Yakobus 2:5 - Tuntu i mPue ri Basa Taa

⁵ Wali a’i-a’ingku to kuporayang, padongeka gombongku si’i pei pobuuka mangkonong ewa wimba nuika ngkomi mampasisala tau to sugi pasi tau to masiasi. Apa kamonsonya tau to masiasi ri pangkita nu mata nto lino, tau etu semo to i Pue Allah mangampilis damawali maroso pangayanya. Wali sira maya rato’oka sugi ane mangkonong pangaya nsira. Pasi i Pue Allah mangampilis sira damangarata seja anu to matao to rawaika resi tau to Ia Makolenya. Wali anu to matao etu semo to Ia roomo mamparajanjika tau to mamporayang Ia.

Sura Magali Nuntu Ngkatuwu

⁵ Neʼe ndikalingani, ee waʼa ngkasangkompo anu kupotowe! Waʼa ntau anu ndatoʼo kaasi-asi pai meaya ri lino seʼi, inceʼe anu ndapilisi i mPue Ala mewali tau koreʼe ri peaya ndaya. Waʼa ntau seʼe anu da mampotumpu poparenta anu ndajanji mPue Ala ri waʼa ntau anu mampotowe Sira.

Yakobus 2:5 Referans Kwoze

Matius 5:3

“Masanang tau to mampongakung sira tare karoso ndaya ane taa nawaika i mPue Allah. Sira masanang apa sira mawali tau to Makolenya i Pue Allah.

Lukas 6:20

Wali i Yesu mangalo’aka resi anaguruNya pei manganto’oka sira, Ia manganto’o, “Masanang komi to masiasi apa komi mawali tau to Makolenya i Pue Allah.

Pangkita 2:9

Ia manganto’o, Aku Kunsani kasesa to nurata ngkomi. Pasi Kunsani komi masiasi, pei kamonsonya komi tau to masugi! Aku Kunsani seja re’e tau Yahudi to mampoanika mangalulu agama nto Yahudi pei taa mangalulu, sira mampue resi i Kepala Measa. Tau etu manto’o maja’a komi.

2 Korintus 8:9

Wali masipato komi manoto resi sa’e apa komi mangansani ewa wimba kabaenya kanoto i Yesu Kerisitu, Pue ngkita. Ia sugi kojo tempo tawa ma’i ri lino si’i, pei nempo ewa wetu, Ia buya rayanya mawali masiasi see maya mangansawang kita. Wali yako kasiasi to si Ia etu see naka kita mawali sugi.

Lukas 12:21

Wali ojo karoonya i Yesu manganto’o rapa etu, Ia manganto’oka wo’u tau boros, “Wali samparia tau to ojo mamporomungika koronya kasugi ri lino si’i, pei to taa manga’angga anu to bae batuanginya resi i Pue Allah, tau etu sewaju ewa tau sugi to Kuporapaka etu.”

1 Petrus 1:4

Pasi apa saba kita re’e katuwu to bou etu, see naka re’e tila to naparajanjika i mPue Allah kita to anaNya damangantima. Tilanta etu taa maya rapakaja’aka yau pasi taa daboo yau pasi taa seja dapaya yau kayawanya. Wali tilanta etu nakalisoka i mPue Allah kita ndate saruga.

Yakobus 1:12

Wali masanang tau to mangainsoka tempo mangarata soba. Apa ane ia mangainsoka tempo rasoba ia damangarata katuwu to raporapaka ewa dale to meyawa kojo to rawaika resi tau to manang. Wali katuwu etu roomo naparajanjika i mPue tau to mamporayang Ia.

Ibrani 11:26

Apa ia mampobuuka to bae-bae batuanginya ane nakaengas ntau apa saba mangaya i Kerisitu, Makole parajanji i mPue Allah, sakowa mangarata samparia kasugi to re’e ri tana Mesir. Ia mampobuuka ewa wetu apa ia sangkani mampobuuka ntanapa to danawaika i mPue Allah ia.

Lukas 12:32

“Wali komi to anagurungKu to taa boros, ne’e meka, apa masanang kojo Pa’amu mangika see komi mawali tau to Ia Makolenya.

