Roma 8:1 - Tuntu i mPue ri Basa Taa

¹ Wali si’i-si’i tau to samba’a pei i Kerisitu Yesu, to tamo mangaluluka pamporani ndayanya to maja’a, pei jamo mangaluluka pamporani i Nosa Mapasing, tau to etu taa tuwu ewa tau to rahuku.

Sura Magali Nuntu Ngkatuwu

¹ Inceʼe puʼunya painaka wawaseʼi bareʼemo reʼe popahuku ri waʼa ntau anu tuwu ri kasambaʼa-mbaʼa pai Pueta i Yesu Kerisitu.

Roma 8:1 Referans Kwoze

2 Korintus 5:17

Apa i sema-sema tau to samba’a pei i Kerisitu, tau etu mawali tau to bou. Wali tiliumo katuwunya to masae pasi ratamo katuwunya to bou. Wali ojo raya ntau to kami mangabotus, si’amo pangkanya.

Galatia 3:13

Pei tare pasi samba’a kita to takurang mangalulu samparia to nato’o mporenta i Musa etu, see naka kita samparia natanaa i mPue Allah. Pei kita tilapamo yako ri tanaa etu apa i Kerisitu mangabolos kita. Ia mangarata tanaa etu singkonong ewa to ratulis ri raya ntuntu i mPue Allah to manganto’o, “I sema-sema tau to rapaku ri kaju pasape, batuanginya tau etu natanaa i mPue Allah.” (Ulang 21:23) Wali tempo i Yesu rapaku ri kaju pasape, tempo etu Ia kono tanaa etu.

Roma 5:1

Wali si’i-si’i kita nato’o i mPue Allah tare dosanta apa saba pangayanta. See naka kita masingkatao pei i Pue Allah apa saba to naika i Yesu Kerisitu, Pue ngkita.

1 Korintus 1:30

Apa ojo yako palaong to naika i mPue Allah see naka kita mawali samba’a pei i Kerisitu Yesu. Wali apa saba kita samba’a pei i Kerisitu, see naka kita mangansani kapande i mPue Allah. Ia semo to manganto’o kita tare dosanta. Pasi Ia mangika see kita mawali Ia Puenya. Pasi Ia room mangalapa kita yako ri kuasa nu dosa.

Roma 8:34

Wali i sema to damanganto’o kita masipato rahuku? Bara i Kerisitu? Si’a, apa Ia room mangkapateka kita. Pasi Ia si’a ojo mate yau, Ia seja rawangu muni yako ri kapateNya. Pasi si’i-si’i Ia re’e ri awe i mPue Allah tondo ngkana, ri tampa to bae angganya, pasi Ia mamponsaruka kita.

Yohanes 5:24

“Aku manganto’oka komi, monso pu’u i sema tau to mampodongeka gombongKu pasi mangaya Ia to nampokau Aku, tau etu re’e katuwu to singkasaenya, wali ia tamo darahuku. Apa ia tamo re’e ri jaya to mangarata kapate pei ia re’emo ri jaya to mangarata katuwu.

Yohanes 15:4

Komi samba’a pei Aku, wali karoo masingkatao pei Aku, pasi Aku damaroo masingkatao pei komi. Apa komi raporapaka ewa ra’a. Wali ane ra’a, tare to maya mawua ane taa singkenta pei pu’unya. Wali ewa see seja komi, apa komi taa seja maya mangika bara kesaa to bae batuanginya ane taa maroo masingkatao pei Aku.

Pilipi 3:9

Pasi apa saba aku samba’a pei i Kerisitu, see naka aku nato’o i mPue Allah tare dosangku. Pei si’a yako palaong to inikangku mangalulu porenta i Musa naka pei aku nato’o i mPue Allah tare dosangku. Yako pangayangku resi i Kerisitu semo. Wali i Pue Allah semo to mangika jaya see Ia maya manganto’o aku tare dosangku apa saba pangayangku etu. See naka aku tamo kojo rani mangika palaong to inikangku seore tempo aku mansarumaka porenta i Musa.

Roma 8:14

Apa i sema tau to nakentar i Nosa Mapasing, tau etu ana i mPue Allah.

1 Korintus 15:22

Apa samparia wiyaa i Adam paka mangarata kapate, pei samparia tau to samba’a pei i Kerisitu paka darawaika katuwu.

Galatia 5:16

Wali ewa si’i aku manganto’o. Biaka i Nosa Mapasing mangkentar komi. Apa ane kita mangabiaka Ia mangkentar kita, ane ewa see, kita tamo damangaluluka pamporani mpampobuuka ngkita to masae.

Roma 8:4

Naka pei i Pue Allah mangika ewa wetu see kita takurang mangika palaong to singkonong pei Ia to rapakanasa ri raya mporenta i Musa etu. Kita takurang mangika palaong to etu apa kita tamo mangaluluka pamporani ndaya ngkita to maja’a. Kita jamo mangaluluka pamporani i Nosa Mapasing.

