Titus 1:16 - Tuntu i mPue ri Basa Taa

¹⁶ Wali tau to ewa wetu, sira mampongakung mangalulu i Pue Allah, pei lengkonya taa kojo singkonong pei gombonya etu. Lengkonya etu maja’a kojo ri pangkita i mPue Allah. Sira bo’onya mampalaika i Pue Allah pasi sira taa kojo nakoto mangika palaong to matao.

Sura Magali Nuntu Ngkatuwu

¹⁶ Natoʼo ntau seʼe kaincani i Pue Ala, paikanya powia ntau seʼe majaʼa pai bareʼe mepoʼinaya; tau seʼemo waʼa ntau anu bareʼe nakoto da mampowia tesangaya apa anu madago.

Titus 1:16 Referans Kwoze

1 Yohanes 2:4

Wali i sema-sema tau to manganto'o, "Aku mangansani kojo i Pue Allah," pei tau etu taa mampolaika porenta-porenta i mPue Allah, kamonsonya tau etu mawuti. Tare anu to monso resi ia.

Epesus 5:6

Wali ne’e natipu ntau to manganto’o palaong to ewa wetu taa danahuku i mPue Allah, apa gombonya etu taa monso. Apa saba yako palaong to ewa wetu naka pei i Pue Allah mangahuku tau to taa mampalaika Ia.

I Yudas 1:4

Wali poewaka pangayanta etu apa re’emo bara sawei mba’a tau to bali i mPue Allah to room masua ri oyo ngkomi tempo komi taa mangajagai kojo. Tau etu rani mangawali yau kareba mangkonong kanoto i mPue Allah. Sira manganto’oka tau taa mawei nempo mangika lengko to masipato rapokea apa i Pue Allah manoto. Pasi sira mamposapuka i Yesu Kerisitu, Makole pasi Pue ngkita anu samba’aja etu. Wali huku to danarata ntau etu room ratulis yami ri raya ntuntu i mPue Allah tempo owi.

Roma 1:28

Wali apa saba tau taa rani mampatimonso i Pue Allah ri raya pampobuuka nsira, see naka i Pue Allah jamo mangabiaka yau pampobuuka nsira etu mawali maja’a. Wali yako ri pampobuuka to maja’a etu see naka sira mampolengkoka lengko to taa masipato naika ntau.

Pangkita 21:27

Pei ri kota etu tare anu to makarika to maya masua ri rayanya. Pasi tau to mangika palaong to maja’a bara tau to mawuti, tau etu taa seja maya masua ri raya ngkota etu. Ojo tau to re’e sanganya ratulis ri raya buku ngkatuwu to Ana nu Domba puenya, ojo patanya tau etu sira maya masua njo’u raya ngkota etu.

Pangkita 21:8

Pei tau to maleo, pasi tau to taa mangaya Aku, tau to kajimi, tau to mampopate sa’e, tau to magoyal, tau to mampake do’a, tau to mampue pue to yusa pasi samparia tau to masanang sangkani mawuti, tau to ewa wetu tare ri Yerusalem to bou, sira re’e la’u rano nu apu pasi sedawa to mawea. Etu semo kapate to kadua.”

1 Timotius 5:8

Pei ane re’e tau to taa mampiara tau balu to masipato ia semo mampiara, taa manto’o ane tau to maroo ri banuanya, tau etu ojo mamposapuka pangayanya. Tau etu to ja’a-ja’a lengkonya pei tau to taa mangaya.

1 Timotius 1:9

Pasi kita tansani porenta etu si’a rawaika tau to taa mangika sala. Tau to rawaika porenta etu semo tau to maja’a, tau to sangkani mangewa i Pue Allah, tau to bo’onya manga’angga i Pue Allah, pasi tau to madosa. Pasi porenta etu rawaika seja tau to lengkonya taa singkonong pei i Pue Allah, tau to mampokore Ia, tau to mampopate yau indonya bara pa’anya, pei kasamparianya tau to mampopate yau sa’e.

2 Timotius 3:17

Wali apa saba kita re’e tuntu i mPue Allah etu, see naka kita to papolaong i mPue Allah rapasilonga damangika samparia palaong to matao. Apa ojo tuntu i mPue semo to kita mangampake mangika palaong to etu.

Titus 3:1

Wali patiendoka tau to mangaya nja’u ria see sira taa mangewa songka mpomarenta pasi tau to mangawakil pomarenta. Pamporani i mPue Allah sira mangaluluka songka mpomarenta pasi mangika palaong to matao ri kabuya ndayanya.

Titus 3:3

Apa kita to mangaya, tempo kita tawa mangaya seore, tempo etu kita tawa seja mangansani mangkonong i Pue Allah. Kita mangewa songka i mPue Allah pasi porenta ntau. Kita tempo etu ratipu, taa tansani jaya to monso. Pasi kita nakuasang mpamporani ndaya ngkita to maja’a. Wali nempo palaong to maja’a kita mangika, ane mampakasanang koro ngkita, kita mangika. Pasi pampobuuka ngkita tempo etu sangkani maja’a pasi kaloo. Kita sangkani maja’a takita sa’e, pasi sa’e maja’a nakita kita. Ewa see lengko ngkita tempo etu.