Titus 2:12 - Tuntu i mPue ri Basa Taa

¹² Wali yako kanoto i mPue Allah etu, Ia mampotundeka kita see kita mangansani matao ane mamposaka yau lengko to taa singkonong pei Ia, pasi mampondooka yau mangalulu pamporani nu lino si’i. Pasi yako kanotoNya Ia mampotundeka kita see kita mangansani seja matao ane manta’amaka rayanta re’e palaong to maja’a, pei mangika palaong to masipato raika pei to singkonong pei i Pue Allah ri rayanya kita tiroowa tuwu ri lino si’i.

Sura Magali Nuntu Ngkatuwu

¹² Towe i mPue Ala setu mampagurumo kita da naka neʼe mampowia anu bareʼe singkono pai pepokono i mPue Ala, bareʼemo nakuasai ncawoyo ndaya lino seʼi. Kita ndapaguru da tuwu ri lino seʼi da mangkoto mantaʼamaka raya, mayoa pai mepoʼinaya ri Pue Ala.

Titus 2:12 Referans Kwoze

Matius 16:24

Wali yako etu i Yesu sira dua i Petrus mawolili muni resi kami panewa i Yesu manganto’oka samparia kami, Ia manganto’o, “I sema tau to rani mangaluluka Aku, tau etu taa maya taa mamposaka yau pamporani ndaya to si ia. Wali ia nempo darapopate yau saba mangalulu Aku, ia tiroowa mangaluluka Aku.

Roma 6:19

Wali naka pei aku mamporapaka resi komi mangkonong to papolaong etu see komi majoli manasa ngkomi mangkonong batuanginya, apa anu etu masuli kojo resi komi. Wali tempo ruyu, komi mawali to papolaong nu dosa apa komi mangawaika koro ngkomi mangika palaong to makarika. Pasi kanjo’u-njo’u ojo tiduga-dugang kaja’a nu lengko to nuika ngkomi. Wali ewa nuika ngkomi seore mangawaika koro ngkomi mangika palaong to maja’a etu, ewa see seja si’i-si’i waika koro ngkomi mangika palaong to singkonong pei i Pue Allah pasi to masipato naika ntau to ojo i Pue Allah Puenya.

2 Petrus 2:9

Wali samparia palaong to nawali tempo owi etu mawali tondong to mampakanasaka kita i Pue Allah mangansani ewa wimba daraika mangampalaes tau to singkonong pei Ia yako ri soba to narata nsira. Pasi Ia mangansani seja ewa wimba daraika mangansabaraka tau to taa singkonong pei Ia damangampeas temponya sira darahuku ane ratamo eonya sira darapangabotus.

2 Timotius 3:12

Wali kamonsonya samparia tau to samba’a pei i Kerisitu Yesu, to rani mangika lengko ngkatuwu to singkonong pei i Pue Allah, tau etu darasesai.

Pangkita 14:12

Wali ane ewa see, matao ane tau to i Pue Allah Puenya, to mangalulu porenta i mPue Allah pasi to mangaya i Yesu, pakabae sabaranya tempo mangarata kasusa.

Lukas 1:75

Wali singkasaenya kita tuwu, kita maya mangika lengko to singkonong pei Ia to masipato naika ntau to Ia puenya.” Wali etu semo gombo i nSakharia.

1 Tesalonika 4:7

Apa i Pue Allah taa mampokio kita damangika lengko to maja’a. Naka pei Ia mampokio kita see kita damangika lengko ngkatuwu to masipato naika ntau to Ia Puenya.

Titus 3:3

Apa kita to mangaya, tempo kita tawa mangaya seore, tempo etu kita tawa seja mangansani mangkonong i Pue Allah. Kita mangewa songka i mPue Allah pasi porenta ntau. Kita tempo etu ratipu, taa tansani jaya to monso. Pasi kita nakuasang mpamporani ndaya ngkita to maja’a. Wali nempo palaong to maja’a kita mangika, ane mampakasanang koro ngkita, kita mangika. Pasi pampobuuka ngkita tempo etu sangkani maja’a pasi kaloo. Kita sangkani maja’a takita sa’e, pasi sa’e maja’a nakita kita. Ewa see lengko ngkita tempo etu.

1 Tesalonika 4:9

Wali ane mangkonong pamporayang ngkomi resi pua’i to samba’a pangaya, nempo kami tamo mangantulisika komi mangkonong to etu. Apa komi roomo napotundeka i mPue Allah ewa wimba raika masiporayang.

Epesus 2:2

Lengko ngkomi tempo etu ojo mangaluluka yau lengko nto lino anu to maja’a. Pasi tempo etu komi mangampolaika i Kepala Measa. I Kepala Measa ia matunda ri rao, wali yako ri rao etu ia mangamporentang raya ntau samparia to taa mampolaika i Pue Allah.

Roma 12:2

Pasi ne’e kita mangalulu pampobuuka ntau pasi lengko ntau to taa mangaya i Pue. Pei anu kita mangabiaka i Pue Allah mangawaika kita pampobuuka to bou see rayanta darawali damawali bou seja. Apa ane ewa wetu kita maya mangansani pamporani i mPue Allah ri raya ngkatuwunta. PamporaniNya etu semo anu to matao pasi masilonga pasi to mampakasanang Ia.