Roma 8:39

Pasi anu to ndate yangi bara ri wawo lino taa seja maya. Wali samparia anu to rapapowali, tare pasi samba’a to maya mangaga’a kita yako ri pamporayang i mPue Allah to re’e resi kita apa saba kita samba’a pei i Kerisitu Yesu, Pue ngkita.

Galatia 5:25

Wali ne’e kita rani nabarong nsa’e. Pasi ne’e kita mampakasusa sa’e samba’a pei samba’a pasi ne’e seja kita kaloo samba’a pei samba’a. Kita roomo nawaika i Nosa Mapasing katuwu to singkasaenya, see naka masipato kita mangabiaka Ia mampasilonga katuwu ngkita.

Galatia 3:28

Wali apa saba komi samba’a pei i Kerisitu, batuanginya komi seja rapasimba’a. Wali ane ri pangkita i mPue Allah tare pasisalanya to Yahudi pasi tau to si’a to Yahudi. Pasi tare pasisalanya watua pasi tau to si’a watua. Pasi tare seja pasisalanya to langkai pasi to we’a.

Yohanes 14:20

Wali tempo palaong etu mawali, tempo etu komi damanasa Aku samba’a pei Pa’angKu, pasi komi samba’a pei Aku, pasi Aku samba’a pei komi.

Roma 7:20

Wali ane aku mangika palaong to aku taa rani mangika etu batuanginya si’amo aku to mangika. Dosa to re’e ri rayangku, etu semo to mangika palaong to etu.

Roma 7:17

Wali kamonsonya si’amo aku to mangika palaong to maja’a etu. Dosa to ri rayangku semo mangika palaong to etu.

2 Korintus 12:2

Wali ewa si’i. Re’e samba’a tau to aku mangansani, ia samba’a seja pei i Kerisitu. Wali sampuyu pei opo nto’u to liu, tau etu naokotaka i mPue Allah nto’u tampa to bae kojo kayawanya to malangan kojo ndate yangi. Tampa etu rato’oka yangi to katogo ntampenya. Wali tempo ia raokotaka etu aku taa kunsani bara koronya bara ojo toniinya to raokotaka etu. Ojo i Pue Allah semo to mangansani.

Roma 16:7

Pasi re’e wo’u i Andronikus sira dua Yunias, pua’ingku to Yahudi to ratarungku seja seore sindara-ndara pei aku. Sira dua paka pomakau i mPue Yesu to na’angga ntau boros. Pasi tempo aku tawa mawali samba’a pei i Kerisitu seore, tempo etu sira dua roomo mawali samba’a pei Ia. Wali to’oka tau to etu aku taa mangkalingan sira.

Roma 16:3

Wali to’oka i Priskila sira dua i Akwila aku taa mangkalingan sira. Sira dua sindara-ndara pei aku seore mangika palaong i ngKerisitu Yesu.

Roma 5:16

Pasi ewa si’i seja pasisalanya sora to nawaika i mPue Allah pasi palaong to mawali yako ri dosa i Adam. Apa i Adam mangika sangaya dosa see naka to lino nato’o i mPue Allah masipato rahuku. Yako etu malagi kojo wo’u tau mangika dosa panewa i Pue Allah mangawaika to lino sora. Wali yako ri sora etu see naka to lino maya nato’o i mPue Allah tare dosanya.

Roma 8:2

Apa kuasa i Nosa Mapasing to mangawaika kita katuwu room mangalapa kita yako ri kuasa nu dosa pasi yako ri kuasa ngkapate. Kuasa i Nosa Mapasing etu re’e resi kita apa saba kita samba’a pei i Kerisitu.

Roma 8:9

Pei a’i-a’i, komi tamo samba’a pei pampobuukamu to masae, apa Nosa i mPue Allah re’emo maroo-roo ri raya ngkomi. Wali komi samba’a pei Nosa i mPue Allah etu. Pei i sema tau to tare Nosa i ngKerisitu maroo ri rayanya, tau etu si’a i Kerisitu Puenya.

Roma 8:11

Tempo owi i Pue Allah nangawangu muni i Yesu yako ri kapateNya. Ia mangika palaong etu yako ri kuasa i Nosa Mapasing, pasi i Nosa Mapasing etu semo to maroo ri raya ngkita. Wali nempo damate yau koro ngkita, i Pue Allah damangawangu muni seja kita yako ri kapatenta yako ri kuasa i Nosa Mapasing to maroo ri raya ngkita etu.

Galatia 3:26

Wali komi seja paka ana i mPue Allah apa saba pangaya ngkomi resi i Kerisitu Yesu.

Epesus 1:1

Sura si’i yako resi aku, i Paulus. Aku mawali pomakau i ngKerisitu Yesu apa etu semo pamporani i mPue Allah resi aku. Wali aku mangantulis sura si’i resi komi to i Pue Allah Puenya to nja’u Epesus, pei to mansarumaka kojo i Kerisitu Yesu.