Yakobus 2:1 - Tuntu i mPue ri Basa Taa

¹ Wali a’i-a’ingku, Pue ngkita, i Yesu Kerisitu, Ia semo Pue to bae kojo kayawaNya. Wali apa saba kita mangaya Ia, see naka taa matao ane kita mampasisala tau.

Sura Magali Nuntu Ngkatuwu

¹ Ee waʼa ngkasangkompo! Komi waʼa ntau anu meaya ri Yesu Kerisitu, Sira Pueta Anu Meawa, komi neʼe mampilisi tau podo mampeole lionya.

Yakobus 2:1 Referans Kwoze

Yakobus 2:9

Pei ane komi mampasisala tau, batuanginya komi mangika dosa. Pasi yako porenta i mPue Allah to taa nalulu ngkomi etu, see naka miyala komi tau to mangewa samparia porenta.

Yakobus 3:17

Pei ane tau to re’e kapande to yako resi i Pue Allah ndate saruga, tau etu ewa si’i lengkonya, to uyunya, ia matao lengkonya panewa ia rani tuwu masingkatao pei sa’e, ia taa makasar, ia simpalai, ia rani kojo mangansawang sa’e, pasi boros palaong to matao to inikanya to raporapaka ewa wua ngkaju to matao. Pasi tau etu taa mampasisala tau pasi si’a ojo gombonya to manoto.

Yakobus 2:3

Wali rapanya komi mangantabea tau to magaya pakenya etu pasi manganto’oka ia, “O Pa’a, patunda ri gadera to matao kojo si’i.” Wali ewa wetu gombo ngkomi resi tau sugi etu. Pei tau to masiasi, komi manganto’oka ia, “Pakore nja’uture,” bara komi manganto’oka, “Patunda ri wawo njuya ri awe mbitingku si’i.”

I Yudas 1:16

Tau to danahuku i mPue Allah etu, etu semo tau to sakambumbu, pasi tau to mampakasala sa’e, tau to mangalulu pamporani ndayanya to maja’a, tau to tabaro, pasi tau to mangamomis tau to yusa see tau etu damangawaika sira anu to naporani nsira.”

1 Timotius 5:21

Wali aku mamporapika resi i Pue Allah pasi i Kerisitu Yesu pasi pomakau i mPue Allah to ipilisiNya see sira mawali matamanasa mangkonong paposia to kuto’oka korom si’i. Paposia etu manganto’o lulu kojo porenta to aku room manganto’oka korom etu. Pasi tempo korom mangabotus palaong to mawali, ne’e mangampilis tau.

Matius 22:16

Wali sira mampokau anaguru to si sira pasi sawei mba’a joa i Makole Herodes yau resi i Yesu. Rata resi Ia sira manganto’o, “Pa’a Guru, kami kunsani Komi tau to monso gomboMu. Pasi tempo Komi mampotundeka tau pamporani i mPue Allah, tempo etu ojo anu to monso to nuto’o ngKomi. Komi taa ojo mangamomis tau, ojo rani mampakasanang raya nsira. Wali manasa resi kami Komi taa mangampilis tau.

1 Korintus 2:8

Wali tare tau to bose angganya tempo si’i to mangansani kapande i mPue Allah etu, apa ane sira mangansani seore, sira taa mangampaku yau i Pue, anu bae kojo anggaNya, ri kaju pasape.

Pangkita 14:12

Wali ane ewa see, matao ane tau to i Pue Allah Puenya, to mangalulu porenta i mPue Allah pasi to mangaya i Yesu, pakabae sabaranya tempo mangarata kasusa.

Titus 2:13

Wali anu kita mangika palaong to etu ri tempo si’i, tempo kita masanang mangampeas eonya to kita mampobuu-buuka etu. Etu semo kama’i i Yesu Kerisitu. Ia Allah anu makuasa pasi to Pansompo ngkita. Tempo Ia dama’i etu miyala kojo kayawaNya.

Palaong mPomakau i mPue Yesu 20:21

Tempo etu aku sangkani mampatiendoka komi to Yahudi pasi komi to si’a to Yahudi see komi mangandolika tangomu resi i Pue Allah pasi mangaya i Pue ngkita, i Yesu Kerisitu.

2 Petrus 1:1

Sura si’i yako resi aku, i Simon Petrus. Aku to papolaong i Yesu Kerisitu pasi pomakauNya seja. Wali aku mangantulisika komi to yunu mami to mangaya seja anu to monso mangkonong i Yesu Kerisitu. I Yesu Kerisitu, Ia semo Allah ngkita pasi to Pansompo ngkita. Pasi Ia sangkani mangika anu to singkonong pei i Pue Allah. Wali see naka kita mangaya Ia. Pasi pangaya ngkomi resi Ia etu sewaju ewa pangaya mami to bae kojo batuanginya resi kami.

