Titus 2:14 - Tuntu i mPue ri Basa Taa

¹⁴ Ia semo to nangkapateka kita see mangalapas kita yako ri kuasa nu dosa pasi mampakayongo rayanta. Ia mangika palaong to etu see kita maya mawali tau to Ia Puenya, to madota kojo mangika palaong to matao.

Sura Magali Nuntu Ngkatuwu

¹⁴ Sira anu roo mampepasolayaka koro-A ua kita da mancorepaka kita ungka ri waʼa ngkajaʼa, pai kita ndapapewali tau-A anu magali, pai Sira tumpunya pai anu madoyo mawianaka anu madago.

Titus 2:14 Referans Kwoze

Ibrani 9:14

Wali ane raa nu binatang mampakayongo koro ntau etu, bae wo’u batuanginya raa i ngKerisitu, apa raa etu mampakayongo raya ngkita. Apa yako kuasa i Nosa to tuwu singkasaenya, i Kerisitu mampampueka koroNya resi i Pue Allah ewa pampue to masilonga kojo. Wali raaNya mampakayongo raya ngkita yako palaong to tare batuanginya see kita maya mangika palaong to masipato raika mampue mampakabae i Allah to tuwu.

Epesus 2:10

Apa kita napapowali i mPue Allah damawali tau to bou. Apa kita samba’a pei i Kerisitu Yesu, see naka i Pue Allah mampapowali kita mawali tau to bou. Naka pei Ia mangika palaong to etu see kita maya mangika palaong to matao to napasigenaka yami i mPue Allah kita.

1 Petrus 2:9

Pei kita tau to roomo napilis i mPue Allah damawali tauNya. Pasi kita semo to pampue to mangika palaong Makole ngkita. Pasi kita semo bansa to i Pue Allah Puenya pasi to tare yusa puenya. Naka pei kita napilis i mPue Allah, see kita damampakarebaka resi sa’e palaong to inikaNya to masipato rabarong. Apa Ia semo to nampokio kita damasuwu yako ri kawuri pei masua wo’u ri raya ngkaremeNya to bae kojo kayawanya.

1 Petrus 1:18

Wali komi mangansani komi roomo ralapa yako ri ara ngkuasa nu ada to tare batuanginya to komi mangantima yako resi bue-bue ngkomi. Pasi komi mangansani seja si’a pera bara weyawa to nabayarika i ngKerisitu see mangalapa kita yako ri ada etu. Si’a! Apa pera pasi weyawa etu tiroowa re’e temponya maja’a yau.

Titus 3:8

Monso pu’u anu to roomo kupakanasaka korom etu. Wali aku rani korom mampotundeka kojo tau to mangaya nja’u ria see sira madota mangika palaong to matao. Apa anu to rapotundeka si’i matao kojo pasi bae batuanginya resi to lino.

Pangkita 5:9

Wali ojo karoonya anu to tuwu opo pasi ketua-ketua etu madungku yau ri tango nu Ana Domba etu, sira mamponyanyika Ia nyanyi to bou. Nyanyi etu manganto’o, “Komi masipato mangoko buku rayuyu pei mangayali tondonginya, apa Komi roomo rasimbale, pasi Komi mangampake raaMu mangolika i Pue Allah tau yako ri sambawo lino. Etu semo yako ponto-ponto suku, basa, bansa pasi paporenta.

Galatia 3:13

Pei tare pasi samba’a kita to takurang mangalulu samparia to nato’o mporenta i Musa etu, see naka kita samparia natanaa i mPue Allah. Pei kita tilapamo yako ri tanaa etu apa i Kerisitu mangabolos kita. Ia mangarata tanaa etu singkonong ewa to ratulis ri raya ntuntu i mPue Allah to manganto’o, “I sema-sema tau to rapaku ri kaju pasape, batuanginya tau etu natanaa i mPue Allah.” (Ulang 21:23) Wali tempo i Yesu rapaku ri kaju pasape, tempo etu Ia kono tanaa etu.

Galatia 2:20

Wali aku raporapaka ewa matemo, see naka si’amo aku to tuwu si’i, i Kerisitu semo to tuwu ri rayangku. Pasi ri raya ngkatuwungku ri lino si’i aku mangika lengko ngkatuwu to singkonong pei pangayangku resi Ana i mPue Allah. Apa Ia mamporayang aku pasi nangkapateka aku.

1 Petrus 1:22

Wali si’i-si’i Nosa i mPue Allah mangansawang komi mangampolaika anu to monso, see naka katuwu ngkomi roomo rapakayongongika. Wali etu semo sabanya naka pei komi nukoto mamporayang pua’i ngkita to samba’a pangaya ri kamonso-monsonya. Wali to tao-tao komi masiporayang kojo yako ri kabuya ndaya ngkomi.

