Roma 8:2 - Tuntu i mPue ri Basa Taa

² Apa kuasa i Nosa Mapasing to mangawaika kita katuwu room mangalapa kita yako ri kuasa nu dosa pasi yako ri kuasa ngkapate. Kuasa i Nosa Mapasing etu re’e resi kita apa saba kita samba’a pei i Kerisitu.

Sura Magali Nuntu Ngkatuwu

² Maka padika Inosa mPue Ala anu mampasambaʼa-mbaʼa kita pai i Kerisitu Yesu anu malapa yaku ungka ri padika anu mampapopuʼu kasalaa pai kapate.

Roma 8:2 Referans Kwoze

Roma 6:14

Apa dosa tamo re’e kuasa mamporentang kita apa kita si’amo ri ara mporenta. Si’i-si’i kita re’emo ri ara ngkanoto i mPue Allah.

2 Korintus 3:17

Wali i Pue to rato’o etu, batuanginya Nosa i mPue Allah. Pasi i sema-sema tau to re’e Nosa i mPue Allah resi ia, tau etu roomo ralapa yako ri ara mporenta to masae.

Roma 6:18

Wali si’i-si’i komi tilapamo yako ri kuasa nu dosa pei mawali wo’u to papolaong to mangika lengko to singkonong pei i Pue Allah.

2 Korintus 3:6

Apa Ia semo to mangawaika kami gana kapande see kami mangkoto mampakarebaka resi sa’e parajanji i mPue Allah to bou. Wali si’amo porenta to natulis i Musa tempo owi to napakarebaka mami. Apa porenta to etu ojo mampakanasaka tau masipato rahuku mate. Pei to kami mampakarebaka, etu semo kareba to yako resi i Nosa Mapasing. Apa i Nosa Mapasing semo to mangawai katuwu.

1 Korintus 15:45

Palaong etu singkonong pei gombo to ratulis ri raya ntuntu i mPue Allah. Apa gombo etu manganto’o to lino to uyunya rapapowali, i Adam, ia napaponosa i mPue Allah see mawali anu to tuwu. Pei i Kerisitu, to rato’oka i Adam to purinya, Ia mawali nosa to mangawaika katuwu.

Yohanes 8:36

Pasi ane ana ntau pue banua, ia re’e kuasa mangalapa muni tau to rapowatua see sira tamo mawali watua. Wali ewa see seja Aku. Aku Ana i mPue Allah, wali Aku re’e kuasa mangalapa komi to watua nu dosa. Wali ane Aku semo to mangalapa komi yako ri kuasa nu dosa, komi monso pu’u ralapa, si’amo watua nu dosa.

Yohanes 8:32

Pasi ane ewa see, komi damangansani anu to monso, pasi anu to monso etu damangalapa komi yako anu to mampowatua komi.”

Roma 7:4

Wali a’i-a’i, ewa see seja kita. Tempo ruyu, porenta i Musa mawali ewa rongonta. Kita taa maya mampiyaika. Pei tempo koro i ngKerisitu rapopate yau, tempo etu kita seja mate sindara pei Ia wali kapate ngkita etu mangaga’a kita yako ri ara mporenta etu, see naka si’i-si’i kita maya mawali tau to yusa wo’u puenya. Wali kita mawali tau Puenya, etu semo i Yesu Kerisitu anu roomo rawangu muni yako ri kapateNya. Wali saba kita mawali Ia Puenya, see naka kita maya mangika lengko to mampakabae i Pue Allah.

Roma 6:22

Pei si’i-si’i komi tilapamo yako ri ara ngkuasa nu dosa pei mawali wo’u to papolaong i mPue Allah. Wali bae rasi ngkomi apa komi room mawali tau to ojo i Pue Allah Puenya pasi komi mangarata katuwu to singkasaenya.

Yohanes 6:63

Wali gombo to si Aku etu, gombo etu semo mampakanasaka resi komi ewa wimba jayanya komi damangarata Nosa i mPue Allah. Pasi Nosa i mPue Allah, Ia semo to mangawai katuwu. Ane to lino, tare kesaa to maya danaika see damangarata katuwu.

Yohanes 4:14

Pei i sema tau to manginu ue to Aku mangawaika ia, tau etu tamo kojo damara wo’u nganganya. Apa to Aku mangawaika ia etu damawali ewa mata nu ue to kambutu-mbutu ri rayanya pei damangawaika ia katuwu to singkasaenya.”