1 Korintus 2:9

Pei ane ewa ratulis ri raya ntuntu i mPue, i Pue Allah manganto’o, to’oNya, “Tawa re’e tau to mangangkita, pasi tawa re’e to mangandonge, pasi tawa re’e tau to mampobuuka anu to room napasigenaka i mPue Allah resi tau to mamporayang Ia.” (Yesaya 64:4)

Matius 25:34

“Yako etu Aku, i Makole, damanganto’oka tau to re’e ri sambalingKu tondo ngkana, Aku damanganto’o, ‘Maimo. Komi semo tau to Makolemu i Pue Allah. Wali mai apa danawaika mPa’angKu rasi. Apa rasi to rawaika resi komi etu, rasi etu rapasigenaka yami komi yako ri temponya lino si’i rapapowali, pasi maya raporapaka ewa panta to nawaika mpa’a resi ananya.

Pangkita 21:7

Wali i sema-sema to manang, ia damangantima samparia anu to si’i. Pasi Aku damawali Allahnya, pasi ia damawali anangKu.

Yakobus 1:9

Wali a’i-a’i anu kita mangampake kapande yako resi i Pue Allah etu ri raya ngkatuwu ngkita. Ane komi to masiasi katuwumu ri lino si’i, pake kapande etu mampakasanang rayamu. Naka pei matao masanang rayamu apa komi roomo rapakabae anggamu.

2 Timotius 4:8

Wali si’i-si’i re’e dalengku to mangampeas aku ndate saruga. Dale etu raporapaka ewa so’o mbo’o to meyawa to darawaika tau to singkonong pei i Pue Allah. Wali dale to etu danawaika i mPue aku ri temponya darapangabotus. I Pue Ia to pobotus to sangkani mangika ewa to Ia room manganto’o, pasi Ia semo to damangawaika aku dale etu. Pei si’a ojo aku to damangarata dale etu, samparia tau to mawongko rayanya mangampeas kama’i i mPue paka damangarata seja dale etu.

2 Korintus 6:10

Wali kami mangarata kasusa, pei tare pandoonya ndende raya mami. Kami masiasi, pei yako palaong mami see naka boros tau to mangarata kasugi to monso. Pasi ane ri pangkita ntau kami tare kesaa to re’e resi kami, pei kamonsonya samparia rasi ndate saruga paka kami puenya. Wali manasa kami to papolaong i mPue Allah semo! Pasi ane manasa kami to papolaong i mPue Allah, ane ewa see manasa seja masipato komi mangaya kareba matao to napakarebaka mami resi komi.

Pangkita 3:18

Wali see naka Aku manganto’oka komi oli weyawa yako resi Aku to roomo rapoapu pasi mayongo. Oli weyawa etu see komi dasugi. Pasi oli seja pake to buya danuposunsuka ngkomi see tamo lambe pasi taa mea nakita nsa’e. Pasi oli seja pakuli see maya darapokulirika matamu see komi maya mangkita muni rao.

1 Timotius 6:18

Wali to’oka tau sugi etu pakadota mangika palaong to matao, pasi mangansora sa’e yako ri kabuya ndaya pasi ri kanoto ndaya.

Lukas 16:25

“Pei i Abraham manganto’o, ‘Anangku, pobuuka wo’u tempo korom re’ewa ri lino. Tempo etu korom sangkani mangarata anu to matao pei i Lasarus ia ojo mangarata anu to maja’a. Pei si’i-si’i ia re’e kasanang pei korom masesa.

Matius 11:5

To’oka ia tau to buta rapakatao muni matanya see mangkita muni rao. Pasi tau sampungku rapakatao muni witinya see maya malinja. Pasi tau to masaki malobo rapakatao muni yako ri panyaki etu. Pasi tau to wongo rapakatao muni talinganya see mangandonge muni rao. Pasi tau mate rawangu muni yako ri kapatenya. Pasi tau to masiasi rapakarebaka kareba to matao.

2 Petrus 1:11

Pasi ane komi mangika lengko to ewa wetu, bae kojo ntanapa to danawaika i mPue Allah komi tempo i Yesu Kerisitu, Pue ngkita pasi to Pansompo ngkita damawali Makole rataka ri singkasaenya.

2 Timotius 4:18

Wali Ia damangalapa seja aku yako samparia anu to maja’a. Pasi Ia damampalaes aku see aku damasua ri raya ngkasanang ndate saruga. Ndate ria Ia semo Makole. Wali anu kita mangabarong Ia rataka ri singkasaenya. Amin.

