Yakobus 5:17 - Tuntu i mPue ri Basa Taa

¹⁷ Wali rapanya i Elia tempo owi, i Elia etu ia to lino sewaju seja pei kita. Pei ia madota makai-kai resi i Pue Allah mamporapika see ne’e datudu uja. Wali see naka togo nto’u pei santongo, tare uja to tudu nja’u ria.

Sura Magali Nuntu Ngkatuwu

¹⁷ I Elia seʼe tolino anu siwia pai kita. Siʼa mekakai ri kamonco-monconya da naka neʼe tudu uja, pai mewali kojo bareʼe tudu uja tatogo ntaʼu santongo.

Yakobus 5:17 Referans Kwoze

Lukas 4:25

Pasi monso seja sarita si’i: Ane tempo i Elia tempo owi, tempo etu togo nto’u pei ono mbuya kasaenya taa kojo re’e uja pasi juku ri tana Israel mawali oro to mapari kojo. Wali tempo etu malagi kojo tau balu ri tana Israel si’i.

Pangkita 11:6

Wali matamanasa to dua mba’a etu, sira re’e kuasa mangaba’a yangi see taa tudu uja ri rayanya sira mampakarebaka gombo i mPue Allah. Pasi sira re’e seja kuasa mangika ue see mawali yau raa. Pasi re’e seja kuasanya naka pei lino mangarata soba ponto ngaya. Wali ane temponya sira rani mangika palaong etu, sira maya mangika.

Palaong mPomakau i mPue Yesu 14:15

“Gete komi! Maka pei komi mangika palaong si’i? Kami si’i ojo to lino seja sewaju pei komi. Naka pei kami ma’i resi komi ma’i mangangkenika komi kareba matao, see komi maya mangandolika tangomu yako ri pue to tare batuanginya si’i pei maya mampue mampakabae i Pue Allah anu to tuwu. Etu semo i Pue Allah anu nampapowali yangi, lino, tasi, pasi samparia bananginya.

Palaong mPomakau i mPue Yesu 10:26

Pei i Petrus mangawangu ia pei manganto’o, “Pakore. Aku ojo to lino seja.”

Roma 11:2

I Pue Allah Ia tare mangantaji yau tau to Ia mangansani pasi mamporayang yami yako pamulanya. Wimba, komi bara taa mangansani sarita i Elia to ratulis ri raya ntuntu i mPue Allah tempo owi? Tempo etu i Elia makai-kai resi i Pue Allah magagangika Ia sala ntau Israel. Ia manganto’o,