Titus 3:3 - Tuntu i mPue ri Basa Taa

³ Apa kita to mangaya, tempo kita tawa mangaya seore, tempo etu kita tawa seja mangansani mangkonong i Pue Allah. Kita mangewa songka i mPue Allah pasi porenta ntau. Kita tempo etu ratipu, taa tansani jaya to monso. Pasi kita nakuasang mpamporani ndaya ngkita to maja’a. Wali nempo palaong to maja’a kita mangika, ane mampakasanang koro ngkita, kita mangika. Pasi pampobuuka ngkita tempo etu sangkani maja’a pasi kaloo. Kita sangkani maja’a takita sa’e, pasi sa’e maja’a nakita kita. Ewa see lengko ngkita tempo etu.

Sura Magali Nuntu Ngkatuwu

³ Maka kita seʼe owi tengo, lingu pai bareʼe mepoʼinaya. Kita napowatua mpengaya-ngaya kadaraya pai sawoyo ndaya, kita tuwu ri nawa-nawa anu majaʼa, sina ndaya pai mombepobanciika.

Titus 3:3 Referans Kwoze

Kolose 1:21

Wali seore komi longko yako resi i Pue Allah, pasi komi bali i mPue Allah apa saba pampobuuka pasi lengko ngkomi to maja'a.

Roma 6:17

Tempo ruyu, tempo komi tawa mangaya, tempo etu komi mawali to papolaong nu dosa. Pei aku manganto’oka i Pue Allah tarima matao apa si’i-si’i buya raya ngkomi mampalaika anu to rapatundeka to raporata resi komi.

Kolose 3:7

Pasi ewa wetu seja lengko ngkatuwu ngkomi seore tempo komi nakuasang mpamporani to etu.

Roma 6:22

Pei si’i-si’i komi tilapamo yako ri ara ngkuasa nu dosa pei mawali wo’u to papolaong i mPue Allah. Wali bae rasi ngkomi apa komi room mawali tau to ojo i Pue Allah Puenya pasi komi mangarata katuwu to singkasaenya.

1 Petrus 1:14

Wali komi seja ana i mPue Allah, see naka masipato komi mangampolaika songka to si Ia. Pasi ne’e mangalulu pamporani ndaya to maja’a to nululu ngkomi tempo komi tawa mangansani kareba matao.

2 Korintus 12:20

Apa aku moru rayangku mampobuuka temponya aku darata wo’u resi komi. Apa tempo etu bara re’e lengko ngkomi to taa singkonong pei pamporaningku resi komi. Pasi ane ewa see, lengko to si aku taa dasingkonong pei pamporani ngkomi apa aku ojo damanganseko komi. Wali moru rayangku apa aku taa rani mangarata komi masibanta, timopo pei kaloo, pasi maja’a raya ngkomi samba’a pei samba’a. Pasi aku taa rani mangarata komi matingka, manto’o maja’a sa’e, bawiwi, mangei pasi marotai.

Yohanes 8:34

Wali i Yesu manganto’o, “Aku manganto’oka komi, monso pu’u samparia tau to mangika dosa, tau etu paka watua nu dosa.

Matius 21:29

“Wali ananya etu manganto’o, ‘Bo’oku.’ Panewa roo see ia majea pei yau mapalaong.

Yakobus 1:26

Wali bara re’e tau ri oyo ngkomi to manganto’o, “Aku madota kojo mangalulu agama.” Pei ane tau etu taa mangansani manganta’amaka gombonya, ane ewa see ia ojo mangantipu koronya apa tare batuanginya agamanya etu.

Galatia 6:3

Apa ane re’e tau to mangei mampobuuka pei manganto’o, “Aku semo to tao-tao pei yunungku,” tau etu ojo mangantipu koronya. Apa kamonsonya si’a ia to tao-tao pei yununya etu.

Lukas 21:8

Wali i Yesu mangansono, “Pakatao kojo see komi taa natipu ntau mangkonong temponya Aku dama’i muni ri lino. Apa dama’i boros tau to damampoanika Aku, sira damanganto’o samba’a pei samba’a, to’onya, ‘Aku semo i Makole parajanji i mPue Allah.’ Pasi sira damanganto’o, ‘Daratamo tempo ngkama’i i Makole parajanji i mPue Allah.’ Ewa wetu danato’o ntau, pei ne’e mangalulu tau etu.