Roma 6:12

Wali dosa tamo kojo re’e kuasa mamporentang kita. Wali ne’e kita mangabiaka dosa mamporentang koro ngkita to damate si’i see kita tamo ojo mangaluluka yau pamporani ndayanta to maja’a.

Matius 28:20

Pasi patundeka sira see sira damangika seja samparia anu to roomo kuporentangika resi komi. Pei ne’e nukalingan, Aku sangkani re’e resi komi rataka ri kapuranya temponya to si’i, pasi rataka ri singkasaenya.” Wali etu semo patuu i Yesu.

1 Yohanes 2:27

Pei komi roomo mangarata i Nosa Mapasing yako resi i Kerisitu, pasi i Nosa Mapasing etu re'e maroo ri raya ngkomi. See naka nempo tare tau to yusa to mampotundeka komi, pei komi mangansani anu to monso. Apa i Nosa Mapasing semo to mampotundeka samparia resi kita. Pasi anu to Ia mampotundeka kita etu paka monso samparia, si'a wuti. Wali see naka matao kita mangalulu samparia anu to napotundeka etu taa manto’o gomboNya to manganto’oka kita maroo masingkatao pei i Kerisitu.

2 Petrus 3:11

Wali ane samparia to re’e paka darapakaja’aka yau ewa wetu, ane ewa see, wimba lengko ngkatuwu to masipato to danaika ngkita? To tao-tao kita mangika lengko ngkatuwu to mampakasanang i Pue Allah pasi to masipato naika ntau to Ia Puenya.

Ibrani 8:11

Pasi ri tempo etu tamo re’e batuanginya tau damangampotundeka yunu nsira pasi pua’i nsira manganto’o, “To tao-tao komi mangansani i Pue.” Tare batuanginya manganto’o ewa see apa tempo etu samparia tau paka damangansani Aku, nempo to mayunuwa, pasi to bosemo.

1 Timotius 6:17

Wali re’e wo’u sangkodi to aku rani manganto’o mangkonong tau to sugi ri lino si’i. To’oka sira ne’e mangei pasi ne’e mansarumaka kasuginya, apa tare kasugi ri lino to taa dapura yau. To’oka sira sarumaka i Pue Allah, anu to manoto kojo resi kita. Apa samparia to kita masanang mangampake Ia mangawai.

1 Timotius 4:12

Ne’e ojo rabiaka tau mangkaengas korom saba korom damangurawa. Pei matao ane katuwu ngkorom mawali tondong resi tau to mangaya. Katuwumu etu semo gombomu, palaongmu, pamporayangmu, kadotamu, pangayamu, pasi lengko pei pampobuukamu to singkonong pei i Pue Allah.

Kolose 1:22

Pei si'i-si'i i Pue Allah roomo mangawali komi see komi seja maya masingkatao pei Ia. Ia mangika palaong to etu mangampake koro i ngKerisitu to mate rapaku ri kaju pasape. Pasi naka pei Ia mangika ewa wetu see tempo Ia damamposaka komi ri tangoNya komi damapasing pasi tare lengko to maya rato'o sala pasi to masipato raseko.

Galatia 5:24

Wali tau to i Kerisitu Puenya, tau etu mampobuuka pampobuukanya to masae ewa roomo mate rapaku ri kaju pasape sindara-ndara pei i Kerisitu. Wali anu to naporayang pasi to naporani mpampobuuka to masae etu, anu to etu tamo masipato mangkuasang ia.

Galatia 1:4

Apa i Pue Yesu semo roomo mangawai koroNya rapopate yau apa saba dosa ngkita. Naka pei Ia mangika palaong etu see mangampalaes kita yako ri lino to maja’a kojo ri tempo si’i. Pasi Ia mangika ewa wetu apa mangalulu pamporani i mPue Allah, Pa’a ngkita.

2 Korintus 7:1

Wali a’i-a’i to kuporayang kojo, magaya kojo parajanji-parajanji i mPue Allah resi kita etu! Wali apa saba parajanjiNya etu see naka anu kita mampakayongongika raya ngkita pasi koro ngkita. Batuanginya, posaka yau samparia palaong to maja’a to mampakarikasika koronta pasi rayanta etu. Pasi anu kita kanjo’u-njo’u tiduga-dugang mampasilonga lengko ngkita to masipato naika ntau to i Pue Allah Puenya. Ewa wetu lengko ngkita mampalaika i Pue Allah saba manga’angga Ia.

2 Korintus 1:12

Wali kami mangansani komi tiroowa re’e mampokai-kaika kami see i Pue Allah damangansawang kami apa kami matantu matao kojo lengko ngkatuwu mami ri oyo nto lino, taa manto’o ri oyo ngkomi seore. Apa kami mangika lengko ngkatuwu to masipato naika ntau to i Pue Allah Puenya, etu semo lengko to singkonong pei Ia pasi to taa manipu. Wali kami ndende kojo mampobuuka lengko mami etu pasi raya mami taa mangepe sala. Pei si’a yako kapande nto lino naka pei kami maya mangika lengko ngkatuwu to etu. Yako kanoto i mPue Allah semo.

