Yakobus 5:6 - Tuntu i mPue ri Basa Taa

⁶ Pasi komi re’e seja mangahuku pasi mampopate yau tau to singkonong lengkonya pei i Pue Allah, nempo sira taa mangewa komi. Ewa wetu palaong to nuika ngkomi to sugi. Wali pakatao kojo! Tamo masae komi darahuku!

Sura Magali Nuntu Ngkatuwu

⁶ Komi mahuku pai mampepate tau anu bareʼe masala, pai tau seʼe bareʼe maewa komi.

Yakobus 5:6 Referans Kwoze

Yakobus 4:2

Pasi komi maja’a raya see naka komi matingka apa re’e to nuporani ngkomi, pei komi taa maya mangarata anu to nuporani ngkomi etu. Wali apa saba komi rani kojo anu to taa nurata ngkomi etu, see naka nempo mampopate sa’e komi mangika see maya mangarata anu to nuporani ngkomi etu. Wali ewa wetu nuika ngkomi. Pei kamonsonya sabanya naka pei komi tare to nuporani ngkomi apa komi taa mamporapi resi i Pue Allah.

Palaong mPomakau i mPue Yesu 8:32

Wali si’i semo gombo i Yesaya to nabasa nto Etiopia etu, to’onya, “Ia ewa domba to rakeni darasimbale. Pasi ewa ana nu domba to taa mamoni tempo rapu’ak wuyunya, ewa see seja Ia taa manganto’o bara kesaa.

Matius 5:39

Pei Aku manganto’oka komi ne’e mansawa ane re’e tau to mangika maja’a resi komi. Rapanya ane re’e tau to mangantoposaka panganamu to sambali, waika wo’u panganamu to sambali wo’u napontoposaka seja.

Yesaya 53:7

Wali Ia rahuku pasi rasesai, pei Ia ojo mansabaraka. Ia raporapaka ewa ana nu domba to rakeni darasimbale yau, pasi ewa domba to taa mamoni tempo rapu’ak wuyunya, apa Ia taa manganto’o bara kesaa.

Ibrani 10:38

Wali taungKu to singkonong pei Aku, tau etu datuwu apa saba pangayanya. Pei Aku taa damasanang resi tau to mangandolika tangonya yako pangayanya.” (Habakuk 2:3,4) Etu semo gombo i mPue.

Palaong mPomakau i mPue Yesu 22:14

“Roo see i Ananias manganto’o, ‘I Pue Allah anu napue nu bue ngkita, Ia room mangampilis korom damangansani pamporaniNya. Ia mangampilis korom damangkita i Yesu anu to singkonong pei i Pue Allah, pasi mangandonge looNya mampogomboka korom.

Yakobus 2:6

Pei ane komi, komi ojo mangarowis tau to masiasi. Pei kamonsonya si’a sira to mampakasusa komi. Tau sugi semo to mampakasusa komi pasi mangangkeni komi ri tango nto pobotus.

Palaong mPomakau i mPue Yesu 7:52

Tare pasi samba’a to pantuntu tuntu i mPue Allah tempo owi to taa nasesai nu bue ngkita etu. Pasi sira mampopate yau samparia tau to mampakarebaka yami manganto’o, ‘Dama’i Makole parajanji i mPue Allah, Ia to tare dosaNya.’ Wali Makole parajanji i mPue Allah to nato’o nsira etu, i Yesu semo, Ia ma’i pu’u seore pei si’i-si’i komi roomo mamposora yau pasi mampopate yau Ia.

Matius 27:20

Pei ri rayanya i Pilatus mangabasa sura yako resi indo nu ananya etu, tempo etu kepala-kepala nto pampue pasi tau tu’a nto Yahudi sira re’e manganto’oka tau boros, “Anu kita mamporapika resi i Pilatus see ia mangalapa i Barabas pei mangahuku mate i Yesu.”

Matius 21:38

Pei ojo karata nu ana mpue nawu etu, to pangkampang nawu sira mangkita ananya etu, wali sira manganto’o samba’a pei samba’a, ‘Si’i semo tau to damangantima panta ntau pue nawu si’i. Anu kita mampopate yau ia see kita semo damangantima pantanya etu.’

1 Petrus 4:18

Wali kono kojo gombo to ratulis ri raya ntuntu i mPue Allah, to manganto’o, “Sakowa tau to lengkonya singkonong pei i Pue Allah masesa nepenya panewa rapalaes. Wali ane ewa see, mapari wo’u huku to danarata ntau to mangewa i Pue Allah pasi to madosa.” (Amsal 11:31) Etu semo to nato’o ntuntu i mPue Allah.