Titus 1:10 - Tuntu i mPue ri Basa Taa

¹⁰ Wali bae batuanginya korom mangika palaong etu apa boros tau to mangewa anu to rapotundeka, pei tau to mangewa etu kaborosinya tau to mangkongko ada nto Yahudi. Sira mampotunde tau pei kamonsonya gombonya tare kojo batuanginya, sira ojo mangantipu tau.

Sura Magali Nuntu Ngkatuwu

¹⁰ Maka maria tau anu bareʼe mepoʼinaya, pagonya waʼa ntau anu ungka ri agama Yahudi; tau seʼe mampakalingu raya waʼa ntau ntaninya pai waʼa mpau ntau seʼe anu bareʼe monco.

Titus 1:10 Referans Kwoze

1 Timotius 1:6

Pei re’e sangga’a tau to taa mangaluluka to etu. Sira raporapaka ewa tau to masepi yau yako ri jaya to monso pei tamo mangalulu jaya to etu. Wali tau etu jamo manganto’o gombo to tare batuanginya.

1 Yohanes 4:1

Pei ngana-ngana to kuporayang, ne'e mansaka mangaya samparia tau to manganto'o, "Aku magombo yako ri kuasa i Nosa Mapasing." Pei paresa ruyu gombo ntau etu see manasa bara monso pu'u yako resi i Pue Allah. Ika ewa wetu apa boros to pantuntu tuntu to taa monso to masuwu ri sambawo lino si'i.

Galatia 2:4

Pei tempo etu re’e seja bara sawei mba’a to panipu to siromu sindara-ndara pei kami. Tau etu mampoanika pua’i to samba’a pangaya, pei kamonsonya taa. Naka pei sira siromu sindara-ndara pei kami apa rani mangansani ane kita to samba’a pei i Kerisitu Yesu wimba bara tiroowa mangalulu porenta i Musa, bara tamo. Kamonsonya sira rani mampakasaaka kita mangalulu muni porenta i Musa see kita damawali ewa watua mporenta etu. Pasi sira rani mampakasaaka i Titus darasui.

Epesus 4:14

Apa pamporani i mPue kita tamo ewa ngana mayunu to maya ratipu. Ane tau to ewa wetu, sira maya raporapaka ewa duangan to kanggoli-nggoli naika nu bombang pasi to nakeni nu ngoyu marimbo njo’u-ma’i njo’u-ma’i. Apa sira ojo mangaluluka yau gombo ntau to mampoguru ojo mpangkewanya. Pasi sira naakal ntau to pande mangika songka to manipu. Wali ne’emo kita ewa wetu.

Yakobus 1:26

Wali bara re’e tau ri oyo ngkomi to manganto’o, “Aku madota kojo mangalulu agama.” Pei ane tau etu taa mangansani manganta’amaka gombonya, ane ewa see ia ojo mangantipu koronya apa tare batuanginya agamanya etu.

2 Timotius 3:13

Pei tau to maja’a pasi to panipu, tau etu kanjo’u-njo’u tiduga-dugang wo’u kaja’anya. Sira mangantipu sa’e pasi sira seja ratipu.

Palaong mPomakau i mPue Yesu 11:2

Wali yako etu i Petrus pasi yununya to ono mba’a to mangalulu ia yako ri kota Yope seore, sira yau wo’u ndeku Yerusalem yako la’u kota Kaisarea. Pei ojo karata nsira ri Yerusalem, i Petrus naposayar nto Yahudi to mangaya i Yesu.

Pangkita 2:14

Pei re’e sala ngkomi to Aku mangkitanaka, apa re’e sawei mba’a komi to mangaluluka anu to napotundeka i mBileam tempo owi. I Bileam etu mampotundeka i Balak see i Balak mangansani ewa wimba raika mangamomis to Israel see sira mangkoni pangkoni to roomo rapampueka resi pue to yusa pasi mangamomis seja sira see sira magoyal pasi masala.

Pangkita 2:6

Pei re’e seja lengko ngkomi to mampakasanang Aku, apa komi maja’a nukita lengko nu joa i Nikolaus ewa Aku seja maja’a Kukita lengkonya etu.

