Roma 8:3 - Tuntu i mPue ri Basa Taa

³ Wali ane ojo yako porenta i Musa, taa kojo tilapa kita yako ri kuasa nu dosa apa pampobuuka ngkita to masae taa nakurang mangaluluka porenta etu. Pei ane i Pue Allah, Ia nakurang mangalapa kita yako ri kuasa nu dosa. Ia mampokau Ana to si Ia ma’i ri lino si’i mawali to lino. Pasi tempo Ia ma’i etu, koro to si Ia sewajuja ewa koro ngkita to madosa. Wali roo see, Ana i mPue Allah rapopate yau mangansompo dosa nto lino. Wali ewa wetu naika i mPue Allah manganangi kuasa nu dosa pasi mangalapa kita to madosa yako ri kuasa nu dosa etu. Wali palaong to taa maya naika mporenta i Musa, palaong etu i Pue Allah semo nangika.

Sura Magali Nuntu Ngkatuwu

³ Nunjaa anu bareʼe nakoto waʼa mpadika agama mampowia, ua kalenteta kita tolino inceʼe roo ndawianaka i mPue Ala. I Pue Ala manangimo kuasa ncalaa ri engko ngkatolino, ri pampokau-A Ana-A anu motaʼa ewa tolino anu masalaa mancompo waʼa ncalaa.

Roma 8:3 Referans Kwoze

Palaong mPomakau i mPue Yesu 13:39

Ane porenta i Musa, taa maya mangalapas kita yako samparia dosa ngkita, pei ane i Yesu Ia maya. I sema tau to mangaya i Yesu, tau etu ralapas yako samparia dosanya.

Galatia 3:13

Pei tare pasi samba’a kita to takurang mangalulu samparia to nato’o mporenta i Musa etu, see naka kita samparia natanaa i mPue Allah. Pei kita tilapamo yako ri tanaa etu apa i Kerisitu mangabolos kita. Ia mangarata tanaa etu singkonong ewa to ratulis ri raya ntuntu i mPue Allah to manganto’o, “I sema-sema tau to rapaku ri kaju pasape, batuanginya tau etu natanaa i mPue Allah.” (Ulang 21:23) Wali tempo i Yesu rapaku ri kaju pasape, tempo etu Ia kono tanaa etu.

2 Korintus 5:21

Wali Ia semo to nangika jaya see kita maya masingkatao pei Ia. Apa i Kerisitu tare dosaNya, pei saba kita to lino madosa see naka i Pue Allah manganto’oka Ia mampongakung yau dosa ngkita. Wali yako palaong to etu see naka kita maya nato’o i mPue Allah tare dosanta apa saba kita samba’a pei i Kerisitu. Wali etu semo jaya to naika i mPue Allah see kita maya mawali masingkatao pei Ia.

Ibrani 10:14

Wali naka pei Ia matunda ri tondo ngkana i mPue Allah apa palaongiNya room. Apa yako pampue i ngKerisitu to samba’aja etu, Ia roomo mampasilonga tau to mawali i Pue Allah Puenya rataka ri singkasaenya.

1 Petrus 2:24

Wali i Kerisitu etu, Ia semo to mangkeni dosa ngkita ri koroNya tempo Ia rapaku ri kaju pasape. Pasi yako wela-wela to narata i ngKerisitu seore, see naka kita rapakatao. Ewa wetu inikaNya see kita maya mawali ewa tau mate to tamo nakuasang nu dosa. Pasi Ia mangika palaong etu see kita maya tuwu damangika lengko to singkonong pei i Pue Allah.

Roma 6:6

Wali kita tansani tau to masae ngkita mate yau seja rapaku ri kaju pasape sindara-ndara pei i Kerisitu. Naka pei mate yau tau to masae ngkita etu see dosa to mangkuasang koronta si’i rapakaja’a yau kuasanya. Wali dosa etu tamo re’e kuasanya mamporentang wo’u kita.

Galatia 3:21

Wali wimba, porenta i Musa bara mangewa parajanji i mPue Allah? Taa kojo! Apa parajanji i mPue Allah pasi porenta i Musa wungka yusa batuanginya. Naka pei re’e parajanji i mPue Allah see tau maya mangarata katuwu. Apa ane bara re’e porenta to maya mangawaika katuwu resi tau to mangalulu, ane ewa see porenta etu semo to maya mawali jaya see kita danato’o i mPue Allah tare dosanta.

