Titus 3:7 - Tuntu i mPue ri Basa Taa

⁷ Wali i Pue Allah mangawaika kita i Nosa Mapasing see kita maya mangantima katuwu to singkasaenya, to roomo naparajanjika i mPue Allah kita. Kita mangantima katuwu to singkasaenya etu apa i Pue Allah manoto, Ia manganto’o kita tare dosanta.

Sura Magali Nuntu Ngkatuwu

⁷ da naka ua puru ndaya i Yesu, kita mokenta muni pai i Pue Ala pai kita marata katuwu anu monco pai bareʼe da reʼe kapusanya anu tapomata-mata.

Titus 3:7 Referans Kwoze

Roma 8:17

Pasi ane kita anaNya, kita seja damangarata tila to danawaika i mPue Allah anaNya. Wali kita damangarata tila etu sindara-ndara pei i Kerisitu. Apa ane kita mangarata kasesa ri lino si’i to ewa kasesa to narata i ngKerisitu, ane ewa see kita damangarata seja kayawa sewaju pei Ia.

Roma 3:24

Pei yako ri kanoto i mPue Allah Ia buya rayaNya manganto’o kita tare dosanta. Ia mangika ewa see apa saba i Kerisitu Yesu re’e mangalapa kita yako ri kuasa nu dosa.

Titus 2:11

Apa i Pue Allah re’e mampaponsanika kita to lino kanotoNya see samparia kita maya rapalaes.

1 Korintus 6:11

Wali seore re’e sangga’a komi to ewa wetu lengko ngkomi. Pei raya ngkomi room napakayongo i mPue Allah yako ri dosa. Pasi Ia room mangika komi mawali Ia Puenya pasi Ia room manganto’o tare dosa ngkomi. Naka pei Ia mangika palaong etu apa saba palaong to roomo naika i mPue Yesu Kerisitu pasi to roomo naika i Nosa Mapasing resi komi.

Titus 1:2

Pasi ane sira mangansani anu to monso etu, sira damasanang kojo damampobuuka katuwu to singkasaenya. Katuwu to singkasaenya etu naparajanjika i mPue Allah tempo owi, tempo Ia tawa mampapowali lino si’i. Wali damawali kojo parajanji etu apa kita tansani i Pue Allah Ia taa mawuti.

Yakobus 2:5

Wali a’i-a’ingku to kuporayang, padongeka gombongku si’i pei pobuuka mangkonong ewa wimba nuika ngkomi mampasisala tau to sugi pasi tau to masiasi. Apa kamonsonya tau to masiasi ri pangkita nu mata nto lino, tau etu semo to i Pue Allah mangampilis damawali maroso pangayanya. Wali sira maya rato’oka sugi ane mangkonong pangaya nsira. Pasi i Pue Allah mangampilis sira damangarata seja anu to matao to rawaika resi tau to Ia Makolenya. Wali anu to matao etu semo to Ia roomo mamparajanjika tau to mamporayang Ia.

Galatia 2:16

Pei si’i-si’i kita tansani si’a yako tau mangalulu porenta i Musa naka pei ia nato’o i mPue Allah tare dosanya. Yako pangayanya resi i Yesu Kerisitu naka pei tau nato’o i mPue Allah tare dosanya. Wali kita mangansani etu, see naka ewa see seja to naika ngkita. Kita roomo mangaya i Kerisitu Yesu see yako pangayanta resi i Kerisitu Yesu etu kita maya nato’o i mPue Allah tare dosanta. Si’a yako kita mangalulu porenta i Musa, apa tare pasi samba’a tau to danato’o i mPue Allah tare dosanya ane ojo mangalulu porenta i Musa.

Roma 11:6

Wali ane yako ri kanoto i mPue Allah etu sira rapilis, batuanginya si’a yako ri palaong nsira to matao naka pei sira rapilis. Apa ane saba yako palaong nsira to matao see naka sira rapilis, batuanginya kanoto i mPue Allah tamo maya rato’oka wo’u kanoto. Pei ane rapanya yako palaong nsira naka pei sira rapilis, ane ewa see si’amo yako kanoto i mPue Allah. Wali ane ewa see, batuanginya palaong tamo maya ojo rato’oka palaong.

Galatia 3:29

Pasi ane komi i Kerisitu Puenya, batuanginya komi seja wiyaa i Abraham. Wali masipato komi mangarata seja tila to naparajanjika i mPue Allah ia.

Roma 4:16

Wali see naka tempo i Pue Allah mangika parajanjiNya resi i Abraham etu, Ia si’a mangika apa saba i Abraham mangalulu porentaNya. Ia mangika apa saba i Abraham mangaya Ia. Naka pei i Pue Allah mangika ewa wetu apa Ia rani mangawaika parajanjiNya to ojo yako ri kanotoNya semo. Pasi Ia mangika ewa wetu see samparia wiyaa i Abraham damangarata kojo anu to Ia mamparajanjika etu. Wiyaa i Abraham to damangarata parajanjiNya etu si’a ojo to Yahudi to re’e porenta i mPue Allah. Pasiwa tau to si’a to Yahudi seja to mangaya sewaju ewa i Abraham, sira seja damangarata. Apa i Abraham ia pa’a ngkita samparia to mangaya.