1 Yohanes 2:18

Wali ngana-ngana, tempo si'i semo temponya mosumo danakarata i mPue. Pasi komi roomo rapotundeka mangkonong bali i ngKerisitu to dama'i ane ratamo tempo etu. Wali tempo si'i ratamo bali i ngKerisitu malagi kojo. Wali yako palaong to etu see naka manasa resi kita ratamo temponya mosumo danakarata i mPue.

2 Timotius 4:4

Wali sira bo’onya damampodongeka anu to monso, pei sira damangandolika tangonya resi tau to mampotundeka sira sarita-sarita to taa monso.

1 Timotius 1:4

Pasi sira madota kojo mangika palaong to tare batuanginya ewamo mangansaritaka tau sarita-sarita to taa monso pasi mangansaritaka mangkonong potapi mbiyaa nsira to boros kojo. Wali to’oka sira pandooka mangika palaong to etu, apa yako sarita to ewa wetu mawali masibanta to tare batuanginya. Pasi sarita etu taa mampakanasaka kita mangkonong songka i mPue Allah, apa yako ri pangaya ngkita semo kita mangangika palaong i mPue Allah.

Galatia 3:1

O komi to Galatia, komi tau bea! Maka pei komi mampodongeka gombo ntau to ojo mangakal komi pei mangkeni yau komi yako ri jaya to monso? Tempo ruyu komi manasa kojo batuanginya kapate i Yesu Kerisitu ri kaju pasape. Kanasanya resi komi etu sewaju ewa kanasanya resi tau to matamanasa mpalaong etu.

Palaong mPomakau i mPue Yesu 20:29

Wali jagai kojo sira apa aku kunsani payungku aku dameyoko yau si’i, dama’i tau to maja’a damampakaja’a komi ewa naika asu maila to maja’a kiranya mampakaja’a yau domba.

Palaong mPomakau i mPue Yesu 15:1

Wali re’e seore rata bara sawei mba’a tau yako nda’a propinsi Yudea, rata ri kota Antiokhia. Tau etu mamula mampotundeka tau to mangaya i Yesu nja’u ria, sira manganto’o, “Ane komi taa rasui ruyu, mangalulu porenta i Musa, komi taa darapalaes.”

Palaong mPomakau i mPue Yesu 15:24

Wali naka pei kami mangantulisika komi sura si’i apa kami mangandonge re’e sawei mba’a tau yako resi kami to rata resi komi seore. Tau etu gombonya ojo mampakasusa raya ngkomi pasi pampobuuka ngkomi. Wali kami rani mampakanasaka komi si’a kami nangampokau tau etu yau resi komi mangika palaong to etu.

1 Timotius 1:9

Pasi kita tansani porenta etu si’a rawaika tau to taa mangika sala. Tau to rawaika porenta etu semo tau to maja’a, tau to sangkani mangewa i Pue Allah, tau to bo’onya manga’angga i Pue Allah, pasi tau to madosa. Pasi porenta etu rawaika seja tau to lengkonya taa singkonong pei i Pue Allah, tau to mampokore Ia, tau to mampopate yau indonya bara pa’anya, pei kasamparianya tau to mampopate yau sa’e.

Titus 1:6

Wali anu to kuto’o seore etu, etu semo tempo korom mangampilis tau to mawali ketua ntau to mangaya, pilis tau to ewa si’i lengkonya. Tau etu tau to tare lengkonya to maya napakasala nsa’e. Ia samba’aja rongonya, pasi ananya mangaya seja i Pue. Pasi ananya etu ane ri pangkita nsa’e ia si’a tau to ojo mangalulu pamporani ndayanya pasi si’a tau to mangewa tau tu’anya.

1 Yohanes 2:4

Wali i sema-sema tau to manganto'o, "Aku mangansani kojo i Pue Allah," pei tau etu taa mampolaika porenta-porenta i mPue Allah, kamonsonya tau etu mawuti. Tare anu to monso resi ia.

Matius 23:14

“Kasesa danurata ngkomi to mampoguru porenta i Musa pasi komi to aliran Parisi. Komi ojo gombomu to manoto! Komi damangarata kasesa apa komi mangantipu tau balu panewa mangoko yau kasuginya. Pasi tempo komi makai-kai ri tango ntau, komi makai-kai masae kojo see matao nadonge nsa’e, pei tempo etu ojo gombo ngkomi to manoto. Wali see naka i Pue Allah damampakapari wo’u huku to danurata ngkomi.