Yohanes 1:14 - Tuntu i mPue ri Basa Taa

¹⁴ Wali Ia to rato’oka i Tuntu, Ia nawali seja to lino pasi Ia re’e maroo ri oyo ngkita. Tempo Ia maroo ri oyo ngkita etu Ia bae kojo kanotoNya resi tau pasi samparia to to’oNya paka monso pu’u. Pasi tempo Ia maroo ri oyo ngkita etu, kita re’e mangkita Ia bae kojo kuasaNya. Wali bae kojo kuasaNya etu apa Ia Ana i mPue Allah to samba’aja, to ma’i napokau mPa’aNya etu.

Sura Magali Nuntu Ngkatuwu

¹⁴ Nuntu mewalimo tolino, ri oyotamo peari-A, takitamo peawa-A. Peawa setu ndatarima ua ka-Siranya Ana mPapa anu sambaʼa-mbaʼa. Mampojaya Sira kita mangkita i Pue Ala pai towe ndaya-A ri kita.

Yohanes 1:14 Referans Kwoze

1 Yohanes 4:9

Pasi Ia roomo mampaponsanika kita pamporayangiNya etu tempo Ia mampokau AnaNya to samba'aja etu ma'i ri lino si'i. Naka pei Ia mampokau AnaNya ma'i ri lino si'i see kita maya mangarata katuwu apa saba to naika nu AnaNya etu.

1 Timotius 3:16

Wali monso pu’u bae kojo batuanginya anu to napaponsanika i mPue Allah mangkonong pangaya ngkita. Etu semo, I Pue Allah nama’i mawali tau, Pasi i Nosa Mapasing mampakanasa Ia tare dosa. Ia nakita mpomakauNya yako ndate saruga, Pasi kareba mangkonong Ia rapakarebaka resi tau samparia bansa. Pasi tau sambawo lino re’e to mangaya Ia. Pasi Ia tiokotaka nto’u saruga ri raya ngkayawaNya.

Yohanes 1:1

Wali ri pomulanya, tempo lino si’i tawa rapapowali, tempo etu re’emo Ia to rato’oka i Tuntu i mPue Allah. I Tuntu etu, Ia re’e siwaka pei i Pue Allah pasi Ia Allah seja.

Galatia 4:4

Pei ojo karatanya tempo to napakatantuka yami i mPue Allah, Ia mampokau AnaNya ma’i ri lino si’i. AnaNya etu napoanaka ntau we’a to Yahudi wali Ia to Yahudi seja, see naka Ia mangalulu seja porenta i Musa.

Ibrani 1:3

Wali AnaNya etu semo to mampaporaoka kita kayawa i mPue Allah. Pasi Ia ewa lengke to mampaporaoka kita ewa wimba kamonsonya i Pue Allah, apa Ia sewaju kojo pei i Pue Allah. Pasi Ia mampasilonga pasi mangampiara samparia anu to re’e yako ri gomboNya semo to bae kuasa. Ia semo to mampakayongo kita to lino yako ri dosa ngkita, panewa tempo Ia room mangika palaong to etu, Ia yau matunda ri awenya to Makuasa ndate saruga ri sambaliNya tondo ngkana.

Yohanes 6:51

Wali Aku semo pangkoni to mangawai katuwu, to ma’i yako ndate saruga. Wali i sema tau to mangkoni pangkoni si’i, tau etu datuwu singkasaenya. Pangkoni si’i korongKu semo to Aku mangawaika yau to lino see maya mangarata katuwu.”

1 Korintus 15:47

Wali tau to uyunya etu, koronya rapapowali yako ri awu ntana. Pei tau to kadua etu, Ia semo i Pue to yako ndate saruga kama’iNya.

Roma 8:3

Wali ane ojo yako porenta i Musa, taa kojo tilapa kita yako ri kuasa nu dosa apa pampobuuka ngkita to masae taa nakurang mangaluluka porenta etu. Pei ane i Pue Allah, Ia nakurang mangalapa kita yako ri kuasa nu dosa. Ia mampokau Ana to si Ia ma’i ri lino si’i mawali to lino. Pasi tempo Ia ma’i etu, koro to si Ia sewajuja ewa koro ngkita to madosa. Wali roo see, Ana i mPue Allah rapopate yau mangansompo dosa nto lino. Wali ewa wetu naika i mPue Allah manganangi kuasa nu dosa pasi mangalapa kita to madosa yako ri kuasa nu dosa etu. Wali palaong to taa maya naika mporenta i Musa, palaong etu i Pue Allah semo nangika.

Yesaya 7:14

Wali i Pue semo damangawaika kita tondong to mampakanasaka resi kita Ia dasiwaka pei kita. Wali padongeka kojo gombongku si’i. Dare’e samba’a tau we’a to tawa re’e nepenya to langkai, tau we’a etu damangkayu’uka pei damampoanaka ana langkai. Panewa ana etu darato’oka Imanuel, batuanginya i Pue Allah re’e siwaka pei kita. Wali palaong to etu, etu semo tondong to mampakanasaka resi kita i Pue Allah dasiwaka pei kita.

