Yakobus 3:16 - Tuntu i mPue ri Basa Taa

¹⁶ Apa ane tau timopo pasi mampobuuka ojo koro nsira semo to bae batuanginya, ane ewa see katuwu nsira marotai pasi re’e samparia ngaya mpalaong to maja’a. Wali ane ewa see manasa resi kita kapande nsira si’a yako resi i Pue Allah.

Sura Magali Nuntu Ngkatuwu

¹⁶ Ri mbeʼi kanjau sina ndaya pai podo maendo koro ngkalio, njairia kanjau ngkakauga-uga pai mpengaya-ngaya powia anu majaʼa.

Yakobus 3:16 Referans Kwoze

Yakobus 3:14

Pei ane komi makodi rayamu resi sa’e pasi timopo rayamu resi sa’e pasi mampobuuka ojo koro ngkomi semo to bae batuanginya, ane ewa wetu lengko ngkomi, ne’e tabaro manganto’o, “Aku re’e kapande to nawaika i mPue Allah aku.” Apa kamonsonya tau to ewa wetu lengkonya si’a tau to pande, wali gombo ngkomi mangabarong koromu etu, ojo wuti semo.

1 Korintus 3:3

Komi tiroowa mangalulu pamporani ndaya ngkomi to maja’a. Apa komi timopo pasi matingka samba’a pei samba’a, wali yako ri palaong to etu manasa komi tiroo mangalulu pamporani ndaya ngkomi to maja’a. Komi ojo mampolengkoka lengko nto lino to tawa mangansani i Pue.

1 Korintus 14:33

Ewa wetu songka i mPue Allah apa Ia taa rani kita marotai tempo siromu. Ia rani kita masanang siromu. Wali ane ewa porenta to nalulu ntau to mangaya i Pue to siromu nja’u ponto-ponto lipu,

1 Yohanes 3:12

Wali ne'e kita mangika ewa to naika i ngKain tempo owi. I Kain etu ia i Kepala nto pantipu puenya pasi ia mampopate yau a'inya. Wali kesaa sabanya naka pei ia mampopate yau a'inya etu? Saba naka pei ia mampopate yau a'inya etu apa ia nansani lengko to si ia maja'a pei lengko ntua'inya etu singkonong pei i Pue Allah. See naka ia maja’a nakita a’inya etu.

Galatia 5:20

Sira mampue resi tau-tau, pasi mangampake do’a, maja’a nakita sa’e, matingka, timopo, maja’a rayanya, pasi mampobuuka koronya to bae-bae batuanginya pei sa’e. Sira masimpayu raya pei sa’e, pasi nasoumaka yau yununya to samba’a pangaya jamo mangaluluka yau tau to yusa pampobuukanya.

Pomulanya 11:9

Wali kota etu rasangaka Babel, batuanginya “raga’a”. Naka pei kota etu rasangaka Babel apa nja’u ria semo i Pue Yawe mangagalo yau samparia basa nto lino. Pasi yako nja’u ria semo Ia mangaga’a yau sira njo’u lipu-lipu to yusa ri sambawo lino si’i.

Palaong mPomakau i mPue Yesu 19:29

Yako etu juku kota etu mawali rotai to bae. Pasi boros tau kangguyu-ngguyu mampago banua to bae, banua to napake ntau tempo mampogomboka tau boros. Ri rayanya sira mangampago banua etu sira mangansoko pasi mangaditi seja dua mba’a tau to yako Makedonia, tau etu sanganya i Gayus sira dua i Aristarkhus. Tau dua etu yunu i mPaulus ri raya mpalinjanya. Wali tau boros mangaditi tau dua etu rata ri banua to bae etu.

Roma 2:8

Pei re’e seja tau to mampobuuka ojo koronya ngkalio to bae batuanginya. Sira bo’onya mangaluluka anu to monso to nato’o i mPue Allah, sira ojo mangaluluka yau anu to maja’a. Wali i Pue Allah damaja’a kojo rayaNya resi tau to etu pasi Ia damangahuku sira.

2 Korintus 12:20

Apa aku moru rayangku mampobuuka temponya aku darata wo’u resi komi. Apa tempo etu bara re’e lengko ngkomi to taa singkonong pei pamporaningku resi komi. Pasi ane ewa see, lengko to si aku taa dasingkonong pei pamporani ngkomi apa aku ojo damanganseko komi. Wali moru rayangku apa aku taa rani mangarata komi masibanta, timopo pei kaloo, pasi maja’a raya ngkomi samba’a pei samba’a. Pasi aku taa rani mangarata komi matingka, manto’o maja’a sa’e, bawiwi, mangei pasi marotai.

Pomulanya 38:9

Wali i Onan mangoko i Tamar mawali indo nu ananya. Roo see sira dua maturu siwaka. Pei i Onan ia manasa ane re’e ana nsira dua, ananya etu darato’oka ana ntukakanya, si’a ana to si ia. Ia taa masanang ane wiyaa to si ia pei rato’oka wiyaa ntukakanya, see naka ponto ngkani ia maturu siwaka pei i Tamar ia mangajagai kojo naka ne’e i Tamar mawali mayu’u.

Markus 3:25

Pasi ewa see seja ane tau santina. Ane sira matingka samba’a pei samba’a, taa masae sira datiga’as yau.