Yakobus 1:12 - Tuntu i mPue ri Basa Taa

¹² Wali masanang tau to mangainsoka tempo mangarata soba. Apa ane ia mangainsoka tempo rasoba ia damangarata katuwu to raporapaka ewa dale to meyawa kojo to rawaika resi tau to manang. Wali katuwu etu roomo naparajanjika i mPue tau to mamporayang Ia.

Sura Magali Nuntu Ngkatuwu

¹² Yontomo kalindo ndaya ntau anu todo ri peaya ndaya ri sindara naparata pompebutuka. Maka ri karoonya narata pompebutuka seʼe siʼa da marata saronya, inceʼemo katuwu anu ndajanji i mPue Ala ri waʼa ntau anu mampotowe Pue Ala.

Yakobus 1:12 Referans Kwoze

1 Petrus 5:10

Pei kasesa to nurata ngkomi etu taa damasae. Panewa roo see i Pue Allah semo damampasilonga komi pasi Ia damampakainti, mampakaroso pasi mampakarodo seja komi. Wali Ia damangika ewa wetu apa samparia anu to manoto i Pue Allah semo pu’unya. Pasi Ia semo to roomo mampokio kita damangarata seja santila yako kayawaNya to singkasaenya. Wali matantu kita damangarata keyawa etu apa kita samba’a pei i Kerisitu Yesu.

Pangkita 2:10

Wali komi darasesai, pei ne’e meka mampobuuka kasesa to danurata ngkomi etu. Padongeka gombo si’i. I Kepala Measa damangantarungku singga’a komi see komi daraparesa. Pasi komi darasesai sampuyu mbengi kasaenya. Wali pakaroso raya ngkomi mangalulu Aku nempo rapopate yau apa saba komi mangalulu etu. Apa ane komi mangika ewa see, Aku damangawaika komi katuwu to raporapaka ewa so’o mbo’o to meyawa.

Yakobus 5:11

Pobuuka! Apa kami manganto’o, “Masanang tau to mangansabaraka kasesa.” Wali pobuuka seja i Ayub, apa komi re’e seja mangandonge mangkonong kasabara to si ia. Pasi komi mangansani seja ewa wimba naika i mPue mampakasanang i Ayub tempo ia roomo rasoba. Wali naka pei i Pue mangika ewa wetu apa Ia bae kojo kanotoNya pasi pamporayangiNya. Wali masipato kita mangansabaraka tempo mangarata kasesa.

Roma 8:28

Wali i Pue Allah room mampokio kita singkonong pei songkaNya pasi kita mamporayang Ia. Wali see naka nempo kesaa to mawali resi kita i Pue Allah mangansawang see palaong etu mawali bae batuanginya resi kita.

Matius 10:22

Pasi ane komi, samparia tau damaja’a nakita komi apa saba komi mangalulu Aku. Pei i sema-sema tau to mangainsoka kasesa to ewa wetu sampe rata tempo ngkapuranya, tau etu darapalaes.

1 Korintus 9:25

Wali ane tau to damatilumba etu, sira madota kojo maripo-ripo yami pasi manta’amaka samparia pamporani ndaya to damangantalas sira naka pei taa magasi pariponya. Naka pei sira mangangika palaong etu apa sira rani mangarata dale, etu semo so’o mbo’o to magaya to raika yako ira ngkaju to rawaika resi tau to manang. So’o mbo’o etu taa masae damaja’a. Pei kita manta’amaka pamporani ndaya ngkita pasi mangaluluka songka i mPue Allah, see damangarata dale to tare kapuranya.

1 Petrus 3:14

Pei ane rapanya re’e tau to mangansesai komi apa saba komi mangika palaong to singkonong pei i Pue Allah, nempo ewa wetu komi mangarata rasi. Wali ne’e mampokeka tau to mangarai komi, pasi ne’e seja masusa raya ngkomi.

2 Timotius 4:8

Wali si’i-si’i re’e dalengku to mangampeas aku ndate saruga. Dale etu raporapaka ewa so’o mbo’o to meyawa to darawaika tau to singkonong pei i Pue Allah. Wali dale to etu danawaika i mPue aku ri temponya darapangabotus. I Pue Ia to pobotus to sangkani mangika ewa to Ia room manganto’o, pasi Ia semo to damangawaika aku dale etu. Pei si’a ojo aku to damangarata dale etu, samparia tau to mawongko rayanya mangampeas kama’i i mPue paka damangarata seja dale etu.

Yakobus 2:5

Wali a’i-a’ingku to kuporayang, padongeka gombongku si’i pei pobuuka mangkonong ewa wimba nuika ngkomi mampasisala tau to sugi pasi tau to masiasi. Apa kamonsonya tau to masiasi ri pangkita nu mata nto lino, tau etu semo to i Pue Allah mangampilis damawali maroso pangayanya. Wali sira maya rato’oka sugi ane mangkonong pangaya nsira. Pasi i Pue Allah mangampilis sira damangarata seja anu to matao to rawaika resi tau to Ia Makolenya. Wali anu to matao etu semo to Ia roomo mamparajanjika tau to mamporayang Ia.