Roma 3:28

Wali ewa si’i pampobuuka mami, tau naka pei nato’o i mPue Allah tare dosanya apa saba pangayanya, si’a saba ia mangalulu porenta i mPue Allah ewa to nika nto Yahudi.

1 Petrus 3:7

Wali komi to langkai to marongom, re’e seja to matao ane nuika ngkomi samparia. Etu semo, ri raya ngkatuwu ngkomi siwaka pei indo nu ana ngkomi samba’a pei samba’a, ika resi sira ewa wimba to singkonong pei anu to roomo napakanasaka i mPue Allah komi. Raramaka sira, apa sira semo to yu’u-yu’u pei komi. Pasi angga sira apa sira damangarata seja sora to danawaika i mPue Allah komi. Etu semo katuwu to singkasaenya. Wali ewa wetu lengko to masipato danuika ngkomi resi indo nu anamu, see tare to damangantalas pokai-kai ngkomi.

Ibrani 11:9

Pasi yako pangayanya, see naka ia maroo-roo nja’u lipu to naparajanjika i mPue Allah darawaika resi ia. Tempo ia maroo nja’u ria, tana etu tiroowa tau to yusa puenya, wali ia maroo nja’u ria ewa naika ntau rata maroo nja’u tana ntau to yusa. Ia taa mangawangu banua, ia maroo ri raya ntenda. Pasi ewa see seja naika nu ananya, i Ishak pasi makumpunya, i Yakub. Pasi Pue Allah mamparajanjika seja sira dua tana etu sewaju ewa ia mamparajanjika i Abraham.

Ibrani 11:7

Wali i Nuh seja mangaya i Pue Allah pasi yako pangayanya etu see naka ia mampodongeka patiendo i mPue Allah mangkonong palaong to damawali. Nempo ia taware mangkita palaong to ewa wetu, pei ia tiroo mangaya. Ia mampalaika i Pue Allah saba manga’angga Ia, wali ia mangika bangka bae see ia darapalaes sindara-ndara pei samparia tau to maroo ri banuanya. Wali yako pangayanya etu see naka manasa kojo to lino to yusa masipato nahuku i mPue Allah apa sira taa mangaya. Pasi apa saba pangayanya etu, see naka i Nuh mawali seja tau to nato’oka i mPue Allah tare dosanya.

Ibrani 6:17

Wali ewa see seja to naika i mPue Allah. Tempo Ia mangika parajanjiNya resi i Abraham etu, Ia rani mampakanasaka kojo tau to damangarata parajanji etu Ia taa damangawali songkaNya. Wali see naka Ia mangampake sangaNya mampakatantu parajanjinya etu.

Galatia 4:7

Wali ane ewa see, batuanginya komi si’amo to papolaong, komi ngana i mPue Allah. Pasi ane komi nganaNya, batuanginya komi damangarata seja tila to naparajanjika i mPue Allah kita to anaNya apa saba palaong to naika i ngKerisitu.

Roma 4:4

Wali aku mamporapaka komi ewa si’i. Tau to mapalaong, ia mangarata saronya yako ri palaong etu. Wali saro ntau etu taa kono rato’o sora apa ia mapalaong, wali masipato ia rabayar.

Titus 2:13

Wali anu kita mangika palaong to etu ri tempo si’i, tempo kita masanang mangampeas eonya to kita mampobuu-buuka etu. Etu semo kama’i i Yesu Kerisitu. Ia Allah anu makuasa pasi to Pansompo ngkita. Tempo Ia dama’i etu miyala kojo kayawaNya.

Matius 25:34

“Yako etu Aku, i Makole, damanganto’oka tau to re’e ri sambalingKu tondo ngkana, Aku damanganto’o, ‘Maimo. Komi semo tau to Makolemu i Pue Allah. Wali mai apa danawaika mPa’angKu rasi. Apa rasi to rawaika resi komi etu, rasi etu rapasigenaka yami komi yako ri temponya lino si’i rapapowali, pasi maya raporapaka ewa panta to nawaika mpa’a resi ananya.

Markus 10:17

Wali ojo karoonya i Yesu mampogomboka ngana mayunu etu, Ia polas yako nja’u ria. Pei tempo Ia polas etu re’e samba’a tau maripo mampago Ia. Rata resi i Yesu ia mambokotu ri tangoNya manga’angga Ia. Pasi ia manganto’oka i Yesu, “Pa’a Guru, Komi to matao, bara kesaa palaong to dakuika see aku damangarata katuwu to singkasaenya?”

2 Tesalonika 2:16

Wali kami makai-kai resi i Yesu Kerisitu, Pue ngkita, pasi resi i Pue Allah, Pa’a ngkita. Ia mamporayang kita pasi yako kanotoNya Ia roomo mangawaika kita karoso ndaya to singkasaenya pasi Ia mangawaika seja kita pansarumaka to matao.

Ibrani 1:14

Apa pomakauNya etu, sira ojo nosa-nosa to mangika palaong i mPue Allah. Pasi sira napokau i mPue Allah damangansawang tau. Wali tau to nasawang mpomakau etu, etu semo kita to danapalaes i mPue Allah. Wali manasa kojo sanga pasi pangka i Ana i mPue Allah, etu semo to bae-bae batuanginya pei sanga pasi pangka mpomakau i mPue Allah.