Palaong mPomakau i mPue Yesu 9:36

Wali tempo etu, nja’u kota Yope re’e samba’a tau we’a ia anaguru i mPue Yesu seja. Tau etu sanganya i Tabita. (Sanganya etu ane ri basa Yunani rato’oka i Dorkas, Dorkas etu batuanginya “lago”.) Wali i Dorkas etu sangkani mangika palaong to matao pasi ia sangkani mangansawang tau to masiasi.

Pangkita 1:5

pasi yako resi i Yesu Kerisitu anu matamanasa to maya rasarumaka. I Yesu Kerisitu semo to uyunya rawangu muni yako ri kapateNya. Pasi Ia semo to mangkuasang samparia makole-makole to re’e ri lino si’i. Ia mamporayang kita pasi Ia roomo mangawaika raaNya damangalapas kita yako ri huku nu dosanta.

Matius 20:28

Matao komi sewaju ewa Aku, Wiyaa nto Lino. Aku ma’i si’a ma’i danasawang ntau, Aku ma’i damangansawang tau pasi damangkapateka tau boros damangansompo dosa nsira.”

1 Yohanes 3:2

Wali ngana-ngana to kuporayang, kita roomo mawali ana i mPue Allah. Pei kita tawa rapaponsanika bara ewa wimba kamonsonya kita ri tempo to darata. Pei re’e sangkodi to kita mangansani, etu semo ane ratamo temponya i Kerisitu ma'i muni, tempo etu kita damawali ewa Ia. Naka pei kita damawali ewa Ia apa kita damangkita Ia ri kamonso-monsonya.

1 Petrus 3:18

Apa sakowa i Kerisitu, Ia mangarata seja kasesa. Ia sangkanija mate mangansompo dosa ngkita, pasi kapateNya etu ganamo. Ia tare dosaNya, pei Ia mangkapateka kita to madosa see Ia maya mangika kita see mawali masingkatao pei i Pue Allah. Wali koroNya namate yau, pei yako kuasa i Nosa Mapasing Ia rawangu muni yako ri kapateNya etu.

1 Petrus 2:12

Pei ri rayanya komi maroo-roo ri oyo ntau to taa mangaya i Pue, ika lengko ngkatuwu to matao see danakita nsira. Apa ane ewa wetu, nempo sira manto’o maja’a komi, sira tiroo damangansani kamonsonya lengko ngkomi matao. Wali nempo sira manto’o maja’a komi ri tempo si’i, ane ratamo temponya i Pue Allah ma’i damangabotus to lino, tempo etu sira damangabarong Ia apa sira roomo mangkita lengko ngkomi to matao.

Galatia 1:4

Apa i Pue Yesu semo roomo mangawai koroNya rapopate yau apa saba dosa ngkita. Naka pei Ia mangika palaong etu see mangampalaes kita yako ri lino to maja’a kojo ri tempo si’i. Pasi Ia mangika ewa wetu apa mangalulu pamporani i mPue Allah, Pa’a ngkita.

Ibrani 10:24

Pasi anu kita mampobuuka see tansani ewa wimba dataika masipakaroso rayanta damamporayang sa’e pasi damangika palaong to matao.

Titus 2:7

Pei ne’e ojo gombomu mampotundeka sira. Pasi lengkomu seja mampotundeka sira. Ika palaong to matao see sira maya mangaluluka lengko ngkorom. Pasi tempo korom mampotundeka tau, patundeka tau ri kamonso-monsonya, pasi patundeka ewa naika ntau to na’angga nsa’e.

1 Timotius 6:18

Wali to’oka tau sugi etu pakadota mangika palaong to matao, pasi mangansora sa’e yako ri kabuya ndaya pasi ri kanoto ndaya.

Epesus 5:2

Pasi porayang sa’e ewa naika i ngKerisitu mamporayang kita. I Kerisitu mangkapateka kita pasi mampampueka koroNya resi i Pue Allah. Wali pampue i ngKerisitu etu mampakasanang kojo raya i mPue Allah, ewa pampue to magaya waunya to rapampueka resi Ia. Wali anu kita mamporayang sa’e ewa wetu.

Yakobus 4:8

Pasi pakamosu resi i Pue Allah, apa ane komi mampakamosu resi i Pue Allah, Ia damampakamosu resi komi. Pasi komi to mangika palaong to madosa, pakayongo lengko ngkomi, ewa tau to makarika palenya matao ane mamue. Pasi komi to dua-dua rayamu mangkonong pangaya ngkomi, pakayongo raya ngkomi etu.