Yohanes 4:10

Wali i Yesu manganto’oka ia, to’oNya, “Ane nunsani ngkorom mangkonong sora to nawai i mPue Allah, pasi ane nunsani ngkorom i sema kamonsonya Aku to mamporapi ue resi korom si’i, ane ewa see, korom damamporapi resi Aku panewa Aku damangawaika korom ue to mangawai katuwu.

Galatia 5:1

Wali kita si’amo ewa watua apa i Kerisitu roomo mangalapa kita yako ri ara mporenta i Musa. Wali pakaroso raya ngkomi naka ne’e mangandolika muni tango ngkomi resi porenta etu damawali wo’u watuanya.

Galatia 2:19

Pei aku taa mangika ewa wetu, apa si’i-si’i aku mangansani naka pei aku nato’oka i mPue Allah tare dosangku, si’a saba aku mangalulu porenta i Musa, apa aku taa kojo kukurang mangalulu porenta etu. See naka aku mangandolika tangongku yako ri porenta etu see aku maya mangalulu kojo pamporani i mPue Allah. Wali saba yako pangayangku resi i Kerisitu, see naka aku raporapaka ewa rapaku ri kaju pasape sindara-ndara pei Ia.

Roma 5:21

Wali tempo ruyu, dosa re’e kuasa ri raya ngkatuwu ntau samparia see naka samparia tau mangarata kapate. Pei si’i-si’i kanoto i mPue Allah semo to re’e kuasa ri raya ngkatuwu ngkita. Wali yako ri kanotoNya etu i Pue Allah manganto’o kita tare dosanta see naka kita mangarata katuwu to singkasaenya apa saba to naika i Yesu Kerisitu, Pue ngkita.

Roma 7:21

Wali ewa si’i palaong to mawali resi aku. Ane aku rani mangika palaong to matao taa mawali, apa pamporani to maja’a re’e resi aku wali nangi yau pamporani to matao.

Pangkita 22:1

Wali yako etu pomakau i mPue Allah mampaporaoka aku koro nu ue to mangawai katuwu. Ue etu malino kojo ewa kasa to rato’oka kristal. Wali ue etu maili yako ri gadera to napatunda i mPue Allah pasi Ana nu Domba.

Roma 3:27

Wali kita taa maya mangabarong koronta ngkalio, apa si’a yako palaong ngkita mangalulu porenta i mPue Allah naka pei Ia manganto’o kita tare dosanta. Ojo yako pangaya ngkita semo naka pei Ia manganto’o kita tare dosanta.

Pangkita 11:11

Pei ojo kagananya togo eo pei sampu’a eo etu, rata nosa to mangawai katuwu yako resi i Pue Allah. Nosa etu masua ri tau dua etu, wali sira tuwu muni panewa makore. Wali tau to mangkita palaong to etu sira meka kojo.

Roma 7:23

Pei aku taa mangalulu porenta to etu, apa aku kunsani re’e porenta to yusa to mapalaong ri raya ngkorongku, etu semo dosa. Dosa etu mangewa porenta i mPue to aku masanang mampobuuka. Wali dosa to mapalaong ri raya ngkorongku etu manganangi yau aku, see naka aku taa mangaluluka porenta i mPue.

Roma 8:1

Wali si’i-si’i tau to samba’a pei i Kerisitu Yesu, to tamo mangaluluka pamporani ndayanya to maja’a, pei jamo mangaluluka pamporani i Nosa Mapasing, tau to etu taa tuwu ewa tau to rahuku.

Roma 16:3

Wali to’oka i Priskila sira dua i Akwila aku taa mangkalingan sira. Sira dua sindara-ndara pei aku seore mangika palaong i ngKerisitu Yesu.

Yakobus 1:25

Kasimbalinya yako etu, matao ane kita tare pandoonya madota kojo mampobuu-buuka porenta i mPue Allah. Apa ri raya ntuntu i mPue Allah, re’e porentaNya to masilonga kojo pasi to maya mangalapa kita yako samparia to ewa mampowatua raya ngkita. Wali see naka ne’e kita mangkalingan yau porenta i mPue Allah to kita mangandonge etu, pei anu kita mangaluluka. Apa si’a tau to ojo mangandonge porenta etu to mangarata rasi, pei tau to mangaluluka, ia semo to mangarata rasi ri rayanya samparia to ia mangika.