2 Tesalonika 1:5

Wali naka pei tau mangansesai komi apa saba komi manganto’o i Pue Allah semo Makole. Pei kamonsonya i Pue Allah roomo mangantima komi mawali tauNya to masipato mampue mampakabae Ia. Pasi i Pue Allah roomo manganto’o komi masipato mawali tau to Ia Makolenya. Wali tempo komi mangansabaraka kasesa to nurata ngkomi etu, palaong to etu mampakanasaka resi tau to yusa kono kojo gombo i mPue Allah etu to manganto’o komi masipato mawali tau to Ia Makolenya.

Epesus 3:8

Wali aku ipu rayangku mampobuuka i Pue Allah mangawaika aku palaong to bae kojo batuanginya etu. Apa yako samparia tau to i Pue Allah Puenya, aku semo to kodi kojo angganya. Pei nempo ewa see, aku nawaika i mPue Allah kanotoNya see aku maya mampakarebaka komi to si’a to Yahudi kareba mangkonong rasi to nawai i ngKerisitu. Rasi etu raporapaka ewa kasugi to taa nakurang ntau mangarekeng.

Roma 8:17

Pasi ane kita anaNya, kita seja damangarata tila to danawaika i mPue Allah anaNya. Wali kita damangarata tila etu sindara-ndara pei i Kerisitu. Apa ane kita mangarata kasesa ri lino si’i to ewa kasesa to narata i ngKerisitu, ane ewa see kita damangarata seja kayawa sewaju pei Ia.

Lukas 16:22

“Wali yako etu mate yaumo ngkai to masiasi etu pei nakeni mpomakau i mPue Allah ri awe i Abraham. Panewa ngkai to sugi mate seja pei rapongkeli yau.

Posuwunya 20:6

Pei ane tau to mamporayang Aku pasi to mampalaika porentangKu, tau etu Aku damamporayang. Wali tare pandoonya pamporayangingKu resi sira rataka ri nsowu-nsowu ntapi mbiyaanya.

Yakobus 1:16

Wali a’i-a’i to kuporayang, ne’e ratipu mangkonong i Pue Allah, apa tare anu to maja’a yako resi Ia. Ojo anu to matao to Ia mangawaika kita.

1 Tesalonika 2:12

see komi damangika lengko ngkatuwu to singkonong pei i Pue Allah. Apa Ia roomo mampokio komi damawali seja tau to Ia Makolenya pasi to mangarata seja kayawaNya.

Epesus 1:18

Ewa wetu pokai-kaingku see i Pue Allah damampakanasaka ri raya ngkomi see komi nukurang mangansani anu to nasarumaka ngkita kita damangarata apa saba Ia room mampokio kita. Pasi aku mamporapika see komi mangansani tila to danarata ntau to i Pue Allah Puenya, tilanya etu bae kojo kayawanya.

2 Korintus 4:15

Wali samparia kasesa to narata mami tempo kami mampakarebaka komi kareba matao, paka bae batuanginya resi komi. Apa kanjo’u-njo’u kaboro-boros komi to mangarata kanoto i mPue Allah, panewa kaboro-boros tau to manganto’oka Ia tarima matao. Wali yako palaong to etu see naka tiduga-dugang tau mangabarong kayawa i mPue Allah.

Yohanes 7:48

Lo’a, tare pasi samba’a kami to aliran Parisi bara tau tu’a nto Yahudi to mangaya Ia.

Lukas 22:29

Wali see naka ewa naika mPa’angKu mangawaika Aku kuasa damaporenta, ewa see seja daKuwaika komi kuasa damaporenta seja sindara-ndara pei Aku.

Markus 7:14

Wali yako etu i Yesu mampokio wo’u tau boros pei manganto’oka sira, to’oNya “Padongeka kojo pasi pobatuangka gombongKu si’i komi samparia.

Palaong mPomakau i mPue Yesu 7:2

Panewa i Stepanus manganto’o, “A’i-a’i pasi pa’a-pa’a, padongeka gombongku. Tempo owi, tempo bue ngkita, i Abraham, re’ewa ri tana Mesopotamia, re’e katawanya ia maroo ri kota Haran, tempo etu i Pue Allah anu bae kojo kayawaNya pasi kuasaNya rata resi ia.

Yakobus 1:19

Wali a’i-a’i to kuporayang kojo, pobuuka kojo gombongku si’i. To tao-tao kita samparia mampakakoro mampodongeka sa’e, pei ne’e masara magombo. Pasi ne’e kita majoli maja’a rayanta.