1 Petrus 5:4

Apa ane komi mangika ewa wetu, ane ratamo temponya danakama’i nto Pangkampang to bae kojo anggaNya, tempo etu komi damangarata kayawa to taa dapaya yau, to raporapaka ewa dale to meyawa kojo to narata ntau to manang.

1 Korintus 2:9

Pei ane ewa ratulis ri raya ntuntu i mPue, i Pue Allah manganto’o, to’oNya, “Tawa re’e tau to mangangkita, pasi tawa re’e to mangandonge, pasi tawa re’e tau to mampobuuka anu to room napasigenaka i mPue Allah resi tau to mamporayang Ia.” (Yesaya 64:4)

Pangkita 3:21

Wali i sema tau to manang, tau etu Aku damangawaika kuasa matunda ri gadera makole sindara-ndara pei Aku, sewaju ewa nikangKu manang pasi matunda sindara-ndara pei Pa’angKu ri gadera to si Ia.

1 Petrus 4:13

Pei to tao-tao ndende raya ngkomi apa komi mangarata seja santila kasesa to narata i ngKerisitu seore. Pasi ane ewa see, bae wo’u kandende ndaya ngkomi ane ratamo temponya kayawa i ngKerisitu darapapokitaka.

1 Korintus 8:3

Pei tau to mamporayang i Pue Allah, tau etu nansani i mPue Allah.

Pangkita 3:19

Wali Aku manganto’oka komi ewa see apa Aku mamporayang komi. Tau to Kuporayang, tau etu Aku manganseko pasi mangantidas. Wali pakadota rayamu pasi pajeamo.

Ibrani 10:32

Wali endo tempo ruyu, tempo komi owo mangantima kareba to monso to mangkeni reme. Tempo etu komi malagi ngkani mangarata kasesa pei komi ojo mangainsoka wali kasesa etu taa manganangi komi.

Ibrani 6:15

Wali yako etu i Abraham bae sabaranya mangampeas panewa ia mangarata anu to naparajanjika i mPue Allah ia etu.

Matius 25:34

“Yako etu Aku, i Makole, damanganto’oka tau to re’e ri sambalingKu tondo ngkana, Aku damanganto’o, ‘Maimo. Komi semo tau to Makolemu i Pue Allah. Wali mai apa danawaika mPa’angKu rasi. Apa rasi to rawaika resi komi etu, rasi etu rapasigenaka yami komi yako ri temponya lino si’i rapapowali, pasi maya raporapaka ewa panta to nawaika mpa’a resi ananya.

Ibrani 11:17

Wali yako pangaya i Abraham, see naka ia mampampueka i Ishak ewa pampue resi i Pue Allah tempo i Pue Allah mamparesa pangayanya etu. I Ishak etu ananya to samba’aja. Pasi i Pue Allah roomo mamparajanjika i Abraham manganto’o, “Yako Ishak semo damawali tau to darato’oka wiyaa ngkorom.” Pei nempo ewa wetu gombo i mPue Allah, pei i Abraham tiroo mampakaroso damampampueka yau ananya to samba’aja etu.

1 Yohanes 4:19

Wali naka pei kita mamporayang i Pue Allah apa Ia semo to uyunya mamporayang kita.

Posuwunya 20:6

Pei ane tau to mamporayang Aku pasi to mampalaika porentangKu, tau etu Aku damamporayang. Wali tare pandoonya pamporayangingKu resi sira rataka ri nsowu-nsowu ntapi mbiyaanya.

Ibrani 12:5

Pasi wimba komi bara roo mangkalingan yau gombo i mPue Allah to Ia manganto’o damampakaroso raya ngkomi? Ia magombo resi komi ewa nika mpa’a mampogomboka ananya, Ia manganto’o, “AnangKu, padongeka kojo tempo komi napotunde i mPue. Pasi ne’e mayu’u raya ngkomi tempo Ia manganseko komi.

Pomulanya 22:1

Wali yako etu, re’e seore i Pue Allah mangansoba pangaya i Abraham. Ia mampogomboka i Abraham, to’oNya, “O Abraham!” Panewa i Abraham mangansono, “Kesaa danuto’oka ngKomi aku, Pue?”

Lukas 6:22

Masanang komi ane sa’e maja’a nakita komi, pasi bo’onya mampogalungika komi, pasi ane sira mangarowis komi pasi manganto’o maja’a komi apa saba komi mangaya Aku, Wiyaa nto Lino.

Roma 5:4

Pasi yako ri karoso ndayanta etu see naka lengko ngkita mampakanasa monso pu’u anu to naaya ngkita. Panewa yako etu see naka maroso wo’u pansarumaka ngkita.

2 Timotius 2:15

Wali pakatao kojo see korom kono kojo anu to nupotundeka tau, etu semo anu to monso. Apa ane ewa see, korom masipato danabarong i mPue Allah. Pasi ane ewa see, korom tare to danupokea.

1 Petrus 4:14

Wali ane komi nato’o maja’a ntau apa saba komi mangaya i Kerisitu, komi tiroo mangarata rasi. Naka pei komi mangarata rasi apa Nosa to pu’u ngkayawa, etu semo Nosa i mPue Allah, Ia maroo-roo siwaka pei komi. Wali nempo sa’e manto’o maja’a i Kerisitu, pei komi mangabarong Ia.