Yohanes 1:51 - Tuntu i mPue ri Basa Taa

⁵¹ Roo see i Yesu manganto’oka wo’u sira samparia, “Aku manganto’oka komi, monso pu’u komi damangkita yangi tiloka. Pasi komi damangkita pomakau i mPue Allah, sira nto’u-ma’i nto’u-ma’i yau nto’u saruga pei mawolili muni resi Aku, Wiyaa nto Lino.”

Sura Magali Nuntu Ngkatuwu

⁵¹ Ndatoʼo woʼu i Yesu, “Monco Kutoʼoka siko, da nukita yangi teloka, pai waʼa malaʼeka mPue Ala pone panaʼu ri Ana Manusia.”

Yohanes 1:51 Referans Kwoze

Pomulanya 28:12

Wali ia yore yau panewa tempo yore etu ia mangipi. Ri raya mpangipinya etu ia mangkita re’e eja to makore yako ri tana pei tomponya rata ndate yangi. Pasi ia mangkita malagi mba’a pomakau i mPue Allah yako ri Saruga, sira mapone-pana’u mapone-pana’u ri eja etu.

Palaong mPomakau i mPue Yesu 7:56

Wali ia manganto’o, “Lo’a! Aku mangkita yangi tiloka pasi aku mangkita seja Wiyaa nto Lino makore ri tondo ngkana i mPue Allah.”

Lukas 22:43

Wali ojo karoonya i Yesu manganto’o pokai-kai etu, rata samba’a pomakau i mPue Allah yako ndate saruga, ma’i mampakaroso Ia.

Lukas 2:13

Wali ojo karoonya pomakau i mPue etu manganto’o gombo etu, kodi majoli rata seja yununya to boros kojo yako ndate saruga. Sira mangabarong i Pue Allah to’onya,

Markus 14:62

Wali i Yesu manganto’o, “Aku semo. Pasi komi damangkita Aku, Wiyaa nto Lino, damatunda ri tampa to bae angganya ri tondo ngkana i mPue Allah anu makuasa. Pasi komi seja damangkita Aku dama’i muni ri lino si’i ri wawo limu ndate yangi.”

Markus 1:10

Ojo karoonya Ia rabaptis Ia miyai muni yako ri ue. Pei tempo Ia miyai yako ri ue etu, Ia mansaka mangkita yangi tiloka pei Ia mangkita i Nosa Mapasing yako ndate yangi ewa tagou tudu ri wawoNya.

Matius 3:16

Wali ojo karoonya i Yesu rabaptis etu, Ia mansaka miyai muni yako ri ue. Tempo i Yesu miyai yako ri ue etu, yangi tiloka pei Ia mangkita i Nosa Mapasing yako ndate yangi ewa tagou tudu ri wawoNya.

Palaong mPomakau i mPue Yesu 10:11

Ri raya mpangkitanya etu ia mangkita yangi tiloka panewa yako ri yangi tiloka etu tudu anu to ewa kain to bae katawaanya to raloe ponto sunonya opo. Anu etu ratudumaka ri tana.

Lukas 3:21

Pei tempo i Yohanes tawa ratarungku, tempo tau boros rabaptis, tempo etu i Yesu rabaptis seja. Ojo karoonya i Yesu rabaptis etu Ia makai-kai, pasi tongonya Ia makai-kai yangi tiloka

Matius 4:11

Wali tempo i Yesu manganto’o gombo etu, i Kepala nto pantipu miyai yako resi Ia. Panewa ma’i pomakau i mPue Allah yako ri saruga, ma’i mangansawang i Yesu.

Pangkita 19:11

Wali yako etu aku mangkita saruga tiloka, panewa aku mangkita jarang to buya pasi re’e to mampolea. To mampolea jarang etu Ia rato’oka i Masipato Rasarumaka pasi i Monso. Ia mangahuku pasi mangamusu baliNya. Tempo Ia mangika palaong etu, Ia mangika to singkonong pei i Pue Allah.

Pangkita 4:1

Wali ojo karoonya Ia magombo, aku re’e wo’u pangkitangku. Aku mangkita wombo ndate saruga tiloka. Pasi aku mangandonge wo’u loo to ewa loo ntarompet karosonya to aku owo roo mangandonge ngena. Loo etu manganto’o wo’u, “Papone mai. Aku damampaporaoka korom palaong to damawali ri tempo to darata.”

2 Tesalonika 1:7

Pasi Ia damampapandoo kasesa to nurata ngkomi pasi kasesa to irata mami seja. Wali palaong etu damawali ane ratamo temponya i Pue Yesu dama’i yako ndate saruga pei mampapokitaka kita koroNya. Tempo Ia ma’i etu, Ia dama’i sindara-ndara pei pomakauNya to bae kuasanya.

Lukas 2:9

Tempo sira mangangkampang dombanya etu, kodi majoli re’e samba’a pomakau i mPue yako ri saruga rata resi sira. Pasi reme i mPue to makilo kojo mangansindo sira. Wali meka kojo raya nsira.

