Roma 8:10 - Tuntu i mPue ri Basa Taa

¹⁰ Pei kita re’e i Kerisitu ri raya ngkita. Wali nempo koro ngkita damate yau apa saba dosa, pei tonii ngkita tuwu apa i Pue Allah manganto’o kita tare dosanta.

Sura Magali Nuntu Ngkatuwu

¹⁰ Paikanya ane i Kerisitu lau ri rayami, mau wata ngkoromi mate ua kasalaa paikanya Inosa mPue Ala mawai katuwu ri komi, maka madagomo pokentami pai Pue Ala.

Roma 8:10 Referans Kwoze

Epesus 3:17

Pasi aku makai-kai see i Kerisitu damasanang maroo ri raya ngkomi pasi masingkatao pei komi apa saba pangaya ngkomi. Apa ane ewa see, komi danapakaroso yako pamporayangiNya see komi mawali ewa kaju to maroso kalenya pasi ewa banua to maroso pondasinya.

Galatia 2:20

Wali aku raporapaka ewa matemo, see naka si’amo aku to tuwu si’i, i Kerisitu semo to tuwu ri rayangku. Pasi ri raya ngkatuwungku ri lino si’i aku mangika lengko ngkatuwu to singkonong pei pangayangku resi Ana i mPue Allah. Apa Ia mamporayang aku pasi nangkapateka aku.

2 Korintus 5:21

Wali Ia semo to nangika jaya see kita maya masingkatao pei Ia. Apa i Kerisitu tare dosaNya, pei saba kita to lino madosa see naka i Pue Allah manganto’oka Ia mampongakung yau dosa ngkita. Wali yako palaong to etu see naka kita maya nato’o i mPue Allah tare dosanta apa saba kita samba’a pei i Kerisitu. Wali etu semo jaya to naika i mPue Allah see kita maya mawali masingkatao pei Ia.

Yohanes 17:23

Batuanginya mawali samba’a pampobuuka, etu semo, Aku maroo ri raya nsira, pasi Komi maroo ri rayangKu, wali ane ewa see, sira maya samba’a kojo pampobuuka nsira. Pasi ane sira samba’a pampobuuka, ane ewa see, to lino to taa mangaya damangkita kasingkatao nsira etu panewa tau to taa mangaya etu damangansani Komi semo to nampokau Aku. Pasi sira damangansani Komi mamporayang tau to mangaya Aku, pasi pamporayang ngKomi resi tau to mangaya etu sewaju ewa pamporayang ngKomi resi Aku.

Kolose 1:27

Pasiwa tau to si’a to Yahudi, mangansani seja songka i mPue Allah etu. Songka etu meyawa kojo ewa kasugi to bae kojo batuanginya. Pasi songka etu mangkonong komi to si'a to Yahudi. Wali songka etu semo i Kerisitu re'e ri raya ngkita, wali kita damangarata santila kayawa i mPue Allah.

Roma 8:11

Tempo owi i Pue Allah nangawangu muni i Yesu yako ri kapateNya. Ia mangika palaong etu yako ri kuasa i Nosa Mapasing, pasi i Nosa Mapasing etu semo to maroo ri raya ngkita. Wali nempo damate yau koro ngkita, i Pue Allah damangawangu muni seja kita yako ri kapatenta yako ri kuasa i Nosa Mapasing to maroo ri raya ngkita etu.

Pilipi 3:9

Pasi apa saba aku samba’a pei i Kerisitu, see naka aku nato’o i mPue Allah tare dosangku. Pei si’a yako palaong to inikangku mangalulu porenta i Musa naka pei aku nato’o i mPue Allah tare dosangku. Yako pangayangku resi i Kerisitu semo. Wali i Pue Allah semo to mangika jaya see Ia maya manganto’o aku tare dosangku apa saba pangayangku etu. See naka aku tamo kojo rani mangika palaong to inikangku seore tempo aku mansarumaka porenta i Musa.

1 Korintus 15:45

Palaong etu singkonong pei gombo to ratulis ri raya ntuntu i mPue Allah. Apa gombo etu manganto’o to lino to uyunya rapapowali, i Adam, ia napaponosa i mPue Allah see mawali anu to tuwu. Pei i Kerisitu, to rato’oka i Adam to purinya, Ia mawali nosa to mangawaika katuwu.

