Yohanes 10:27 - Tuntu i mPue ri Basa Taa

²⁷ Wali ane domba, sira mangansani loo ntau to mangangkampang pasi ia mangansani sira, see naka sira mangalulu ia. Pasi ewa see seja tau to rato’oka dombangKu, apa tau etu mansarumaka gombongKu, pasi Aku mangansani sira see naka sira mangalulu Aku.

Sura Magali Nuntu Ngkatuwu

²⁷ Ane waʼa bimba-Ku napokono mampedongeka oni nganga-Ku. Kuincani tau seʼe pai tau seʼe da mangalulu Yaku.

Yohanes 10:27 Referans Kwoze

Yohanes 10:16

Pasi re’e wo’u dombangKu to yusa to si’awa ri raya ntondok to si’i. Wali taa maya taa Aku mangkeni seja domba to etu. Sira seja damampodongeka loongKu tempo Aku mampokio sira. Wali samparia tau to mansarumaka Aku damawali ewa domba-domba to samba’a tondok pasi to samba’a to pangkampanginya.

Yohanes 10:14

“Pei Aku raporapaka ewa to pangkampang domba to matao. Wali ewa si’i, Kami dua Pa’angKu masinsani, wali ewa see seja resi tau to mansarumaka Aku, to rato’oka dombangKu. Kami seja masinsani. Apa ewa to pangkampang domba to matao, ia mangansani dombanya, ewa see seja Aku mangansani tau to mansarumaka Aku pasi tau etu mangansani seja Aku. Pasi Aku buya rayangKu mangkapateka dombangKu etu.

Pangkita 3:20

Lo’aka aku. Aku makore ri tango nu wombo pei mangadedek wombo etu pasi mampokio. Wali ane re’e tau to mangandonge loongKu, pei mangalokasika wombo, Aku damasua resi tau etu pei mangkoni sindara-ndara pei ia pasi ia damangkoni sindara-ndara pei Aku.

1 Korintus 8:3

Pei tau to mamporayang i Pue Allah, tau etu nansani i mPue Allah.

Ibrani 3:7

Wali padongeka paposia i Nosa Mapasing to ratulis ri raya nTuntu i mPue, to’oNya, “Seo si’i ane komi mangandonge loo i mPue Allah,

Yohanes 5:25

Wali samparia tau to tawa mangaya, sira maya raporapaka ewa tau mate, apa sira raga’a yako resi i Pue Allah. Pei Aku manganto’oka komi, monso pu’u darata temponya tau to tawa mangaya etu, sira damangandonge gombo nu Ana i mPue Allah, wali sira to mampodongeka pasi mangaya gombongKu etu, sira darawaika katuwu. Wali kamonsonya si’i semo temponya komi damampodongeka gombongKu etu.

Yohanes 8:12

Wali yako etu i Yesu mampogomboka wo’u tau boros, Ia manganto’o, “Aku maya raporapaka ewa pansona to mampapokitaka tau jaya. Apa Aku mampaponsanika to lino jaya to monso. Wali i sema tau to mangalulu Aku, tau etu tamo ewa malinja ri raya mburi apa ia re’e reme to mampapokitaka ia jaya damangarata katuwu.”

Galatia 4:9

Pei si’i-si’i komi mangansanimo i Pue Allah. Pasi to kono wo’u rato’o, i Pue Allah mangansanimo komi! Wali ane ewa see, maka pei komi mangandolika muni tango ngkomi resi ada-ada nto lino? Ada etu tare batuanginya pasi tare kuasanya mangansawang komi, wali maka pei komi mamporani mawali muni watua nu ada etu?

Yohanes 10:8

Wali ewa naika nu domba masua ri tondoknya liu ri wombo see darapalaes yako samparia to maya mampakaja’a sira, ewa wetu seja tau to mansarumaka Aku, sira seja darapalaes. Pasi Aku raporapaka seja ewa to pangkampang domba, wali ewa naika nto pangkampang domba mangkeni dombanya damangarata pangkoni, ewa wetu seja Aku damangawaika resi tau to mansarumaka Aku katuwu to matao. “Wali tempo Aku tawa ma’i, tempo etu re’e tau to mawuti to mampoanika Aku, wali sira manganto’o, “Aku semo to napilis i mPue Allah damampalaes to lino.” Tau etu raporapaka ewa tau to mangoko yau domba nsa’e yako ri raya ntondoknya, apa sira ojo mangantipu tau see tau etu tamo mansarumaka i Pue Allah, jamo mansarumaka gombo nsira to mawuti etu.

Yohanes 12:26

Wali tau, nempo to Yahudi pasiwa tau to si’a to Yahudi etu, ane rani mawali to papolaongingKu, tau etu taa maya taa damangalulu Aku see nempo imbare Aku re’e, nja’u seja ia. Wali i sema tau to mawali to papolaongingKu, tau etu dana’angga mPa’angKu.”

