Roma 9:3 - Tuntu i mPue ri Basa Taa

³ Aku rani kojo to Israel rapalaes. Sira pua’ingku apa sira sambiyaa pei aku. Wali ane rapanya bara nawaika i mPue Allah aku semo ratanaa yau pei maga’a yako resi i Kerisitu see to Israel maya rapalaes, nempo ewa see aku buya rayangku. Pei taa nawaika i mPue Allah ewa wetu.

Sura Magali Nuntu Ngkatuwu

³ maka waʼa ngkasangkompoku anu sambaʼa banca pai yaku. Ua da tila ntau seʼe, kupepombaika koroku ndatadeasi mPue Ala pai ndagaʼati pai i Kerisitu.

Roma 9:3 Referans Kwoze

Roma 11:14

Wali naka pei aku rani kojo tau to si’a to Yahudi mangaya kareba matao etu see bara re’e seja yunungku to Yahudi to damawali kaloo mangkita sira. Apa ane sira kaloo, sira bara damangaya seja panewa sira darapalaes.

Galatia 3:10

Pei ane rapanya kita mangarata kasanang etu apa saba mangalulu porenta i Musa, ane ewa see si’a pangaya to pu’unya. Palaong ngkita mangalulu porenta etu semo pu’unya. Apa re’e ratulis ri raya ntuntu i mPue Allah, manganto’o, “Ojo tau to mangalulu kojo samparia to nato’o mporenta i Musa, ojo tau etu damangarata katuwu apa saba mangalulu porenta etu.” (Imamat 18:5) Etu semo to nato’o ntuntu i mPue Allah. Pei manasa kojo tare tau to nato’o i mPue Allah tare dosanya ane ojo saba ia mangalulu porenta i Musa. Tau rato’o tare dosanya saba yako pangayanya semo. Apa re’e seja ratulis ri raya ntuntu i mPue Allah, manganto’o, “Tau to nato’o i mPue Allah tare dosanya, tau etu damangarata katuwu apa saba pangayanya.” (Habakuk 2:4) Etu semo to nato’o ntuntu i mPue Allah. Wali samparia tau to rani nato’o i mPue Allah tare dosanya apa saba sira mangalulu porenta i Musa, tau etu natanaa i mPue Allah apa sira taa nakurang mangalulu samparianya. Apa re’e to ratulis ri raya ntuntu i mPue Allah to manganto’o, “I sema-sema tau to taa mangalulu kojo samparia porenta to ratulis ri raya mporenta i Musa, tau etu natanaa yau i mPue Allah.” (Ulang 27:26) Etu semo to ratulis ri raya ntuntu i mPue Allah.

1 Korintus 16:22

Wali i sema-sema to taa mamporayang i Pue Yesu Kerisitu, biakamo i Pue Allah mantanaa yau ia. O Pue, ma’imo!

Galatia 3:13

Pei tare pasi samba’a kita to takurang mangalulu samparia to nato’o mporenta i Musa etu, see naka kita samparia natanaa i mPue Allah. Pei kita tilapamo yako ri tanaa etu apa i Kerisitu mangabolos kita. Ia mangarata tanaa etu singkonong ewa to ratulis ri raya ntuntu i mPue Allah to manganto’o, “I sema-sema tau to rapaku ri kaju pasape, batuanginya tau etu natanaa i mPue Allah.” (Ulang 21:23) Wali tempo i Yesu rapaku ri kaju pasape, tempo etu Ia kono tanaa etu.

Galatia 1:8

Pei ane re’e tau to mampakarebaka kareba to rato’oka seja kareba matao, pei kareba etu yusa pei kareba matao to kami mampakarebaka resi komi seore, biaka tau to mampakarebaka kareba to yusa etu daratanaa yau. Apa nempo kami, pasi nempo pomakau yako ri saruga, ane mampakarebaka kareba to yusa etu, daratanaa yau seja.

1 Korintus 12:3

Wali see naka aku rani mampaponsanika komi ewa wimba raika mampasisala tau to gombonya yako resi i Nosa Mapasing pasi tau to gombonya si’a yako resi i Nosa Mapasing. Wali ewa si’i raika mampasisala. Ane tau to gombonya yako resi i Nosa Mapasing, tau to etu tare to manganto’o, “Aku rani i Yesu ratanaa yau.” Pasi tau to gombonya si’a yako resi i Nosa Mapasing, tau to etu tare to manganto’o, “I Yesu semo i Pue.”