Ibrani 1:14

Apa pomakauNya etu, sira ojo nosa-nosa to mangika palaong i mPue Allah. Pasi sira napokau i mPue Allah damangansawang tau. Wali tau to nasawang mpomakau etu, etu semo kita to danapalaes i mPue Allah. Wali manasa kojo sanga pasi pangka i Ana i mPue Allah, etu semo to bae-bae batuanginya pei sanga pasi pangka mpomakau i mPue Allah.

1 Timotius 3:16

Wali monso pu’u bae kojo batuanginya anu to napaponsanika i mPue Allah mangkonong pangaya ngkita. Etu semo, I Pue Allah nama’i mawali tau, Pasi i Nosa Mapasing mampakanasa Ia tare dosa. Ia nakita mpomakauNya yako ndate saruga, Pasi kareba mangkonong Ia rapakarebaka resi tau samparia bansa. Pasi tau sambawo lino re’e to mangaya Ia. Pasi Ia tiokotaka nto’u saruga ri raya ngkayawaNya.

Yohanes 10:1

Wali yako etu i Yesu mampogomboka wo’u tau to nja’u ria. Ia manganto’oka sira rapa mangkonong ewa wimba pasisalanya Ia pasi tau to ojo rani mangantipu to Yahudi. To’oNya, “Aku manganto’oka komi, monso pu’u i sema tau to masua ri raya ntondok nu domba mapone ri tondok, si’a liu ri wombo ntondok etu, tau etu to palima bara tau to mangarai sa’e see maya mangoko yau ngaya-ngayanya.

Lukas 22:69

Pei Aku manganto’oka komi, yako ri tempo to si’i Aku, Wiyaa nto Lino, damatunda ri tampa to bae angganya ri tondo ngkana i mPue Allah anu makuasa.”

Matius 25:31

Wali yako etu i Yesu manganto’o wo’u, “Wali Aku, Wiyaa nto Lino, dama’i ri raya ngkayawangKu pasi samparia pomakaungKu yako ndate saruga, sira dama’i sindara-ndara pei Aku. Wali tempo Aku dama’i etu, Aku damangabotus to lino, see naka Aku damatunda ri gadera to tondong kuasangKu pasi kayawangKu.

I Yudas 1:14

Wali mangkonong tau to etu semo to nato’o yami i Henokh tempo owi. I Henokh etu ia wiyaa i Adam to kapitu ntapinya. Wali ia manganto’o, “Lo’a, ma’i i Pue sindara-ndara pei tau to Ia Puenya to ri nsowu-nsowunya.

2 Tesalonika 1:9

Wali huku to danarata ntau etu, etu semo sira darapakaja’aka yau rataka ri singkasaenya, batuanginya sira darapanasok yau yako ri tango i mPue, wali sira tamo mangkita wo’u kuasa i mPue to bae kojo kayawaNya.

Yohanes 14:12

“Wali Aku manganto’oka komi, monso pu’u, i sema tau to mangaya Aku, tau etu danakoto seja mangika palaong to taa rapobiasa to Aku roomo mangika etu. Pei si’a ojo palaong to ewa wetu to ia damangika. Ia damangika palaong to bae wo’u batuanginya pei palaong to etu. Apa Aku yau damaroo resi Pa’angKu,

Yohanes 6:47

“Wali Aku semo pangkoni to mangawai katuwu. Pasi Aku manganto’oka komi, monso pu’u tau to mangaya Aku, tau etu re’emo katuwu to singkasaenya.

Lukas 24:4

Wali sira tamo mangansani bara kesaa to danapobuuka. Pei kodi majoli re’e dua mba’a tau langkai to makore ri awe nsira. Tau dua etu, pakenya kampila-mpila.

Matius 26:24

Aku, Wiyaa nto Lino, Aku damate ewa to roomo rapakanasa yami ri raya ntuntu i mPue Allah. Pei tau to damamposora yau Aku, ia damasesa kojo. Wali to tao-tao ane ia taa ipoanaka.”

Yohanes 21:18

Aku manganto’oka korom, monso pu’u, tempo korom damangurawa, tempo etu korom semo to mamposunsuka pakemu pasi manganso’o salipimu damampakaroso yau bara imbare rani nukayako. Pei tempo korom tu’am, tempo etu korom damangantotoka palemu panewa tau to yusa damangampungu korom pei damangkeni korom njo’u tampa to taa nuporani ngkorom yau.”

Yohanes 8:51

Wali Aku manganto’oka komi, monso pu’u tau to mampalaika gombongKu, tau etu taa kojo damangarata kapate.”

Yohanes 6:32

Wali i Yesu manganto’oka sira, “Aku manganto’oka komi, monso pu’u si’a i Musa to mangawaika sira pangkoni to yako ndate saruga, Pa’angKu semo. Pei pasiwa pangkoni to Ia mangawaika sira tempo owi etu, si’awa pangkoni to monso. Tempo si’i semo Pa’angKu mangawaika komi pangkoni to monso to yako ndate saruga.

