TADUMPANYOMBA 16:2 - Tuntu i mPue ri Basa Taa

² Wali yako etu i Pue Yawe mampogomboka wo’u i Musa, to’oNya, “Pogomboka tukakamu, i Harun, pei patiendoka ia mangkonong songi to Mapasing Kojo. Songi etu semo to re’e ri sambali nu rindi ronto ri raya nTendangKu. Wali to’oka ia ne’e masua ngkewanya nja’u raya nsongi etu naka ne’e ia mate yau. Apa nja’u ria re’e peti to la’u parajanji i mPue Allah la’u rayanya. Peti etu, bombonginya semo to rato’oka tampa to napangabombong i mPue Allah dosa. Bombong mpeti etu re’e limu to maroo ri wawonya wali Aku semo to re’e ri raya nu limu etu, see naka taa masipato ane masua ngkewanya reria.

Sura Magali Nuntu Ngkatuwu

² ndatoʼo, “Toʼoka kasangkompomu i Haruni, podo ri tempo anu ndapakanoto, siʼa maya masua ri Lincu Magali mPodago, anu ndaoyotika layari setu, maka njairia da kupampatongawa koroku ri raya limu ri wawo ntutuwi mPeti mPojanji. Ane nalewa i Haruni songka seʼi, siʼa da mate.

TADUMPANYOMBA 16:2 Referans Kwoze

Ibrani 9:25

Pei Ia si’a ewa to pampue to bae angganya ewamo to lino, apa ane to pampue to etu, ponto-ponto to’u ia masua ri raya nsongi to mapasing kojo mangangkeni raa to si’a raa ngkoronya. Pei i Kerisitu Ia taa mandudu ngkani masua ri raya nsaruga damampampueka koroNya resi i Pue Allah.

Matius 27:51

Pasi gete, tempo etu semo kodi majoli rindi ronto ri raya banua i mPue Allah nja’u raya ngkota, rindi ronto etu rasia dua yau yako ndate wawonya rata la’u aranya! Pasi mawali lengko tana pasi watu-watu to bose magoa yau.

Ibrani 9:3

Panewa re’e wo’u rindi ronto. Ri sambali nu rindi etu re’e wo’u songi to kaduanya to rato’oka songi to mapasing kojo.

Ibrani 6:19

Wali parajanji to kita mansarumaka etu, parajanji etu raporapaka ewa watu balango to mampakainti pasi mampakarodo bangka ri wawo nue. Apa yako parajanji etu see naka raya ngkita maroso pasi rodo apa kita masingkatao pei i Pue Allah. Wali kita ewa roomo masua ri songi to mapasing kojo liu ri rindi ronto pei mampotango i Pue Allah.

Ibrani 9:5

Wali ri wawo mpeti etu re’e dua mba’a anu to rato’oka kerub to raika yako weyawa. Kerub etu tondong ngkeyawa i mPue Allah maroo nja’u ria. Wali kerub to dua etu paninya mangantorung ba’a mpeti etu, to rato’oka tampa to napangabombong i mPue Allah dosa apa saba raa to rapalasika nja’u ria. Pei samparia to etu aku tawa damampakanasaka kojo tempo si’i.

Pangkita 15:8

Wali Banua i mPue Allah buke kumbu nu apu to yako kayawa pasi yako kuasa i mPue Allah. Wali tare to maya masua ri raya Banua etu ane tawa pura soba to pitu ngaya to nakeni mpomakau to pitu etu.