Pangkita 18:2

Ia maroso loonya kaboo, manganto’o, “Napukamo, napukamo kota Babel to bae etu! Babel etu room nawali yau lipu measa, pasi mawali yau seja banua nsamparia nosa to maja’a, pasi gimpu nsamparia tonsi to makarika pasi to maja’a nakita ntau.

Pangkita 13:14

Wali binatang to kadua etu ia rawaika kuasa mangika palaong to taa rapobiasa etu mangawakil binatang to uyunya. Panewa yako palaong etu ia mangantipu to lino. Ia manganto’oka sira mangika tau-tau to ta’anya ewa binatang to uyunya to roomo nawelangi mpanai etu pei tuwu muni.

Pangkita 12:9

Ule naga to bae etu ia rapanasoka yau yako ndate saruga. Ule naga etu semo ule to yako tempo owi, ule to rato’oka i maja’a pasi Kepala Measa. Ia semo to pantipu to mangantipu to lino samparia. Wali ia rapanasoka yau yako ndate saruga tudu ri wawo lino. Pasi pomakaunya seja rapanasoka yau sindara-ndara pei ia.

Roma 6:6

Wali kita tansani tau to masae ngkita mate yau seja rapaku ri kaju pasape sindara-ndara pei i Kerisitu. Naka pei mate yau tau to masae ngkita etu see dosa to mangkuasang koronta si’i rapakaja’a yau kuasanya. Wali dosa etu tamo re’e kuasanya mamporentang wo’u kita.

Roma 6:12

Wali dosa tamo kojo re’e kuasa mamporentang kita. Wali ne’e kita mangabiaka dosa mamporentang koro ngkita to damate si’i see kita tamo ojo mangaluluka yau pamporani ndayanta to maja’a.

Roma 11:30

Wali komi tempo ruyu mangewa pamporani i mPue Allah pei si’i-si’i komi re’e mangarata pamporayang i mPue Allah apa saba to Yahudi mangewa Ia.

2 Timotius 3:6

Apa ri oyo ntau etu, re’e tau to mampotundeka anu to taa monso, tau etu biasa mangantipu tau panewa masua ri raya banua ntau etu. Roo see sira mangakal tau we’a to taa bae karoso ndayanya see tau we’a etu mangaluluka yau anu to napotundeka nsira etu. Tau we’a etu sira masusa mampobuuka dosa nsira to malagi kojo, pasi sira ojo mangaluluka yau pamporani ndaya nsira to mpangaya-ngaya.

2 Timotius 3:13

Pei tau to maja’a pasi to panipu, tau etu kanjo’u-njo’u tiduga-dugang wo’u kaja’anya. Sira mangantipu sa’e pasi sira seja ratipu.

Titus 1:16

Wali tau to ewa wetu, sira mampongakung mangalulu i Pue Allah, pei lengkonya taa kojo singkonong pei gombonya etu. Lengkonya etu maja’a kojo ri pangkita i mPue Allah. Sira bo’onya mampalaika i Pue Allah pasi sira taa kojo nakoto mangika palaong to matao.

Titus 2:12

Wali yako kanoto i mPue Allah etu, Ia mampotundeka kita see kita mangansani matao ane mamposaka yau lengko to taa singkonong pei Ia, pasi mampondooka yau mangalulu pamporani nu lino si’i. Pasi yako kanotoNya Ia mampotundeka kita see kita mangansani seja matao ane manta’amaka rayanta re’e palaong to maja’a, pei mangika palaong to masipato raika pei to singkonong pei i Pue Allah ri rayanya kita tiroowa tuwu ri lino si’i.

Pomulanya 38:9

Wali i Onan mangoko i Tamar mawali indo nu ananya. Roo see sira dua maturu siwaka. Pei i Onan ia manasa ane re’e ana nsira dua, ananya etu darato’oka ana ntukakanya, si’a ana to si ia. Ia taa masanang ane wiyaa to si ia pei rato’oka wiyaa ntukakanya, see naka ponto ngkani ia maturu siwaka pei i Tamar ia mangajagai kojo naka ne’e i Tamar mawali mayu’u.

Pomulanya 39:16

Yako etu ia mangkalisoka yau pake i Yusup etu mangampeas naka rata muni pa’a nu ananya.