1 Yohanes 4:14

Pasi ane kami, kami manasa seja kami maroo masingkatao pei Ia apa kami re'e mangkita Ana i mPue Allah seore, wali kami mawali matamanasaNya. Pasi kami manganto'oka sa'e, "Pa'a ngkita Ia roomo mampokau AnaNya ma'i damawali to Pansompo nto lino."

Kolose 2:9

Wali tare batuanginya mampodongeka tau etu apa kita re'e i Kerisitu. Ia mawali to lino, pei nempo ewa see, samparia to re’e resi i Pue Allah paka re'e seja resi Ia.

2 Yohanes 1:7

Wali Indo, boros to pantipu to re’e ri sambawo lino si'i. Tau etu bo'onya mampatimonso, manganto’o, "I Yesu Ia Kerisitu, Makole napokau i mPue Allah ma'i mawali to lino." Wali tau to mampobo’o i Kerisitu etu, sira semo to pantipu pasi bali i ngKerisitu.

Pangkita 21:3

Wali ojo karoonya aku mangkita kota etu, panewa aku mangandonge wo’u loo to maroso yako ri gadera Makole. Loo etu manganto’o, “Lo’aja, tampa nakaroo i mPue Allah re’e ri oyo nto lino. Ia damaroo resi sira, pasi sira damawali tauNya. Wali i Pue Allah semo damaroo ri oyo nsira panewa Ia damawali Allah to napue nsira.

Ibrani 5:5

Pasi ewa see seja i Kerisitu. Ia taa seja mangokotaka koroNya mawali to pampue to bae angganya. Pei i Pue Allah semo to mangokotaka Ia, to’oNya, “Korom AnangKu, Seo si’i Aku mawalimo Pa’aMu.” (Masmur 2:7)

Ibrani 10:5

Wali see naka tempo i Kerisitu ma’i ri lino si’i, Ia manganto’oka i Pue Allah, to’oNya, “Komi taa mamporani binatang to nasimbaleka ntau Komi pasi pampue to yusa to napampueka ntau resi Komi. Pei Komi re’e mampasigenaka Aku koro to darapampueka resi Komi.

Yohanes 11:40

Wali i Yesu manganto’o, “Aku roomo manganto’oka korom, ane korom mangaya korom damangkita kuasa i mPue Allah pasi damangabarong Ia.”

Yohanes 3:16

Apa bae kojo pamporayang i mPue Allah resi to lino, see naka Ia mangawai Aku, AnaNya to samba’aja, see i sema tau to mangaya Aku, tau etu taa darapakaja’aka yau, pei damangarata katuwu to singkasaenya.

Yohanes 2:11

Wali tempo i Yesu mampapowali ue mawali tule anggur nja’u kota Kana ri propinsi Galilea etu, etu semo palaong to taa rapobiasa to uyunya kojo naika i Yesu. Wali yako palaong to etu re’e tau to mangkita kuasaNya, see naka sira mangansani Ia masipato rabarong. Wali yako etu maroso wo’u pangaya mami to anaguruNya resi Ia.

Yohanes 14:6

Wali i Yesu manganto’o, “Aku semo jaya to rata resi Pa’angKu. Pasi Aku semo to mampakanasaka tau anu to monso mangkonong Ia, pasi Aku semo pu’u ngkatuwu to singkasaenya. Wali tare tau to rata resi Pa’angKu ane taa mangalulu Aku.

Ibrani 1:5

Kita mangansani monso pu’u ewa wetu apa i Pue Allah tare manganto’oka pasi samba’a pomakauNya, Ia tare manganto’o, “Komi AnangKu, Seo si’i Aku mawalimo Pa’aMu.” (Masmur 2:7) Pasi Ia tare seja manganto’o mangkonong pasi samba’a pomakauNya ewa si’i, Ia tare manganto’o, “Aku damawali Pa’aNya, pasi Ia damawali AnangKu.” (2 Samuel 7:14)

Yohanes 14:9

Pei i Yesu manganto’oka ia, “O Pilipus, Aku masaemo siwaka pei komi. Wimba, korom bara tawa mangansani i sema kamonsonya Aku? Maka pei korom manganto’o, ‘Papokitaka kami Pa’aMu?’ Apa tau to roomo mangkita Aku, tau etu ewa room seja mangkita Pa’angKu.

Lukas 9:32

Wali tempo sira togo magombo etu i Petrus pasi yununya tongo ngkayorenya apa yore kojo matanya. Pei roo see sira naendo muni pei mangkita keyawa i Yesu pasi mangkita seja tau dua to makore ri awe i Yesu.

Yohanes 17:22

“Wali tau to mangaya Aku, Aku mampakabae sira sewaju ewa naika ngKomi mampakabae Aku. Naka pei Aku mampakabae sira, see sira dasamba’a pampobuuka sewaju ewa Kita samba’a pampobuuka.