Roma 8:13

Apa ane kita sangkani mangaluluka pampobuuka ngkita to masae etu, kita matantu damangarata kapate. Pei ane kita mangampake kuasa i Nosa Mapasing mangampobuuka kita ewa tau to matem to roomo raga’a yako ri lengko ngkoronya to maja’a, ane ewa see pampobuuka ngkita, kita datuwu.

Palaong mPomakau i mPue Yesu 24:25

Pasi ia magombo seja mangkonong lengko ntau to singkonong pei i Pue Allah, pasi mangkonong ewa wimba raika manta’amaka pamporani ndaya. Pasi tempo etu ia magombo seja mangkonong ewa wimba danaika i mPue Allah mangahuku to lino. Wali tempo i Peliks mangandonge gombonya etu, ia meka rayanya pei manganto’o, “Inta ruyu! Tempo yoa panewa aku damampokio wo’u korom.”

Palaong mPomakau i mPue Yesu 24:16

Wali see naka aku sangkani mampakadota kojo mangika lengko to singkonong pei i Pue Allah see rayangku tare mangepe sala ri tangoNya pasi ri tango nto lino.

1 Yohanes 5:19

Pasi kita tansani seja kita i Pue Allah Puenya. Pei samparia to lino to taa mangaya, sira paka nakuasang i ngKepala nto pantipu.

Epesus 1:4

Wali samparia rasi to roomo nawaika i mPue Allah kita etu, singkonong kojo pei pamporani to si Ia yako ri tempo Ia tawa nangampapowali lino si’i. Wali pobuuka to roomo naika i mPue Allah. Re’e katawanya Ia mampapowali lino, tempo etu Ia room mangampilis kita see damawali samba’a pei i Kerisitu. Wali see naka kita rapilis seja mawali tau to i Pue Allah Puenya, pasi Ia manganto’o kita tare salanta. Ia mangamporayang kita, see naka Ia re’e yami songkaNya damangampilis kita damawali anaNya. Wali Ia mangabanangimo songkaNya etu. Wali kita nawalimo anaNya apa saba yako palaong to naika i Yesu Kerisitu. Etu semo pamporani i mPue Allah to mampakasanang kojo Ia.

Yohanes 14:30

Wali si’i-si’i tamo masae Aku mampogomboka komi, apa daratamo i Kepala Measa to mangkuasang to lino to balingKu. Ia taa maya mangkuasang Aku,

Yohanes 6:25

Wali ojo pangarata ntau boros i Yesu nja’u sambote ndano etu, sira mampotanaka resi Ia, to’o nsira, “Pa’a Guru, mpia karata ngKomi rire?”

Lukas 1:6

Wali i Sakharia pei i Elisabet etu, sira dua mangika lengko ngkatuwu to singkonong pei i Pue Allah. Pasi sira mangalulu kojo samparia porenta pasi tuntu i mPue. Wali tare lengko ngkatuwu nsira to maya rapakasala.

I Yudas 1:18

Sira re’e manganto’oka komi seore, to’onya, “Ane mosumo rata ri kapuranya temponya to si’i, tempo etu dare’e tau to bampokore. Tau etu ojo mangaluluka yau pamporani ndaya nsira to taa singkonong pei i Pue Allah.”

2 Timotius 4:10

apa i Demas room mampiyaika yau aku saba ia mamporayang katuwunya ri lino si’i. Wali ia nayaumo njo’u kota Tesalonika. Pasi i Kreskes ia nayaumo njo’u propinsi Galatia pasi i Titus nayaumo njo’u Dalmatia.

Matius 12:32

Pasi tau to magombo mangewa Aku, Wiyaa nto Lino, tau etu tiroo ralapas dosanya etu. Pei ane tau to magombo mangewa i Nosa Mapasing, tau etu taa daralapas dosanya etu ri tempo si’i, pasi taa seja daralapas ri tempo to darata.” Wali ewa wetu gombo i Yesu manganseko tau to aliran Parisi apa sira manganto’o Ia mangampake kuasa i ngKepala Measa mangarubak measa.

1 Timotius 6:9

Pei tau to ojo rani sugi, tau etu daragoda pasi daraakal. Anu to mangagoda pasi mangaakal ia, etu semo pamporani ndayanya to bea pasi to maja’a. Wali pamporani ndaya to etu damampakaja’a katuwu ntau etu pasi damampopate yau ia.

Yakobus 1:27

Pei agama to monso pasi to taa sala ri pangkita i mPue Allah, Pa’a ngkita, ewa si’i, kita mangansawang tau to ilu kojo pasi tau to balu ri raya ngkasusa nsira. Pasi agama to monso etu ewa si’i seja, kita mangajagai koronta naka ne’e mangalulu seja lengko to makarika to naika nto lino to taa mangaya i Pue Allah. Wali etu semo to masipato naika ngkita mangaluluka tuntu i mPue Allah.