Yakobus 5:5 - Tuntu i mPue ri Basa Taa

⁵ Sira masiasi, pei komi to sugi masanang kojo katuwu ngkomi ri lino si’i, apa kesaa to mampakasanang koro ngkomi, etu semo to komi mangika. Wali komi maya raporapaka ewa binatang to rapakaboko ruyu panewa rasimbale yau.

Sura Magali Nuntu Ngkatuwu

⁵ Komi tuwumo ri lino seʼi ri kagana-gananya, ndiepemo kawongko ndaya lino seʼi. Komi podo mampakaboko koromi da naka rata ri eo mpasambale.

Yakobus 5:5 Referans Kwoze

1 Timotius 5:6

Pei tau balu to ojo mangalulu pamporani ndayanya, tau etu nempo koronya tuwu, kamonsonya ia ewa tau to matemo apa katuwunya etu tare batuanginya.

Lukas 16:25

“Pei i Abraham manganto’o, ‘Anangku, pobuuka wo’u tempo korom re’ewa ri lino. Tempo etu korom sangkani mangarata anu to matao pei i Lasarus ia ojo mangarata anu to maja’a. Pei si’i-si’i ia re’e kasanang pei korom masesa.

Lukas 16:19

Wali yako etu i Yesu manganto’oka sira sarita, Ia manganto’o, “Re’e samba’a tau sugi to sangkani mangampake pake to masuli kojo olinya to raika yako kain lena to maruna pasi yako kain to makamumu to napake ntau to bose angganya. Pasi ponto eo ngkai etu masanang kojo katuwunya apa ia tare to napo’ipu.

Pangkita 18:7

Ia mampakabae koronya, pasi ia mangaluluka yau pamporani to si ia to taa kojo tita’amaka. Wali waika ia kasesa pasi kamawo ndayanya to sewaju kaparinya ewa to inikanya etu. Apa ia mampobuuka ri rayanya, ‘Aku semo makole to we’a pasi aku matunda ri gadera makole. Aku si’a tau balu, pasi aku taa damangarata kamawo ndaya. Aku sangkani damasanang.’ Etu semo to ia mampobuuka.

I Yudas 1:12

Wali tau etu raporapaka ewa anu to mampakarintang baju, apa sira ojo mampakaja’a kasintuwu ngkomi tempo komi mangika roa mangendo kapate i mPue Yesu. Apa tempo sira mangkoni sindara-ndara pei komi sira taa mea, sira ojo mangkoni bae kojo, pasi ojo mampobuuka koronya ngkalio. Sira raporapaka wo’u ewa limu to ma’i nakeni nu ngoyu pei taa mangkeni uja. Pasi sira raporapaka seja ewa kaju to taa mawua nempo ratamo temponya napowua. Kaju to ewa wetu ewa dua ngkani mate apa uyunya tare wuanya, panewa roo see kaju etu rayali yau pasi kalenya. Wali tau etu mate tonii nsira pasi sira darahuku seja.

2 Petrus 2:13

Pasi sira damangarata huku to singkonong kojo pei lengko nsira to maja’a etu. Huku etu rato’oka ntanapanya. Apa palaong to mampakasanang sira, etu semo mangika roa-roa to marotai kojo. Pei si’a ojo raya mburi napongika nsira. Pasiwa bae eo seja! Pasi sira masanang kojo mangantipu komi. Pasi tempo komi mangkoni sindara-ndara mangendo kapate i mPue Yesu, tempo etu sira ojo mangika ngkewanya apa sira kayangu pasi bae kojo mangkoni. Wali palaong etu masipato rapokea. Pasi lengko nsira etu maya raporapaka ewa anu to mampakarintangika baju.

2 Timotius 3:4

Tau etu seja taa maya rasarumaka, pasi taa mampobuuka ruyu, sira mansaka mangika palaong bara kesaa, pasi tau etu mampobuuka sira semo to bae batuanginya pei sa’e. Sira taa damamporayang i Pue Allah, sira ojo damangaluluka yau anu to mampakasanang raya nsira.

Roma 13:13

Anu kita mangika lengko to matao, to masipato raika ri raya ngkareme. Ne’e siromu-romu ojo damanginu-nginu pasi kayangu. Ne’e masala pasi magoyal pasi mangika lengko to masipato rapokea. Pasi ne’e seja matingka pasi timopo pei kaloo.