, apa naratamo tau resi komi mangkenika komi kareba matao etu. Pasi ri rayanya sira mampakarebaka resi komi kareba matao etu, sira nasawang i Nosa Mapasing to rapokau yako ndate saruga. Wali magaya kojo kareba mangkonong ewa wimba naika i mPue Allah mampalaes to lino. See naka sakowa pomakau i mPue Allah ndate saruga, sira ipu kojo rayanya mangangkita kanoto i mPue Allah resi to lino. Pasi sira rani kojo manasanya mangkonong kanotoNya to bae kojo etu.

1 Korintus 16:9

Apa rire boros palaong to bae kojo batuanginya to aku maya mangika nempo boros seja tau to mangewa palaong i mPue etu.

1 Yohanes 4:6

Pei kami i Pue Allah Puenya. Wali tau to mangansani seja i Pue Allah, tau etu to masanang mampodongeka gombo mami. Pei tau to si'a i Pue Allah puenya, tau etu bo'onya mampodongeka gombo mami etu. Wali kita ojo mangalo’aka tau to imba to mampodongeka gombo ntau, panewa yako etu kita maya mampasisala gombo ntau etu bara to monso to yako i Nosa Mapasing, bara gombo to taa monso to yako i Kepala nto pantipu.

3 Yohanes 1:14

Pei tuwu-tuwuja tamo masae kita dasimparata panewa magombo-gombo. Wali aku makai-kai see i Pue Allah damangawaika korom karodo ndaya. Wali samparia yunu ngkita rire taa mangkalingan korom. Pasi aku mamporapika resi korom, to'oka yunu ngkita nja'u ria aku taa seja mangkalingan sira samba'a pei samba'a. Wali ungkanyamo gombongku si'i.