Yakobus 1:9 - Tuntu i mPue ri Basa Taa

⁹ Wali a’i-a’i anu kita mangampake kapande yako resi i Pue Allah etu ri raya ngkatuwu ngkita. Ane komi to masiasi katuwumu ri lino si’i, pake kapande etu mampakasanang rayamu. Naka pei matao masanang rayamu apa komi roomo rapakabae anggamu.

Sura Magali Nuntu Ngkatuwu

⁹ To Kerisitu anu kaasi-asi da napakawongkomo rayanya maka i Pue Ala anu da maoretaka tau seʼe.

Yakobus 1:9 Referans Kwoze

2 Korintus 6:10

Wali kami mangarata kasusa, pei tare pandoonya ndende raya mami. Kami masiasi, pei yako palaong mami see naka boros tau to mangarata kasugi to monso. Pasi ane ri pangkita ntau kami tare kesaa to re’e resi kami, pei kamonsonya samparia rasi ndate saruga paka kami puenya. Wali manasa kami to papolaong i mPue Allah semo! Pasi ane manasa kami to papolaong i mPue Allah, ane ewa see manasa seja masipato komi mangaya kareba matao to napakarebaka mami resi komi.

Pangkita 2:9

Ia manganto’o, Aku Kunsani kasesa to nurata ngkomi. Pasi Kunsani komi masiasi, pei kamonsonya komi tau to masugi! Aku Kunsani seja re’e tau Yahudi to mampoanika mangalulu agama nto Yahudi pei taa mangalulu, sira mampue resi i Kepala Measa. Tau etu manto’o maja’a komi.

Lukas 1:52

Ia roo seja mangayali muni kuasa makole-makole pei tau to kodi angganya Ia mangokotaka see mawali bae angganya.

Pilipi 3:14

Wali ewa naika ntau matilumba etu mangampago ungkanya daraparipo etu see maya mangarata dale, ewa wetu seja kuika mangampago dale to danawaika i mPue Allah aku. Etu semo samparia to napokioka i mPue Allah kita damangantima ndate saruga apa saba kita samba’a pei i Kerisitu Yesu.

Pilipi 3:3

Wali jagai kojo tau to ewa wetu apa si’a sira to nato’o i mPue Allah tauNya to rasui. Kamonsonya kita to mangaya, kita semo to nato’o i mPue Allah tauNya to rasui, apa kita semo to mampue mampakabae i Pue Allah yako ri pansawang NosaNya. Pasi kita ndende rayanta apa saba palaong to naika i ngKerisitu Yesu resi kita, pasi kita taa mansarumaka palaong to naika nto lino.

Roma 8:17

Pasi ane kita anaNya, kita seja damangarata tila to danawaika i mPue Allah anaNya. Wali kita damangarata tila etu sindara-ndara pei i Kerisitu. Apa ane kita mangarata kasesa ri lino si’i to ewa kasesa to narata i ngKerisitu, ane ewa see kita damangarata seja kayawa sewaju pei Ia.

Lukas 10:20

Pei nempo measa mampalaika komi, si’a etu to masipato mawali pu’u ngkandende ndaya ngkomi. Kasimbalinya yako etu, pakandende raya ngkomi apa saba sanga ngkomi roomo ratulis ndate saruga.”

Lukas 9:48

Roo see Ia manganto’o, “Ane tau manga’angga nempo ojo ana kodi to ewa si’i apa saba ia mangalulu Aku, ane ewa see batuanginya tau etu manga’angga seja Aku. Pasi i sema tau to manga’angga Aku, batuanginya ia manga’angga i Pue Allah to nampokau Aku. Apa tau to kodi kojo angganya ri oyo ngkomi, kamonsonya tau etu semo to bae kojo angganya ane ri pangkita i mPue Allah.”

1 Petrus 2:9

Pei kita tau to roomo napilis i mPue Allah damawali tauNya. Pasi kita semo to pampue to mangika palaong Makole ngkita. Pasi kita semo bansa to i Pue Allah Puenya pasi to tare yusa puenya. Naka pei kita napilis i mPue Allah, see kita damampakarebaka resi sa’e palaong to inikaNya to masipato rabarong. Apa Ia semo to nampokio kita damasuwu yako ri kawuri pei masua wo’u ri raya ngkaremeNya to bae kojo kayawanya.

Lukas 14:11

Apa i sema tau to mampakabae angga ngkoronya, tau etu darapakakodi angganya. Pasi i sema tau to mampakakodi angga ngkoronya, tau etu darapakabae angganya.”