1 Timotius 2:6

Wali i Kerisitu Ia room mangawaika koroNya ngkalio damangalapa yau samparia tau yako ri kuasa nu dosa. Wali ratamo temponya to napilis i mPue Allah, Ia mampakanasaka to lino Ia rani samparia tau darapalaes.

1 Timotius 1:15

Wali gombo to dakuto’o si’i monso pu’u pasi masipato kojo ra’aya. Etu semo, i Kerisitu Yesu ma’i ri lino si’i damampalaes tau madosa. Wali aku semo tau to bae kojo dosangku,

Palaong mPomakau i mPue Yesu 15:14

I Simon ia room mangansaritaka kita ewa wimba naika i mPue Allah uyunya mampaponsanika tau to si’a to Yahudi pamporayangiNya see dare’e seja tau yako ri oyo nsira to damawali Ia puenya.

Palaong mPomakau i mPue Yesu 15:9

I Pue Allah taa mampasisala kita to Yahudi pasi sira to si’a to Yahudi. Ia room mampakayongo raya nsira apa sira mangaya i Yesu.

Yohanes 6:51

Wali Aku semo pangkoni to mangawai katuwu, to ma’i yako ndate saruga. Wali i sema tau to mangkoni pangkoni si’i, tau etu datuwu singkasaenya. Pangkoni si’i korongKu semo to Aku mangawaika yau to lino see maya mangarata katuwu.”

Matius 3:12

Wali tau to dama’i etu raporapaka ewa tau to damanapi. DukuNya re’e ri paleNya pasi Ia damangantapis weaNya naka yongo. Panewa weaNya etu Ia damamposaka ri raya ngkonda, pei otanya Ia damamporomung pei mangantunu yau ri apu to tare to maya mangampika.” Etu semo gombo i Yohanes resi to Yahudi to aliran Parisi pasi to aliran Saduki pasi samparia tau boros etu mangkonong huku i mPue Allah to darata.

Matius 1:21

Wali i Maria damampoanaka ana langkai panewa korom damangansangaka Ia i Yesu, apa Ia semo damampalaes tauNya yako ri huku nu dosa nsira.” Etu semo gombo mpomakau i mPue Allah resi i Yusup.

Palaong mPomakau i mPue Yesu 20:28

Wali jagai kojo koro ngkomi pasi jagai seja samparia tau to mangaya i Pue Yesu apa i Nosa Mapasing room mansarumakaka resi komi mampasilonga tau etu. Wali kampang sira ewa naika nto pangkampang domba mangkampang dombanya. Apa tau to mangaya roomo inolika yau i mPue Allah raa nu anaNya.

Epesus 1:11

Wali samparia palaong to mawali, paka yako songka i mPue Allah naka pei mawali, mangalulu ewa wimba pamporani to si Ia. Pasi yako songka i mPue Allah to Ia mangansongka yami mangkonong kita, see naka Ia mangampilis kita mawali tau to Ia puenya apa saba kita samba’a pei i Kerisitu.

Ibrani 1:3

Wali AnaNya etu semo to mampaporaoka kita kayawa i mPue Allah. Pasi Ia ewa lengke to mampaporaoka kita ewa wimba kamonsonya i Pue Allah, apa Ia sewaju kojo pei i Pue Allah. Pasi Ia mampasilonga pasi mangampiara samparia anu to re’e yako ri gomboNya semo to bae kuasa. Ia semo to mampakayongo kita to lino yako ri dosa ngkita, panewa tempo Ia room mangika palaong to etu, Ia yau matunda ri awenya to Makuasa ndate saruga ri sambaliNya tondo ngkana.

1 Yohanes 1:7

Pei ane kita maroo ri raya ngkareme, ewa naika i mPue Allah maroo ri raya ngkareme, ane ewa see kita masingkatao samba'a pei samba'a. Pasi ane kita maroo ri raya ngkareme etu, kita napakayongongika raa i Yesu Kerisitu, Ana i mPue Allah, yako samparia dosa ngkita. Wali a’i-a’i, anu kita maroo ri raya ngkareme!

1 Yohanes 1:9

Apa i Pue Allah roomo manganto'o samparia tau paka madosa. Wali ane kita manganto'o tare dosanta, batuanginya kita manganto'o i Pue Allah mawuti. Pasi ane kita manganto'o ewa wetu, batuanginya kita taa mangaya tuntu i mPue Allah. Pei ane kita mampongakung dosanta, i Pue Allah tamo damangkitanaka dosanta etu. Kita mangansani monso pu’u Ia tamo damangkitanaka dosanta etu apa Ia roomo mamparajanjika kita ewa wetu. Pasi kita tansani Ia maya rasarumaka pasi Ia sangkani mangika ewa wimba to masipato raika. Wali Ia damampakayongo raya ngkita yako samparia lengkonta to taa singkonong pei Ia.