Titus 3:6 - Tuntu i mPue ri Basa Taa

⁶ Wali saba palaong i Yesu Kerisitu, to Pansompo ngkita, see naka i Pue Allah mangawaika i Nosa Mapasing yako ri kabuya ndayaNya ma’i maroo ri raya ngkita damangansawang kita.

Sura Magali Nuntu Ngkatuwu

⁶ I Pue Ala mawai Inosa ri kita ua i Yesu Kerisitu, Mokole Tadungkadagota,

Titus 3:6 Referans Kwoze

Roma 5:5

Wali pansarumaka etu taa mangantipu kita. Apa samparia to kita mansarumaka etu paka damawali kojo. Apa i Pue Allah room mangawaika kita i Nosa Mapasing, pasi i Nosa Mapasing etu mampaponsanika ri raya ngkita ewa wimba kabaenya pamporayang i mPue Allah resi kita.

Palaong mPomakau i mPue Yesu 10:45

Wali to Yahudi to mangaya i Yesu to mangalulu i Petrus yako nja’u kota Yope, sira ipu kojo rayanya apa i Pue Allah re’e mantudumakaka tau to si’a to Yahudi soraNya, etu semo i Nosa Mapasing.

Yohanes 16:7

Pei Aku manganto’oka komi, monso pu’u to bae-bae batuanginya resi komi ane Aku yau, apa ane rapanya Aku taa dayau, ane ewa see to Pansawang taa dama’i resi komi. Pei ane Aku yau, Aku damampokau Ia dama’i mangansawang komi.

Yohanes 1:16

Wali Ia to rato’oka i Tuntu, Ia bae kojo kanotoNya, see naka Ia tare pandoonya mangawaika kita anu to matao. Pasi kanjo’u-njo’u tiduga-dugang anu to matao to Ia mangawaika kita etu.

Titus 1:4

Wali aku mangantulis sura si’i resi korom, i Titus. Aku mangepe korom ewa ana ngkorongku apa korom mangaya seja i Pue Allah sewaju pei aku. Wali aku makai-kai see i Pue Allah, Pa’a, pasi i Pue Yesu Kerisitu, to Pansompo ngkita, damampaponsanika korom kanotoNya pasi pamporayangiNya pasi mangawaika korom karodo ndaya.

Epesus 4:2

Wali lengko to masipato, etu semo ne’e mabae-bae raya ngkomi pasi ne’e seja makasar resi sa’e. Pakabae sabara ngkomi resi sa’e, pasi porayang sa’e naka ne’e majoli masusa resi sira.

Epesus 3:8

Wali aku ipu rayangku mampobuuka i Pue Allah mangawaika aku palaong to bae kojo batuanginya etu. Apa yako samparia tau to i Pue Allah Puenya, aku semo to kodi kojo angganya. Pei nempo ewa see, aku nawaika i mPue Allah kanotoNya see aku maya mampakarebaka komi to si’a to Yahudi kareba mangkonong rasi to nawai i ngKerisitu. Rasi etu raporapaka ewa kasugi to taa nakurang ntau mangarekeng.

Roma 8:2

Apa kuasa i Nosa Mapasing to mangawaika kita katuwu room mangalapa kita yako ri kuasa nu dosa pasi yako ri kuasa ngkapate. Kuasa i Nosa Mapasing etu re’e resi kita apa saba kita samba’a pei i Kerisitu.

Palaong mPomakau i mPue Yesu 2:33

“Wali i Yesu tiokotaka damatunda ri tampa to bae angganya ri tondo ngkana i mPue Allah. Pasi i Pue Allah, Pa’aNya mangawaika Ia i Nosa Mapasing to room raparajanjika tempo owi. Wali i Yesu mantudumaka seja i Nosa Mapasing resi kami, wali palaong to nukita ngkomi pasi to nudonge ngkomi si’i batuanginya i Nosa Mapasing to natudumaka i Yesu etu naratamo resi kami.

Yohanes 7:37

Wali yako etu ratamo eo to pangkaroonya Roa Tenda. Eo etu semo to bae kojo batuanginya ane ri roa etu. Wali tempo etu i Yesu makore ri tango ntau boros, Ia maroso looNya mangaligi sira, to’oNya, “I sema tau to mamporani ue to mangawai katuwu, to tao-tao ia mai mangalulu Aku panewa Aku damampapoinuka ia ue to mangawai katuwu etu.

Yohanes 4:10

Wali i Yesu manganto’oka ia, to’oNya, “Ane nunsani ngkorom mangkonong sora to nawai i mPue Allah, pasi ane nunsani ngkorom i sema kamonsonya Aku to mamporapi ue resi korom si’i, ane ewa see, korom damamporapi resi Aku panewa Aku damangawaika korom ue to mangawai katuwu.

Roma 2:4

I Pue Allah Ia manoto kojo, pasi Ia bae sabaranya apa Ia taa mansaka mangahuku komi. Pei ne’e komi mampobuuka, “Nempo kami taa majea taa mawei.” Ne’e mampobuuka ewa wetu apa naka pei i Pue Allah manoto pasi bae sabaraNya resi komi apa Ia mangawaika komi tempo see komi damajea.

1 Timotius 6:17

Wali re’e wo’u sangkodi to aku rani manganto’o mangkonong tau to sugi ri lino si’i. To’oka sira ne’e mangei pasi ne’e mansarumaka kasuginya, apa tare kasugi ri lino to taa dapura yau. To’oka sira sarumaka i Pue Allah, anu to manoto kojo resi kita. Apa samparia to kita masanang mangampake Ia mangawai.