Yakobus 1:19 - Tuntu i mPue ri Basa Taa

¹⁹ Wali a’i-a’i to kuporayang kojo, pobuuka kojo gombongku si’i. To tao-tao kita samparia mampakakoro mampodongeka sa’e, pei ne’e masara magombo. Pasi ne’e kita majoli maja’a rayanta.

Sura Magali Nuntu Ngkatuwu

¹⁹ Ee waʼa ngkasangkompo anu kupotowe, ndipedongeka kojo anu da kutoʼo seʼi! Sambaʼa-sambaʼa sangaya-ngaya da maliga pampedongekanya, malengi pompaunya pai bareʼe ganggara sengke.

Yakobus 1:19 Referans Kwoze

Epesus 4:26

Wali ane maja’a raya ngkomi, ne’e rabiaka kaja’a ndaya ngkomi etu mawali yau dosa. Pasi ne’e masae kojo maja’a raya. To tao-tao pakasanang raya ngkomi re’e katawanya eo soyo.

Kolose 3:8

Wali posaka yau samparia lengko to si'i, ewamo maja'a raya, mapoi raya, rani mampoja'a sa'e, manto'o maja'a sa'e, pasi gombo to balamas.

Epesus 4:31

Wali posaka yau samparia palaong to mampakamawo i Nosa Mapasing. Palaong to etu ewamo makodi raya, mapoi raya, maja’a raya, matingka, pasi manto’o maja’a sa’e. Posaka yau palaong to etu sindara-ndara pei samparia ngaya nu lengko to maja’a.

Kolose 3:15

Wali i Pue Allah mangawaika kita karodo ndaya, wali biakamo karodo ndaya etu mawali ewa to pobotus to mampakanasaka ri raya ngkomi to imba lengko to matao raika resi yunu ngkomi. Apa naka pei komi napokio i mPue damawali samba'a koro see komi damasingkatao samba'a pei samba'a. Wali masipato komi manganto'oka i Pue Allah, tarima matao.

Matius 5:22

Pei Aku manganto’oka komi, tau nempo ojo maja’a rayanya resi yununya, tau etu masipato danahuku nto pobotus. Pasi i sema-sema manganto’oka yununya, ‘Bea korom!’ tau etu masipato seja danahuku nto pobotus. Pei i sema-sema to manganto’oka yununya, ‘Korom taa kojo re’e batuanginya!’ tau etu masipato darapanasok yau lo’u apu naraka.

Yakobus 1:26

Wali bara re’e tau ri oyo ngkomi to manganto’o, “Aku madota kojo mangalulu agama.” Pei ane tau etu taa mangansani manganta’amaka gombonya, ane ewa see ia ojo mangantipu koronya apa tare batuanginya agamanya etu.

1 Tesalonika 2:13

Wali kami tare seja pandoonya manganto’oka i Pue Allah tarima matao apa tempo kami mampaponsanika resi komi tuntu i mPue Allah seore, komi manasa kareba etu yako resi i Pue Allah semo. Komi taa mampobuuka kareba etu ojo yako resi to lino. Wali see naka tempo komi mangandonge, komi masanang mangantima apa kareba etu monso pu’u tuntu i mPue Allah to mapalaong ri raya ngkita to mangaya.

Palaong mPomakau i mPue Yesu 17:11

Wali to Yahudi to nja’u nja’u kota etu sira semo to sana-sanang mampodongeka tuntu i mPue pei tau ri Tesalonika. Tempo i Paulus mampotundeka sira tuntu i mPue Allah, sira masanang kojo mampodongeka, pasi ponto eo sira mamparesa tuntu i mPue etu mampakanasa bara monso pu’u anu to nato’oka i mPaulus sira etu, bara taa.

Lukas 19:48

Pei sira taa mangarata jaya apa to Yahudi to boros mampodongeka kojo samparia gombo to Ia manganto’o.

Markus 2:2

Wali boros tau siromu ri banua nakarata i Yesu. Tempo tau boros etu siromu, taa soa ri raya banua. Nempo ri sambali mbombo, buke tau mangampago i Yesu. Wali Ia mampakarebaka sira mangkonong tuntu i mPue Allah.

Palaong mPomakau i mPue Yesu 10:33

Wali see naka aku mansaka mampokau tau yau resi komi, pasi aku masanang kojo rayangku apa komi buya rayamu ma’i resi aku. Wali tempo si’i kami samparia siromu rire ri tango i mPue Allah damangampodongeka samparia to nato’oka i mPue Allah komi to komi damamporata resi kami.”

Palaong mPomakau i mPue Yesu 2:42

Wali tau to mangaya i Pue Yesu etu sira samparia paka madota kojo mangampodongeka anu to napotundeka mpomakau i mPue Yesu, pasi sira sangkani masingkatao siromu sindara-ndara. Sira seja mandudu ngkani mangkoni sindara-ndara mangangendo kapate i Yesu pasi sira seja siromu makai-kai.