Yohanes 3:5

Wali i Yesu mangansono, Ia manganto’o, “Si’a pangampoana to etu to Aku manganto’o. Pei Aku manganto’oka korom, monso pu’u tare tau to maya mawali tau to i Pue Allah Makolenya ane ia taa rapoanaka yako ue pasi yako i Nosa Mapasing.

Yohanes 16:20

Wali Aku manganto’oka komi, monso pu’u, tempo tau mampopate yau Aku komi datumangi mangantangis Aku, pei to lino to taa mangaya, sira dandende kojo rayanya. Komi damasusa kojo, pei yako etu kasusa ndaya ngkomi etu damawali yau kandende ndaya tempo komi mangkita wo’u Aku.

Yohanes 10:7

Wali see naka i Yesu manganto’o, “Aku manganto’oka komi, monso pu’u Aku semo to raporapaka ewa wombo to napake nu domba masua ri raya ntondoknya.

Yohanes 6:53

Wali i Yesu mangaligi sira mangkonong pangaya ntau ri palaongiNya tempo Ia damangawaika yau koroNya pasi raaNya, batuanginya Ia mangangkapateka to lino. Ia manganto’o, “Aku manganto’oka komi, monso pu’u komi tare katuwu to singkasaenya resi komi ane komi taa mangkoni koro to si Aku, Wiyaa nto Lino, pasi manginu raangKu.

Yohanes 5:27

Pasi apa saba Aku semo Wiyaa nto Lino, see naka Ia mangawaika seja Aku kuasa damangabotus to lino.

Yohanes 5:19

Wali i Yesu manganto’oka to Yahudi etu, “Aku manganto’oka komi, monso pu’u Aku, Ana i mPue Allah, taa maya mangika bara kesaa ane ojo yako pamporani to si Aku. Pei ewa naika nu ana kodi mangalo’a pa’anya mangika palaonginya roo see ana etu mangika seja palaong sewaju ewa pa’anya etu, ewa see seja Aku. Wali ojo palaong to Aku mangangkita Pa’angKu mangika, palaong to etu semo to Aku maya mangika.

Yohanes 3:3

Wali i Yesu manganto’oka ia, “Aku manganto’oka korom, monso pu’u tare tau to maya mawali tau to i Pue Allah Makolenya ane ia tawa rapoanaka wo’u kadua ngkaninya.”

Matius 9:6

Wali Aku semo to rapokau yako ndate saruga danapoanaka nto lino see maya rato’oka Wiyaa nto Lino. Wali monso pu’u Aku re’e kuasa ri lino damangalapas dosa ntau. Pasi palaong to maya mampakanasaka komi kuasangKu etu, etu semo Aku damampakatao muni ngkai si’i.” Wali yako etu i Yesu manganto’oka ngkai malulu koronya, “Pakore pei okotaka lima-limamu pei pawolili muni ri banuamu.”

Matius 8:20

Wali i Yesu manganto’oka ia, “Ane asu maila, re’e wayau mbatu to nakaroo nsira, pasi ane tonsi, ia re’e seanya. Pei ane Aku, Wiyaa nto Lino, tare tampa to Akuja puenya daKukayore. Wali Aku mangepe korom bara taa nukurang mangalulu Aku apa taa todo.” Ewa wetu naika i Yesu mangansono tau to mampoguru porenta i Musa etu.

Yohanes 16:23

Wali ane ratamo temponya to etu tamo re’e to danuporapika resi Aku. Apa Aku manganto’oka komi, monso pu’u, kesaa to danuporapi resi Pa’angKu manganto’o, ‘Kami marapi resi Komi saba kami i Yesu puenya’, ane ewa see pokai-kai ngkomi, Ia damangawaika komi.

Yohanes 13:38

Pei i Yesu manganto’o, “Wimba, bara monso pu’u korom manganto’o buya rayamu mangkapateka Aku? Aku manganto’oka korom, monso pu’u re’e katawanya manu matotoro’o nene si’i, korom togo ngkanimo damamposapuka Aku.”

Yohanes 8:58

Panewa i Yesu manganto’oka sira, “Aku manganto’oka komi, monso pu’u re’e katawanya kare’e i Abraham, Aku re’emo!”

Yohanes 8:34

Wali i Yesu manganto’o, “Aku manganto’oka komi, monso pu’u samparia tau to mangika dosa, tau etu paka watua nu dosa.

Yohanes 6:26

Pei i Yesu mangansono, “Aku manganto’oka komi, monso pu’u komi si’a mangaliwu Aku saba komi mangansani batuanginya palaong to taa rapobiasa to inikangKu. Pei komi mangaliwu Aku saba komi mabosu mangkoni roti iwaikangKu wengi, wali komi rani rapokoni wo’u.

Yohanes 1:50

Wali i Yesu manganto’oka ia, “Naka pei korom mangaya apa saba korom mangandonge gombongKu to manganto’o Aku re’e mangkita korom ri ara ngkaju ara. Pei yako tempo si’i korom damangkita palaong to ipu wo’u rayamu mangkita pei palaong to etu.”