Yohanes 8:43

Maka pei komi taa mangansani gombongKu? Komi taa mangansani apa komi bo’omu mampodongeka anu to Aku mampakarebaka resi komi.

Lukas 9:23

Wali roo see, i Yesu manganto’oka wo’u sira, Ia manganto’o, “I sema tau to rani mangaluluka Aku, tau etu taa maya taa mamposaka yau pamporani ndaya to si ia. Wali ponto-ponto eo ia nempo darapopate yau saba mangalulu Aku, ia tiroowa mangaluluka Aku.

Matius 17:5

Pei tempo i Petrus tongo mpagombonya etu, tempo etu re’e limu to makilo to tudu mangangkumuti yau sira ndate rapa ntongku etu. Pasi kodi majoli sira mangandonge loo yako ri raya limu etu, loo etu manganto’o, “Si’imo anangKu. Aku mamporayang kojo Ia pasi Aku masanang kojo resi Ia. Wali padongeka kojo gomboNya.”

2 Timotius 2:19

Pei nempo ewa see, i Yesu Kerisitu tare pombaliNya. Ia raporapaka ewa pondasi to naika i mPue Allah maroso kojo. Wali pondasi etu mawali tondong to manganto’o, “I Pue mangansani tau to Ia Puenya.” Pasi tondong etu manganto’o seja, “I sema-sema tau to mampongakung mampue mampakabae i Pue, tau etu taa masipato ane mangika palaong to maja’a.”

Yohanes 21:22

Pei i Yesu manganto’o, “Maka pei korom mampotanaka mangkonong ia? Ane rapanya Aku rani ia datuwu rataka ri temponya Aku ma’i muni ri lino, ane ewa see tare batuanginya korom mangansani yami. Si’a to etu to Aku rani korom mampobuuka. To bae batuanginya resi korom mampobuu-buuka Aku pasi mangalulu Aku!”

Lukas 13:27

“Pei tau pue banua tiroo damanganto’o, ‘Aku taa kunsani komi pasi taa seja kunsani yako imbare kama’i ngkomi. Wali piyai yako resi aku komi samparia to maja’a lengkomu.’ Ewa see danato’o ntau pue banua.

Markus 8:34

Wali ojo karoonya etu i Yesu mampokio tau boros pasi anaguruNya to sampuyu pei samba’a etu. Ojo karata nsira resi Ia, Ia manganto’oka sira, “I sema tau to rani mangaluluka Aku, tau etu taa maya taa mamposaka yau pamporani ndaya to si ia. Wali ia nempo rapopate yau saba mangalulu Aku, ia tiroowa mangaluluka Aku.

Matius 25:12

“Pei to langkai to darapaporongo etu ia manganto’o, ‘Taa, apa aku taa kunsani komi.’ Etu semo to nato’oka nto langkai resi ngana we’a to madoyo etu. Wali etu semo rapa.

Matius 16:24

Wali yako etu i Yesu sira dua i Petrus mawolili muni resi kami panewa i Yesu manganto’oka samparia kami, Ia manganto’o, “I sema tau to rani mangaluluka Aku, tau etu taa maya taa mamposaka yau pamporani ndaya to si ia. Wali ia nempo darapopate yau saba mangalulu Aku, ia tiroowa mangaluluka Aku.

Matius 7:23

.Pei Aku damangansono sira pasi damanganto’o, ‘Piyai yako resi Aku komi to maja’a lengkomu. Komi si’a taungKu ri kamonso-monsonya.’ Etu semo to dakuto’oka sira.

Pangkita 14:4

Tau etu tau to tare mangika palaong to mampakarikasika raya nsira apa sira tare magoyal bara masala resi to we’a apa sira nakurang manta’amaka rayanya. Sira ojo mangaluluka kojo Ana nu Domba. Imba nakanjo’u nu Ana Domba etu, sira njo’u seja. Pasi sira semo to naoli i mPue yako ri oyo nto lino. Sira mawali i Pue Allah Puenya pasi Ana nu Domba Puenya, ewa pae to uyunya rapota to rapampueka resi i Pue Allah.

Palaong mPomakau i mPue Yesu 3:23

I sema-sema to taa mampodongeka gombo to nato’o nto pantuntu tuntu etu, tau etu darapoga’aka yau yako resi tau to i Pue Allah puenya, pasi ia darapakaja’aka yau.’ (Ulang 18:15,18,19) Wali etu semo gombo i Musa.

Markus 10:21

Wali i Yesu mangalo’aka resi ngkai etu. Ia mamporayang ia pei manganto’oka wo’u ia, “Jamo sanjaya to tawa nuika, etu semo, intamo pei pobalu yau samparia kasugimu pei olinya tilaka yau tau to masiasi. Ane ewa wetu nuika ngkorom, korom damangarata kasugi ndate saruga. Pasi ane roomo mangawaika yau samparia etu, mai muni pei lulu Aku. Wali nempo darapopate yau saba mangalulu Aku, pei ne’e mandoo mangalulu Aku.”