Lukas 15:1

Wali re’e seore ma’i to pantagi asele pasi tau to yusa to nato’o seja nsa’e tau madosa, sira siromu damangandonge gombo i Yesu.

1 Yohanes 2:21

Wali naka pei aku mangantulisika komi sura si'i si'a apa komi taa nunsani anu to monso. Naka pei aku mangantulisika komi apa komi mangansani anu to monso. Wali aku ojo mampatiendoka komi apa komi nunsani tare wuti to pu'unya anu to monso.

Palaong mPomakau i mPue Yesu 13:48

Wali ojo pangandonge ntau to si’a to Yahudi gombo i mPaulus dua i Barnabas etu, sira ndende kojo rayanya pasi sira mangabarong tuntu i mPue. Wali tau etu i sema-sema sira to masanang mampobuuka mangarata katuwu to singkasaenya, tau etu mangaya i Pue Yesu.

Markus 12:37

Wali Makole parajanji i mPue Allah nempo wiyaa i Daud, pei i Daud tiroo manganto’oka Ia ‘Puengku’. Wali ane ewa see, wimba, Makole parajanji i mPue Allah etu Ia bara ojo wiyaa i Daud bara napowimba wo’u Ia?” Wali tempo i Yesu manganto’o gombo etu, boros kojo tau to mangandonge. Sira masanang kojo mangandonge gombo i Yesu etu.

Palaong mPomakau i mPue Yesu 1:15

Wali re’e seore, tempo sira siromu mangampea sora yako resi i Pue Allah etu, re’e siromu tau satu pei dua mpuyu mba’a to paka samba’a pangayanya. Tempo sira siromu etu, i Petrus makore ri oyonya pei magombo, ia manganto’o,

Yakobus 1:2

Wali a’i-a’ingku, ane komi mangarata soba mpangaya-ngaya, to tao-tao komi mampobuuka soba etu ewa palaong to ojo mampakandende kojo raya ngkomi.

Yakobus 1:16

Wali a’i-a’i to kuporayang, ne’e ratipu mangkonong i Pue Allah, apa tare anu to maja’a yako resi Ia. Ojo anu to matao to Ia mangawaika kita.

Yakobus 2:1

Wali a’i-a’ingku, Pue ngkita, i Yesu Kerisitu, Ia semo Pue to bae kojo kayawaNya. Wali apa saba kita mangaya Ia, see naka taa matao ane kita mampasisala tau.

Yakobus 2:5

Wali a’i-a’ingku to kuporayang, padongeka gombongku si’i pei pobuuka mangkonong ewa wimba nuika ngkomi mampasisala tau to sugi pasi tau to masiasi. Apa kamonsonya tau to masiasi ri pangkita nu mata nto lino, tau etu semo to i Pue Allah mangampilis damawali maroso pangayanya. Wali sira maya rato’oka sugi ane mangkonong pangaya nsira. Pasi i Pue Allah mangampilis sira damangarata seja anu to matao to rawaika resi tau to Ia Makolenya. Wali anu to matao etu semo to Ia roomo mamparajanjika tau to mamporayang Ia.

Yakobus 3:10

Wali gombo to mangabarong i Pue Allah pasi gombo to mampoja’a sa’e etu paka masuwu yako samba’a nganga. Wali a’i-a’ingku, taa kojo masipato kita mangika ewa wetu!

Yakobus 4:11

Wali a’i-a’i, ne’e komi masito’o maja’a samba’a pei samba’a. Apa ane komi manto’o maja’a a’imu to samba’a pangaya, bara mampakasala ia, batuanginya komi mangewa porenta i mPue Allah, apa sewaju ewa manganto’o nempo taa mampalaika porenta etu, taa mawei. Pasi ane komi manto’o maja’a a’imu to samba’a pangaya, komi ewa mangokotaka koro ngkomi damawali ewa to pobotus nsira. Apa komi mampobuuka ojo komi semo to mangansani batuanginya porenta etu, pasi komi manto’o maja’a tau to taa singkonong pei komi. Pei kamonsonya si’a komi to masipato mangabotus sa’e.

Yakobus 5:12

Wali a’i-a’ingku, si’i semo gombongku to bae kojo batuanginya. Ane komi damangika bara kesaa, to tao-tao komi ojo manganto’o, “Iya, dakuika.” Pasi ane komi taa damangika, to tao-tao ojo manganto’o, “Taa dakuika.” Ne’e mampokio matamanasa, nempo anu ri lino, bara ri yangi, bara to yusanya, damampatimonso parajanjimu etu. To tao-tao ojo ika to komi room manganto’o etu. Apa ane taa mangika pei re’e to mawali matamanasa mparajanjimu etu, ane ewa see, huku to danurata ngkomi mapari wo’u apa saba re’e matamanasa etu.Wali to tao-tao tare matamanasa naka ne’e komi darahuku.

Yakobus 5:19

Wali a’i-a’ingku, ane rapanya re’e tau ri oyo ngkomi to mampiyaika jaya to monso, matao kojo ane re’e yununya to mangkeni muni ia damangalulu muni jaya to monso etu.