Pangkita 14:13

Wali yako etu aku mangandonge loo to yako ndate saruga. Loo etu manganto’o, “Tulis gombo si’i, gombo to manganto’o, masanang kojo tau to mangaya i Pue to mate yau yako tempo si’i.” Panewa i Nosa Mapasing manganto’o, “Monso pu’u masanang sira, apa ojo karoonya sira mate yau sira maya mandoo yako ri palaonginya to mandasai. Sira masanang apa sira damangarata wua mpalaong to naika nsira etu.”

Yohanes 15:5

“Wali Aku semo to raporapaka ewa pu’u nu anggur pasi komi ewa ra’anya. Wali i sema tau to maroo masingkatao pei Aku, pasi Aku maroo masingkatao pei ia, tau etu raporapaka ewa ra’a nu anggur to singkenta pei pu’unya see naka maya mawali malagi wuanya. Wali tau to maroo masingkatao pei Aku etu, tau etu dabae kojo wua mpalaonginya. Pei ane komi taa maroo masingkatao pei Aku, komi taa maya mangika bara kesaa to bae batuanginya.

Yohanes 14:23

Wali i Yesu mangansono, Ia manganto’o, “Ane tau mamporayang Aku, ia damampalaika gombongKu. Wali Pa’angKu damamporayang ia, pasi Kami dama’i maroo resi tau etu.

Ibrani 12:23

Pasi kita roomo masua seja resi samparia tau to mangaya. Kita samparia rato’oka ana i mPue Allah to tu’anginya, pasi sanga ngkita ratulis ndate saruga. Wali kita roomo mangampago i Pue Allah, to pobotus ntau samparia. Pasi kita roomo simparata pei tonii ntau to lengko nsira singkonong pei i Pue Allah pasi to roomo mawali masilonga.

Ibrani 9:27

Wali songka i mPue Allah, etu semo to lino ojo sangkani mate yau panewa roo see nabotus i mPue.

1 Tesalonika 4:16

Apa tempo danakama’i i mPue etu, tempo etu kodi majoli daradonge loo to maroso dakaboo, sindara-ndara pei loo ngkepala mpomakau i mPue Allah pasi loo ntarompet i mPue Allah. Pasi tempo etu seja i Pue semo dama’i yako ndate saruga. Panewa tau to mangaya i Kerisitu to namatemo, sira darawangu ruyu.

2 Korintus 13:5

Wali paresa raya ngkomi samba’a pei samba’a see daransani bara monso pu’u komi mangaya i Kerisitu bara taa. Pakanasa ri raya ngkomi samba’a pei samba’a. Wimba, komi bara taa nunsani i Yesu Kerisitu re’e maroo ri raya ngkomi? Pei ane taa monso pangaya ngkomi, Ia tare maroo ri raya ngkomi. Pei ane ewa pampobuukangku, komi monso pu’u mangaya.

Roma 5:21

Wali tempo ruyu, dosa re’e kuasa ri raya ngkatuwu ntau samparia see naka samparia tau mangarata kapate. Pei si’i-si’i kanoto i mPue Allah semo to re’e kuasa ri raya ngkatuwu ngkita. Wali yako ri kanotoNya etu i Pue Allah manganto’o kita tare dosanta see naka kita mangarata katuwu to singkasaenya apa saba to naika i Yesu Kerisitu, Pue ngkita.

Roma 5:12

Wali yako samba’a tau, etu semo i Adam, see naka mawali dosa ri lino si’i. Pasi yako ri dosa etu see naka re’e kapate. Wali samparia tau kono kapate apa samparia tau paka madosa.

Yohanes 6:56

Wali tau to mangkoni korongKu pasi manginu raangKu, tau etu maroo masingkatao pei Aku pasi Aku maroo masingkatao pei ia.

Yohanes 4:14

Pei i sema tau to manginu ue to Aku mangawaika ia, tau etu tamo kojo damara wo’u nganganya. Apa to Aku mangawaika ia etu damawali ewa mata nu ue to kambutu-mbutu ri rayanya pei damangawaika ia katuwu to singkasaenya.”

Yohanes 6:54

Pei tau to mangkoni korongKu pasi manginu raangKu, tau etu re’emo katuwu to singkasaenya. Pasi ane rata ri kapuranya temponya to si’i, Aku damangawangu muni tau etu yako ri kapatenya.