Yakobus 5:1 - Tuntu i mPue ri Basa Taa

¹ Wali komi to sugi, padongeka paposiangku si’i. Katumangi pasi pakaroso loomu mangantangis mangampobuuka kasesa to danurata ngkomi!

Sura Magali Nuntu Ngkatuwu

¹ Ee waʼa ngkasangkompo, waʼa ntau koreʼe! Ndipedongeka patadaku. Mbolimo komi motumangi pai mokukuou maka komi da mampomberataka waʼa ngkapari!

Yakobus 5:1 Referans Kwoze

Yakobus 1:11

Apa tempo eo owo lanto ane malanganimo mapoi kojo, tempo etu kaya mawali malau yau pasi sesenya maranta yau, wali kagayanya roomo maja’a yau. Pasi ewa see seja tau sugi, apa ri rayanya ia mampasilonga kasuginya, kodi majoli ia damate yau.

Yakobus 4:13

Wali padongeka! Bara re’e komi to manganto’o, “Bara seo si’i bara nile kami dayau njo’u kota etu panewa maroo-roo nja’u ria santo’u kasaenya. Pasi ri rayanya to’u etu kami damangoli ngaya-ngaya panewa damampobalu see tidugang kasugi mami.” Wali komi to manganto’o ewa wetu, padongeka paposiangku si’i.

Yakobus 2:6

Pei ane komi, komi ojo mangarowis tau to masiasi. Pei kamonsonya si’a sira to mampakasusa komi. Tau sugi semo to mampakasusa komi pasi mangangkeni komi ri tango nto pobotus.

Yakobus 4:9

To tao-tao komi masusa kojo raya ngkomi mampobuuka dosa ngkomi. Pakamawo raya ngkomi pasi tumangi. Pandooka magele pei to tao-tao ane ojo tumangi. Pasi biakamo kandende ndaya ngkomi mawali yau kamawo ndaya.