Yakobus 1:8 - Tuntu i mPue ri Basa Taa

⁸ Apa tau to ewa wetu, ia dua-dua rayanya, pasi samparia lengko ngkatuwunya paka tare to maya rasarumaka. Wali ne’e bata-bata raya mamporapi kapande yako resi i Pue Allah.

Yakobus 1:8 Referans Kwoze

Matius 6:24

.“Wali si’i wo’u rapa mangkonong kasugi. Wali ane rapanya watua, ia taa maya dua tau puenya. Apa ane ia dua tau puenya, ia maja’a nakita samba’a pasi mamporayang samba’a. Ia manga’angga samba’a pasi mangkaengas samba’a. Wali ewa see seja komi. Komi taa maya mawali to papolaong i mPue Allah pasi to papolaong ngkasugi apa ane mamporayang kasugi, komi taa mamporayang i Pue Allah.”

Yakobus 4:8

Pasi pakamosu resi i Pue Allah, apa ane komi mampakamosu resi i Pue Allah, Ia damampakamosu resi komi. Pasi komi to mangika palaong to madosa, pakayongo lengko ngkomi, ewa tau to makarika palenya matao ane mamue. Pasi komi to dua-dua rayamu mangkonong pangaya ngkomi, pakayongo raya ngkomi etu.

2 Petrus 2:14

Sira sangkani rani masala ane mangalo’aka tau we’a. Pasi sira tare pandoonya mangika dosa. Sira mangakal tau to taa maroso pangayanya. Pasi raya nsira sangkani mamporani anu nsa’e. Wali sira natanaa yau i mPue Allah.

2 Petrus 3:16

Apa samparia sura to ia mangantulis paka ewa wetu gombonya tempo ia mampotunde mangkonong palaong to etu. Kamonsonya re’e to natulis i mPaulus ri raya nsuranya to masuli ransani. Wali tau to bea pasi to taa maroso pangaya nsira, tau etu mangawali yau batuanginya gombo i mPaulus etu ewa naika nsira ri tuntu i mPue Allah to yusa. Wali apa saba palaong to naika nsira etu, see naka sira darapakaja’aka yau, apa sira ojo mangewa anu to monso to nato’o i mPaulus.

Matius 6:22

.“Wali ne’e ojo kasugi ri lino to nupobuuka ngkomi. Apa ane ojo kasugi ri lino to komi sangkani mampobuuka, ane ewa see komi tamo mampobuuka pamporani i mPue Allah, see naka i Pue Allah taa maya mampakanasaka raya ngkomi mangkonong pamporaniNya etu. Wali ane ewa see, raya ngkomi raporapaka ewa tampa to mawuri apa tare pansona. Wali komi ewa tau to maroo ri raya ngkawuri, pasi kawuri etu mawuri kiji! Komi ewa tau to maja’a matanya, to taa maya mangkita bara kesaa. Pei ane komi sangkani mampobuuka mangkonong pamporani i mPue Allah, ane ewa see Ia maya mampakanasaka raya ngkomi mangkonong pamporaniNya etu. Wali tempo i Pue Allah mampakanasaka raya ngkomi pamporaniNya etu, palaong etu raporapaka ewa pansona to mampakareme tampa to mawuri. Wali ane ewa see, komi ewa tau to matao matanya see naka mayoas mangkita reme mpansona etu. Wali komi maroo ri raya ngkareme.

Yakobus 1:7

Wali ane tau to ewa wetu, ne’e ia mampobuuka ia danawaika i mPue bara kesaa.