Yohanes 3:18

Wali tau to mangaya Aku, tau etu taa darahuku. Pei ane tau to taa mangaya Aku, tau etu roomo rapakatantu ia darahuku saba ia taa mangaya kuasa to si Aku, Ana i mPue Allah to samba’aja.

Lukas 2:11

Apa seo si’i nja’u Betlehem, kota to nakaroo i Makole Daud tempo owi, rapoanakamo to Pansompo ngkomi. Ia i Kerisitu, Makole parajanji i mPue Allah, i Pue semo.

Ibrani 2:11

Wali i Yesu mangika see tau mawali i Pue Allah Puenya. Wali Ia to mangika palaong etu pasi kita to inikaNya mawali i Pue Allah Puenya etu, kita paka samba’aja Pa’anta. Wali see naka Ia taa mea manganto’oka kita pua’iNya.

2 Korintus 12:9

Pei Ia manganto’oka aku, to’oNya, “Aku taa damampakaroo muni panyaki etu, pei Aku manoto kojo resi korom, wali kanotongKu etu gana kojo damangansawang korom ri raya ngkasesa. Apa tempo koromu mayu’u, tempo etu semo damiyala kojo karosongKu.” Ewa wetu nato’o i mPue Allah. Wali see naka aku mangepe masanang kojo apa saba kayu’u ngkorongku, apa kayu’u ngkorongku etu, etu semo sabanya naka pei kuasa i ngKerisitu mangararamaka aku.

Matius 1:16

pasi Yusup ia ana i Yakub. Wali i Yusup etu, ia semo rongo i Maria. Wali i Maria ia semo to mampoanaka i Yesu anu to rato’oka i Kerisitu, Makole parajanji i mPue Allah.

Epesus 3:8

Wali aku ipu rayangku mampobuuka i Pue Allah mangawaika aku palaong to bae kojo batuanginya etu. Apa yako samparia tau to i Pue Allah Puenya, aku semo to kodi kojo angganya. Pei nempo ewa see, aku nawaika i mPue Allah kanotoNya see aku maya mampakarebaka komi to si’a to Yahudi kareba mangkonong rasi to nawai i ngKerisitu. Rasi etu raporapaka ewa kasugi to taa nakurang ntau mangarekeng.

Roma 9:5

Sira semo wiyaa i Abraham, i Ishak, i Yakub pasi bue-bue nsira to yusa tempo owi. Pasi i Kerisitu, Makole Parajanji i mPue Allah, tempo Ia mawali to lino Ia rapoanaka yako ri wiyaa nsira seja. I Kerisitu etu Ia semo Allah anu mangkuasang samparia, wali masipato Ia rabarong rataka singkasaenya. Amin.

Lukas 2:7

Sira yau njo’u banua nakayore ntau to rata pei taa soa. Wali sira yau mampago pasuli napampiara ntau binatang. Panewa nja’u ria semo i Maria mampoanaka ananya to tu’anginya, etumo ana langkai. Ojo kare’enya ana kodi etu ijamumukanya kain panewa inulinya ri raya ndula, tampa rapampokoni binatang.

Palaong mPomakau i mPue Yesu 13:33

Apa parajanjiNya resi bue-bue ngkita etu i Pue Allah room mangabanang resi kita to wiyaa nsira, etu semo Ia mangawangu muni i Yesu yako ri kapateNya. Wali re’e gombo to ratulis ri raya buku Masmur mangkonong palaong to etu. Gombo etu gombo i mPue Allah resi i Yesu, Ia manganto’o, ‘Komi semo Anangku, Seo si’i Aku roomo mampakanasaka resi tau monso pu’u Aku Pa’aMu.’ (Masmur 2:7)

Yohanes 8:32

Pasi ane ewa see, komi damangansani anu to monso, pasi anu to monso etu damangalapa komi yako anu to mampowatua komi.”

Yohanes 17:24

“Wali Pa’angKu, ane mangkonong tau to nusarumakaka ngKomi resi Aku, Aku rani sira siwaka pei Aku ri tampa daKukaroo. Aku rani ewa wetu see sira maya damangkita angga pasi kayawa to nawaika ngKomi Aku re’e katawanya lino rapapowali. Naka pei Komi mangawaika Aku angga pasi kayawa etu apa saba Komi mamporayang Aku.

Yohanes 18:37

Wali see naka i Pilatus manganto’o, “Ane ewa see, bara monso pu’u Korom makole?” I Yesu mangansono, “Monso ewa panto’o ngkomi. Aku monso pu’u makole. Wali see naka Aku ma’i pei rapoanaka ri lino si’i, see damampaponsanika tau mangkonong anu to monso. Wali i sema-sema tau to rani mangansani anu to monso, tau etu masanang mampodongeka gombongKu.”

Pangkita 19:13

Ia mangampake baju to rayo’o la’u raya nu raa. Pasi Ia re’e wo’u sangaNya, etu semo i Tuntu mPue Allah.