Titus 1:1

Sura si’i yako resi aku, i Paulus. Aku semo to papolaong i mPue Allah pasi pomakau i Yesu Kerisitu. Wali palaong to nawaika i mPue Allah aku etu semo mampakaroso pangaya ntau to napilis i mPue Allah, pasi mampotundeka tau see sira manasanya mangkonong anu to monso. Apa yako anu to monso etu see naka sira damangansani ewa wimba raika mampolengkoka lengko to singkonong pei i Pue Allah.

1 Timotius 1:19

Pasi tempo korom mampoewaka anu to matao etu, kongko kojo pangayamu resi i Pue, pasi ika lengko to matao see raya ngkorom taa damangepe sala ri tango i mPue Allah. Apa re’e tau to ri rayanya mangepe sala pei sira tiroo mangika, wali tau etu maja’a yau pangayanya.

Kolose 1:4

Naka pei kami manganto'oka Ia tarima matao apa kami roomo mangandonge kareba mangkonong pangaya ngkomi resi i Kerisitu Yesu pasi mangkonong pamporayang ngkomi resi samparia tau to i Pue Allah Puenya.

Ibrani 1:3

Wali AnaNya etu semo to mampaporaoka kita kayawa i mPue Allah. Pasi Ia ewa lengke to mampaporaoka kita ewa wimba kamonsonya i Pue Allah, apa Ia sewaju kojo pei i Pue Allah. Pasi Ia mampasilonga pasi mangampiara samparia anu to re’e yako ri gomboNya semo to bae kuasa. Ia semo to mampakayongo kita to lino yako ri dosa ngkita, panewa tempo Ia room mangika palaong to etu, Ia yau matunda ri awenya to Makuasa ndate saruga ri sambaliNya tondo ngkana.

Roma 1:11

Naka pei aku rani yau resi komi apa aku rani kojo mangangkita komi pasi mampotundeka komi ewa wimba to i Nosa Mapasing roomo mampotundeka aku see damampakaroso pangaya ngkomi.

Palaong mPomakau i mPue Yesu 24:24

Wali yako etu, ojo kagananya sawei mbengi, ma’i wo’u i Gubernur Peliks sindara-ndara pei rongonya, i Drusila. I Drusila etu to Yahudi. Wali ojo karata nsira dua, i Peliks mampokau tau yau damangkeni i Paulus damampotango sira apa ia rani mangandonge gombo i mPaulus mangkonong pangayanya resi i Kerisitu Yesu. Wali ojo karata i mPaulus ri tango nsira dua, ia mampogomboka sira mangkonong palaong etu.

Palaong mPomakau i mPue Yesu 7:2

Panewa i Stepanus manganto’o, “A’i-a’i pasi pa’a-pa’a, padongeka gombongku. Tempo owi, tempo bue ngkita, i Abraham, re’ewa ri tana Mesopotamia, re’e katawanya ia maroo ri kota Haran, tempo etu i Pue Allah anu bae kojo kayawaNya pasi kuasaNya rata resi ia.

Palaong mPomakau i mPue Yesu 10:34

Wali yako etu i Petrus mula magombo, ia manganto’o, “Tempo si’i aku manasa monso pu’u i Pue Allah taa mampasisala tau.

Ibrani 12:2

Pasi anu kita mangalo’aka yau resi i Yesu apa Ia semo mata njaya to nalulu ngkita pasi Ia semo to mampasilonga pangayanta. Ia mate rapaku ri kaju pasape, pasi kapate to etu napobuuka ntau to tempo etu kapate to masipato kojo rapokea. Pei nempo ewa wetu, taa mawei resi i Yesu, Ia ojo mangainsoka apa Ia mampobuuka kandende ndaya to Ia damangarata karoonya Ia mangika palaong to etu. Wali si’i-si’i Ia matunda ri awe nggadera i mPue Allah ri sambali tondo ngkana.

Yakobus 1:16

Wali a’i-a’i to kuporayang, ne’e ratipu mangkonong i Pue Allah, apa tare anu to maja’a yako resi Ia. Ojo anu to matao to Ia mangawaika kita.

Yakobus 1:19

Wali a’i-a’i to kuporayang kojo, pobuuka kojo gombongku si’i. To tao-tao kita samparia mampakakoro mampodongeka sa’e, pei ne’e masara magombo. Pasi ne’e kita majoli maja’a rayanta.