Roma 11:1

Wali aku mampotanaka, wimba, i Pue Allah, Ia bara room mangantaji yau tauNya? Taa kojo! Aku semo to Israel seja. Aku seja samba’a wiyaa i Abraham yako suku i Benyamin pei aku taa nataji yau i mPue Allah.

Palaong mPomakau i mPue Yesu 13:26

“Wali a’i-a’i to wiyaa i Abraham, pasi komi to si’a to Yahudi pei to mampalaika seja i Pue Allah saba manga’angga Ia, kita semo to napaponsanika i mPue Allah kareba si’i mangkonong ewa wimba kita rapalaes.

Pomulanya 29:14

Roo see i Laban manganto’oka ia, “Monso pu’u kita dua maja’i.” Wali yako etu i Yakub maroo-roo resi i Laban sambuya kasaenya.

Palaong mPomakau i mPue Yesu 22:5

Wali kepala nto pampue pasi samparia to pobotus nto Yahudi sira semo matamanasa mangkonong palaongingku etu. Apa sira semo to nangawaika aku sura kuasa see aku maya yau resi ja’i ngkita to Yahudi nja’u kota Damsyik. Wali tempo aku yau seore njo’u kota Damsyik etu, aku mansongka damangansoko tau to mangalulu i Yesu nja’u ria. Aku damampungu sira pasi mangkeni ma’i ri Yerusalem si’i darahuku.

Palaong mPomakau i mPue Yesu 28:21

Wali ojo karoonya i Paulus magombo etu, kepala-kepala nto Yahudi etu manganto’oka ia, sira manganto’o, “Kami tare mangarata sura mangkonong korom yako ri propinsi Yudea, pasi tare pua’i ngkita to rata rire mampakarebaka kami bara manganto’o anu to maja’a mangkonong korom.

Roma 1:3

Wali kareba matao to natulis nsira etu kareba mangkonong Ana i mPue Allah, etu semo i Yesu Kerisitu, Pue ngkita. Wali i Yesu rapoanaka mawali to lino yako ri wiyaa i Daud. Pei i Yesu etu Ia seja Ana i mPue Allah, pasi Ia mapasing seja sewaju pei i Pue Allah. Manasa kojo Ia Ana i mPue Allah, apa yako kuasaNya i Pue Allah mangawangu muni Ia yako ri kapateNya. Wali ewa wetu naika i mPue Allah mampakanasaka kita i Yesu semo AnaNya.

Roma 16:7

Pasi re’e wo’u i Andronikus sira dua Yunias, pua’ingku to Yahudi to ratarungku seja seore sindara-ndara pei aku. Sira dua paka pomakau i mPue Yesu to na’angga ntau boros. Pasi tempo aku tawa mawali samba’a pei i Kerisitu seore, tempo etu sira dua roomo mawali samba’a pei Ia. Wali to’oka tau to etu aku taa mangkalingan sira.

Roma 16:11

To’oka seja i Herodian, a’ingku to Yahudi. Pasi to’oka seja samparia tau to samba’a pei i Pue to maroo ri banua i Narkisus.

Roma 16:21

Wali i Timotius, to mapalaong sindara-ndara pei aku, ia taa mangkalingan komi. Pasi ewa see seja i Lukius, i Yason pasi i Sosipater. Sira togo paka pua’ingku to Yahudi.

2 Korintus 12:15

Wali apa saba aku mangepe komi ewa ngana ngkorongku, see naka nempo komi kanjo’u-njo’u kakodi-kodi pamporayangimo resi aku, pei aku kanjo’u-njo’u kabae-bae pamporayangingku resi komi. See naka aku masanang kojo mangawaika samparia to re’e resi aku pasi mangampake yau samparia karoso ngkorongku damangansawang komi.Wali ane ewa see, maka pei bata-bata raya ntau mampobuuka aku bara si’a kamonsonya pomakau i ngKerisitu?

Galatia 1:9

Wali kami roomo manganto’oka komi seore, pei aku manganto’oka wo’u, ane bara re’e tau to mampakarebaka komi kareba to yusa yako kareba matao to nudonge ngkomi yako resi kami seore, biaka tau etu daratanaa yau.

Epesus 6:5

Wali komi to napowatua ntau, palaika songka ntau to pue ngkomi ri lino si’i. Angga kojo tau to pue ngkomi pasi pomoruka sira, pasi palaika sira ewa nuika ngkomi mampolaika i Kerisitu yako ri kabuya ndaya ngkomi.