Roma 8:32

Apa i Pue Allah sakowa Ana to si Iaja Ia taa manganto’o, “Aku bo’ongKu mangawai.” Pei Ia mangawaika kita AnaNya etu mangkapateka kita samparia. Ia buya rayaNya mangawaika kita AnaNya, wali manasa kojo Ia buya seja rayaNya damangawaika kita samparia anu to yusa.

Roma 3:20

Wali tare pasi samba’a tau to danato’o i mPue Allah tare dosanya apa saba mangalulu porentaNya, apa tare tau to nakoto mangalulu samparia porenta etu. Naka pei kita rawaika porenta etu see mampakanasaka resi kita mangkonong dosanta.

Ibrani 2:14

Wali tau to nato’oka i Yesu “ngana” etu, tau etu ojo to lino semo, koro nsira ojo raa pasi wombo. Wali see naka i Yesu mawali seja to lino, see yako kapateNya Ia mampakaja’aka yau kuasa i Maja’a anu to mangkuasang kapate.

Pilipi 2:7

Kasimbalinya yako etu Ia buya rayaNya mampiyaika yau pangkaNya to bae kojo etu panewa rapoanaka ewa to lino. Pasi Ia mawali yau ewa to papolaong.

Ibrani 10:12

Pei i Kerisitu ojo sangkanija mampampueka koroNya damangansompo dosa ntau, pasi palaong to nikaNya etu tamo parluu danaika wo’u kadua ngkaninya. Wali ojo karoonya Ia mangika palaong to etu Ia yau nto’u saruga pei matunda ri awe i mPue Allah ri tondo ngkana.

Ibrani 4:15

Wali Ia mawali to pampue to bae anggaNya to mamponsaruka kita ri tango i mPue Allah. Pasi Ia si’a to pampue to taa nakurang mangepe seja kayu’u ngkita. Ia mangepe kojo apa Ia room seja mangarata samparia ngaya mpanggoda to kita mangarata, pei Ia tare mangika dosa.

Ibrani 2:17

Wali i Yesu mawali to pampue to bae anggaNya to mangansawang to lino. See naka Ia taa maya taa mawali seja to lino to sewaju kojo pei kita to pua’iNya. Apa ane Ia mangarata seja samparia to narata ngkita to lino, ane ewa see Ia maya mawali to pampue to mamporayang to lino pasi to maya rasarumaka mangika palaong i mPue Allah. Pasi Ia mawali to pampue to bae anggaNya see Ia maya mampampueka pampue to mampakasanang i Pue Allah see Ia mangalapa dosa ntau to Ia Puenya.

Roma 9:3

Aku rani kojo to Israel rapalaes. Sira pua’ingku apa sira sambiyaa pei aku. Wali ane rapanya bara nawaika i mPue Allah aku semo ratanaa yau pei maga’a yako resi i Kerisitu see to Israel maya rapalaes, nempo ewa see aku buya rayangku. Pei taa nawaika i mPue Allah ewa wetu.

Yohanes 1:14

Wali Ia to rato’oka i Tuntu, Ia nawali seja to lino pasi Ia re’e maroo ri oyo ngkita. Tempo Ia maroo ri oyo ngkita etu Ia bae kojo kanotoNya resi tau pasi samparia to to’oNya paka monso pu’u. Pasi tempo Ia maroo ri oyo ngkita etu, kita re’e mangkita Ia bae kojo kuasaNya. Wali bae kojo kuasaNya etu apa Ia Ana i mPue Allah to samba’aja, to ma’i napokau mPa’aNya etu.

Yohanes 9:24

Wali kepala-kepala nto Yahudi etu mampokio wo’u kadua ngkaninya tau to buta tempo ruyu etu. Sira manganto’oka ia, “I Pue Allah semo matamanasamu, wali to’o gombo to monso. Barong Ia, ne’e rabarong i Yesu etu apa kami mangansani Ia tau madosa.”

Markus 15:27

Wali tempo i Yesu rapaku etu sira mangampaku seja dua mba’a to palima ri kaju pasape panewa kaju pasapenya rapokore ri awe nu kaju pasape i Yesu, samba’a ri sambalinya tondo ngkana, pasi samba’a wo’u ri sambalinya tondo ngkii.

Roma 7:18

Apa aku kunsani ane ri rayangku, etu semo ri pampobuukangku to masae, tare pasi sangkodi to matao. Apa aku rani kojo mangika palaong to matao, pei aku taa kukurang.

Pombilang 21:9

Wali i Musa mangika ule yako tambaga etu panewa mamposaka ndate woto ntinja. Wali yako etu monso pu’u i sema tau to natungku nu ule to kayangu ngisinya etu, ane ia mangalo’aka re’e ule tambaga etu, ia taa mate.