TADUMPANYOMBA 1:3 - Tuntu i mPue ri Basa Taa

³ Wali ane sapi semo to danapilis ntau damawali pampue to ratunju yau, ane ewa see pilis sapi to pongka to tare bakanya bara anu to yusa to maja’a ri koronya. Roo rapilis binatang etu, ia damangkeni mai ri kabuya ndayanya rata ri wombo nTendangKu si’i. Ane ewa wetu naika Aku damasanang mangantima pampuenya etu.

Sura Magali Nuntu Ngkatuwu

³ Ane anu napanyombaka setu sambaʼa japi, pinatuwu setu sangaya-ngaya da anu laki pai bereʼe posarinya mau sakodi. Japi setu da nanoʼo ri suara dampo ngKema i mPue, da naka ndapokapuru i mPue tau setu.

TADUMPANYOMBA 1:3 Referans Kwoze

Ibrani 9:14

Wali ane raa nu binatang mampakayongo koro ntau etu, bae wo’u batuanginya raa i ngKerisitu, apa raa etu mampakayongo raya ngkita. Apa yako kuasa i Nosa to tuwu singkasaenya, i Kerisitu mampampueka koroNya resi i Pue Allah ewa pampue to masilonga kojo. Wali raaNya mampakayongo raya ngkita yako palaong to tare batuanginya see kita maya mangika palaong to masipato raika mampue mampakabae i Allah to tuwu.

Posuwunya 12:5

Wali tempo komi mangampilis binatang to darasambale etu, nempo ana nu domba bara ana nu bembe, paka matao to darapilis. Pei taa maya taa komi mangampilis binatang to laki to owo santo'u pasi to taa mabaka.

Epesus 5:27

Naka pei Ia mangika ewa wetu see kita to tauNya dabae kojo kayawanta tempo Ia mangkeni kita ri tangoNya ewa pangantin to rakeni ri tango ntau to damangoko. Tempo etu kita raporapaka ewa to we’a to pakenya tare anu to makarika bara makuru bara anu to yusa to taa magaya. Apa kita i Pue Allah Puenya pasi tare to maya rapakasala.

Ibrani 7:26

Wali to pampue to bae anggaNya to ewa wetu semo to naparluu ngkita. Apa Ia mapasing, pasi tare lengkoNya to masipato napakasala nsa’e pasi tare lengkoNya to makarika. Pasi Ia raga’a yako resi tau to madosa. Pasi Ia raokotaka nto’u tampa to bae kojo angganya, ri wawonya samparia yangi.

Epesus 2:18

Apa yako to naika i ngKerisitu mampansaruka kita, see naka kita samparia maya mampotango i Pue Allah, Pa’a. Pasi kita samparia mampotango Ia paka yako ri kuasa i Nosa Mapasing anu to samba’aja etu.

Pomulanya 22:8

Panewa pa’anya mangansono, ia manganto’o, “Anangku, i Pue Allah semo damangawaika kita ana nu domba to darapampueka.” Wali sira dua mampolasaka palinjanya etu.

Yohanes 1:36

Tempo etu ia mangkita wo’u i Yesu malinja liu nja’u ria, wali ia manganto’o, “Lo’a! Etu semo Ana nu Domba to nawai i mPue Allah.”

2 Korintus 9:7

Wali si’i wo’u mangkonong mangansora sa’e. To tao-tao kita mangawai sora to singkonong pei songka ngkita samba’a pei samba’a. Anu kita buya rayanta mangawai, ne’e apa saba mangepe rapakasaaka. Apa bae kojo batuanginya resi i Pue Allah ane tau ndende rayanya see naka ia mangawai ri kabuya ndayanya.

Pomulanya 22:13

Wali i Abraham taa mampopate yau ananya etu. Ia mantengku mbo’o pei mampili ri payunya. Tempo ia mampili ri payunya etu ia mangkita samba’a domba to pongka tiwewes ri wiyaa tondunya. Wali i Abraham yau mangoko domba etu panewa mansambale yau. Wali domba etu semo to natunu yau i Abraham ri wawo mpalampa mpampue mangabolos ananya.

Lukas 1:35

Wali pomakau etu mangansono, ia manganto’o, “I Nosa Mapasing yako resi i Pue Allah darata resi korom, pasi kuasa i mPue Allah damangika see damawali. Ia darata resi korom, pei kuasa i mPue Allah to bae kojo anggaNya damangantorung korom. Wali see naka Ana to danupoanaka ngkorom etu darato’oka mapasing pasi see naka Ia darato’oka seja Ana i mPue Allah.

Posuwunya 32:6

Wali yako etu, ojo kaeonya rao, tau Israel mambangu pei mangoko binatang-binatang pei mangkeni njo’u palampa to naika i Harun. Wali binatang etu darasambale pei ratunju yau ri wawo mpalampa etu mawali pampue. Pasi sira mangkeni seja binatang-binatang to rato’oka pampue to rapampueka see tau maya masingkatao muni resi yununya samba’a pei samba’a. Wali binatang etu darasambale yau pasi daratunu pei danakoni nsira. Roo mangika palaong etu, tau Israel paka matunda mangkoni pei manginu tule. Roo mangkoni pasi manginu, panewa sira makore pei mangika palaong to masipato rapokea.

Pomulanya 22:2

Wali i Pue Allah manganto’o, “Inta njo’u tana Moria. Tempo korom yau, keni seja i Ishak, anamu to samba’aja, to nuporayang kojo etu. Rata nja’u tana Moria etu, inta nto’u tongku to daKusuduka korom panewa ndate ria sambale yau i Ishak pei tunu yau ia. Ewa wetu danuika mampampueka yau ia resi Aku.” Etu semo porenta i mPue Allah resi i Abraham.

Pomulanya 8:20

Wali ojo pasuwu nsira yako ri raya bangka etu, i Nuh mangawangu palampa watu to darapake mampue mampakabae i Pue Yawe. Roo see ia mangoko bara sawei mba’a yako samparia ngayanya binatang pasi tonsi to masipato rapampueka resi i Pue Yawe. Wali binatang-binatang pasi tonsi-tonsi to inokonya etu ia mansambale yau panewa ia mantunu ri wawo mpalampa to inikanya etu.

2 Korintus 8:12

Apa ane buya raya ngkomi mangawai sora imba pata mpangkurang ngkomi samba’a pei samba’a, i Pue Allah masanang mangantima. Kita taa sewaju-waju pangkurang ngkita mangawai, pei taa mawei, apa to bae batuanginya resi i Pue Allah kita mangawai singkonong pei anu to re’e resi kita samba’a pei samba’a, si’a singkonong pei anu to tare.

Yohanes 10:7

Wali see naka i Yesu manganto’o, “Aku manganto’oka komi, monso pu’u Aku semo to raporapaka ewa wombo to napake nu domba masua ri raya ntondoknya.