Yakobus 2:19 - Tuntu i mPue ri Basa Taa

¹⁹ Wali wimba, korom bara mangaya i Pue Allah Ia samba’aja? Matao kojo ane ewa see. Pei tawa gana ane kita ojo mangaya ewa wetu apa measa mangaya seja i Pue Allah Ia samba’aja pasi karongko-rongko sira mampobuuka Ia, pei sira taa mampolaika Ia. Wali manasa tawa gana ane korom ojo mangaya pei tare lengkomu to mampakanasaka sa’e mangkonong pangayamu etu.”

Sura Magali Nuntu Ngkatuwu

¹⁹ Ara banya ndiayamo kaʼi Pue Alanya podo sambaʼa? Waʼa inosa majaʼa seʼe naaya pai kandende-ndende nakeni ngkaeka ndaya ntau seʼe!

Yakobus 2:19 Referans Kwoze

Lukas 4:34

ia manganto’o, “O Yesu to Nasaret, kesaa Komi damangika resi kami to measa? Wimba, Komi bara ma’i mampakaja’a kami? Aku kunsani Komi. Komi semo Tau anu Mapasing yako resi i Pue Allah!”

Markus 1:24

ia manganto’o, “O Yesu to Nasaret, kesaa Komi damangika resi kami to measa? Wimba Komi bara ma’i mampakaja’a kami? Aku kunsani Komi. Komi semo Tau anu Mapasing yako resi i Pue Allah!”

Matius 8:29

Wali tau dua etu maroso loonya kaboo manganto’oka i Yesu, “O Ana i mPue Allah, kesaa ma’i Nupali resi kami? Wimba, Komi bara rata damangansesai kami ri katawanya rata temponya to masipato kami darahuku?”

Palaong mPomakau i mPue Yesu 16:17

Wali tempo kami yau njo’u tampa rapokai-kai etu, tau we’a etu mangalulu-lulu payu i mPaulus pasi kami. Panewa tau we’a etu maroso loonya kaboo-boo manganto’oka tau, “Tau si’i to papolaong i mPue Allah anu Makuasa! Sira mampakarebaka resi komi ewa wimba jaya see komi darapalaes!”

Galatia 3:20

Pei tempo i Pue Allah mangika parajanjiNya resi i Abraham, tempo etu Ia semo to mampogomboka i Abraham. Tare to mamponsaruka wo’u tempo etu apa to mangika parajanji pasi to mangabanang parajanji etu paka i Pue Allah semo.

Palaong mPomakau i mPue Yesu 19:15

Pei measa to re’e ri raya ntau etu mangansono sira, to’onya, “I Yesu kunsani, pasi i Paulus kunsani, pei sema komi si’i?”

Markus 5:7

Panewa i Yesu manganto’oka measa to mamposuak tau etu, to’onya, “Measa, piyaimo yako resi ngkai si’i!” Wali ngkai to naposuak measa etu maroso loonya kaboo, to’onya, “O Yesu, Ana i mPue Allah anu makuasa kojo, kesaa ma’i Nupali resi aku?” Panewa ia manganto’o wo’u, “Ri tango i mPue Allah, matamanasa ngkita, kuporapika resi Komi ne’e mangansesai aku!”

1 Timotius 2:5

Apa ojo samba’aja i Pue Allah pasi ojo samba’aja to mamponsaruka kita to lino resi i Pue Allah. To mamponsaruka kita etu to lino seja, etu semo i Kerisitu Yesu.

Markus 12:29

Wali i Yesu mangansono, Ia manganto’o, “Porenta to bae kojo batuanginya, etu semo porenta to manganto’o, ‘O to Israel, padongeka kojo! I Pue Allah Ia semo Pue ngkita. Ia samba’aja, tare Pue to yusa kasimbalinya yako Ia.

1 Korintus 8:6

Pei nempo ewa see, ane resi kita samba’aja i Pue Allah, Pa’a. Ia semo pu’unya samparia anu to re’e. Pasi naka pei kita tuwu see kita damawali Ia Puenya. Pasi samba’aja seja i Pue, etu semo i Yesu Kerisitu. Wali Ia semo to nawaika i mPue Allah mampapowali samparia anu to re’e, pasi yako resi Ia semo naka pei kita re’e katuwunta.

Roma 3:30

Apa ojo samba’aja i Pue Allah. Ia semo to manganto’o to Yahudi tare dosanya apa saba yako pangaya nsira, pasi Ia seja manganto’o tau to si’a to Yahudi tare dosanya apa saba yako pangaya nsira.

Yohanes 17:3

Wali batuanginya katuwu to singkasaenya, batuanginya etu semo tau maya mangansani Komi. Apa Komi semo i Pue Allah to monso pasi to samba’aja. Pasi katuwu to singkasaenya etu, batuanginya seja sira maya mangansani i sema kamonsonya Aku. Apa Aku semo i Yesu Kerisitu, to nupokau ngKomi.

I Yudas 1:6

Pasi aku rani seja mampatiendoka komi anu to mawali resi pomakau i mPue Allah seore. Sira taa mangkongko pangka to nawaika i mPue Allah sira, sira ojo mampiyaika yau tampa to nakaroos nsira. Wali pomakau to etu room rapunguka yau rante to singkasaenya pasi room seja rata’amaka ri raya ntampa to mawuri to la’u raya nu lino. Sira nata’amaka i mPue Allah la’u ria sampe rata temponya sira darabotus ri eonya darapangabotus.

Yakobus 2:8

Wali re’e porenta nu Makole ngkita to ratulis ri raya ntuntu i mPue Allah, Ia manganto’o, “Porayang yunumu ewa wimba nuika mamporayang koromu.” (Imamat 19:18) Wali ane komi mangalulu porenta etu, matao kojo.

1 Korintus 8:4

Wali ane mangkonong nae to roomo rapampueka resi tau-tau etu, wimba, kita bara matao mangkoni? Kita mangansani tau-tau tare batuanginya ri lino si’i, pasi i Pue Allah Ia samba’aja, tare pue kasimbalinya yako Ia.

Pangkita 20:10

Panewa i maja’a to mangantipu sira etu, ia rapanasoka yau lo’u raya ndano nu apu pasi sedawa to nakala’u nu binatang to maja’a pasi to pantuntu tuntu to taa monso. Wali la’u ria sira darasesai wuri eo rataka singkasaenya.

I Yudas 1:4

Wali poewaka pangayanta etu apa re’emo bara sawei mba’a tau to bali i mPue Allah to room masua ri oyo ngkomi tempo komi taa mangajagai kojo. Tau etu rani mangawali yau kareba mangkonong kanoto i mPue Allah. Sira manganto’oka tau taa mawei nempo mangika lengko to masipato rapokea apa i Pue Allah manoto. Pasi sira mamposapuka i Yesu Kerisitu, Makole pasi Pue ngkita anu samba’aja etu. Wali huku to danarata ntau etu room ratulis yami ri raya ntuntu i mPue Allah tempo owi.

Markus 7:9

Komi mampobuuka komi pande kojo tempo mampobo’o porenta i mPue Allah see komi maya mangalulu ada ngkomi.”

Palaong mPomakau i mPue Yesu 24:25

Pasi ia magombo seja mangkonong lengko ntau to singkonong pei i Pue Allah, pasi mangkonong ewa wimba raika manta’amaka pamporani ndaya. Pasi tempo etu ia magombo seja mangkonong ewa wimba danaika i mPue Allah mangahuku to lino. Wali tempo i Peliks mangandonge gombonya etu, ia meka rayanya pei manganto’o, “Inta ruyu! Tempo yoa panewa aku damampokio wo’u korom.”