Roma 7:7 - Tuntu i mPue ri Basa Taa

⁷ Wali wimba datato’o mangkonong porenta i Musa? Bara maja’a porenta etu? Gete taa! Apa ane taa porenta i Musa mampaponsanika aku aku tau madosa, aku taa kunsani. Rapanya aku mamporani anu nsa’e, pei ane taa porenta i Musa manganto’o, “Ne’e mamporani anu nsa’e,” (Posuwunya 20:17) wali aku taa kunsani bara taa matao mangika palaong to etu.

Sura Magali Nuntu Ngkatuwu

⁷ Ane ewanceʼe nunjaamo anu da takoto mantoʼo? Ara waʼa mpadika nto Yahudi setu jaʼa? Manoto bareʼe kojo! Paikanya waʼa mpadika setu anu mampaguruka yaku salaa. Bareʼe da kuincani posoki mpau mangoa, ane banya waʼa mpadika setu anu mantoʼo, “Neʼe mangoa!”

Roma 7:7 Referans Kwoze

Roma 3:20

Wali tare pasi samba’a tau to danato’o i mPue Allah tare dosanya apa saba mangalulu porentaNya, apa tare tau to nakoto mangalulu samparia porenta etu. Naka pei kita rawaika porenta etu see mampakanasaka resi kita mangkonong dosanta.

Posuwunya 20:17

“Pasi ne'e mamporani anu nsa’e, nempo banuanya, bara rongonya, to papolaonginya, sapinya, keledainya, bara kesaa wo'u to ia puenya.” Wali etu semo porenta-porenta to nato’oka i mPue Allah resi tau Israel.

Roma 4:15

Wali apa saba tau taa nakurang mangaluluka porenta etu see naka sira mangarata huku i mPue Allah, apa sira monso pu’u sala. Ane tare porenta tare tau to sala, pei re’e porenta see naka samparia tau paka sala.

1 Korintus 15:56

Wali anu to mangawaika kapate kuasanya mampakaja’a tau, etu semo dosa. Pasi anu to mangawaika dosa kuasanya, etu semo porenta i mPue Allah.

Roma 13:9

Apa ri raya mporenta i Musa re’e porenta to manganto’o, “Ne’e masala, ne’e mampopate sa’e, ne’e malima, ne’e mawali matamanasa to taa monso to mampakasala sa’e, pasi ne’e mamporani anu nsa’e.” (Posuwunya 20:13-15-17) Wali samparia porenta etu pasi porenta to yusa-yusanya, paka nalulu ngkita ane kita mangalulu porenta to samba’a si’i, to’onya, “Porayang yunumu ewa nuika mamporayang koromu ngkalio.” (Imamat 19:18)

Roma 7:8

Pei tempo aku mangandonge porenta to manganto’o, “Ne’e mamporani anu nsa’e,” tempo etu dosa to re’e ri rayangku mangarata jaya mampakaloo aku see kanjo’u-njo’u tiduga-dugang aku mamporani anu nsa’e. Wali ane tare porenta i Musa to mampakanasaka aku dosangku, ane ewa see dosangku etu taa miyala resi aku.

1 Tesalonika 4:5

Ne’e kita mangalulu lengko to naika ntau to yusa to taa mangansani i Pue Allah. Apa tau etu ojo mangaluluka yau pamporani ngkoro nsira to maja’a resi to we’a.

Roma 3:5

Wali manasa, nempo kita taa mangaya tuntu i mPue Allah pei Ia tiroo damangika ewa wimba Ia room manganto’o. Wali saba yako lengko ngkita to maja’a etu see naka tau to yusa mangansani matao kojo lengko i mPue Allah. Wali ane ewa see bara re’e tau bea to mampobuuka taa masipato i Pue Allah mangahuku tau to mangika lengko to maja’a ewa wetu, apa saba yako palaong nsira etu see naka tau to yusa mangabarong Ia. Ewa wetu pampobuuka ntau bea, wali wimba bara monso pu’u ewa pampobuukanya etu?

Kolose 3:5

Wali posaka yau pamporani ngkoro ngkomi to maja’a naka ne'e damangika lengko to taa singkonong pei i Pue Allah. Lengko etu semo ewamo mangika lengko to maja'a resi tau to si'a rongomu, mampobuuka anu to balamas bara mampolengkoka lengko to makarika, pamporani ndaya to taa rata'amaka, pamporani ndaya to maja'a, pasi lengko to bamporomung. Bamporomung etu sewaju pei mampue tau-tau.

Epesus 5:3

Wali saba komi ana i mPue Allah see naka ne’e kojo re’e samba’a komi to mangika lengko to maja’a resi tau to si’a rongonya. Pasi ne’e mampobuuka bara mampolengkoka anu to yusa to makarika. Pasi ne’e seja bamporomung. Apa lengko to ewa wetu taa kojo masipato napobuuka ntau to i Pue Allah Puenya, taa manto’o ane naika nsira.

Roma 7:13

Wali wimba, bara yako porenta i Musa to matao etu naka pei masipato aku rahuku mate? Gete si’a! Yako dosa to re’e ri rayangku semo. Pei songka i mPue Allah ane mangkonong porenta etu, etu semo porenta etu mampakanasaka aku mangkonong dosa. Apa saba yako porenta etu see naka aku mangansani dosa to aku mangika monso pu’u dosa pasi maja’a kojo dosa etu. Wali apa saba dosangku etu see naka porenta to matao etu mawali anu to napake i mPue Allah mangahuku aku mate.

Roma 7:11

Ewa si’i to mawali. Tempo aku mangansani porenta, panewa dosa to re’e ri rayangku etu mangarata jaya mangantipu aku see aku mampobuuka aku masanang ane aku damangika to nato’o mporenta etu ne’e raika. Pei roo see aku taa masanang apa kunsani masipato aku darahuku mate.

Roma 7:5

Tempo ruyu kita nakuasang mpampobuuka ngkita to masae. Wali apa saba porenta i Musa manganto’o, “Ne’e mangika palaong to maja’a,” see naka kita rani kojo mangewa. See naka tempo ruyu kita mangampake koro ngkita mangika lengko to madosa, to masipato rahuku mate.

Roma 6:15

Wali monso pu’u kita tamo ri ara mporenta, kita ri ara ngkanoto i mPue Allah. Wali wimba, bara maya kita mangika dosa? Gete taa!

Roma 4:1

Wali pobuuka ruyu i Abraham, bue ngkita. Kesaa to nawali resi ia?

Palaong mPomakau i mPue Yesu 20:33

Wali tempo aku maroo resi komi seore aku tare mamporani doi ngkomi bara pake ngkomi.

Lukas 12:15

Roo see, Ia manganto’oka wo’u tau boros, “Pakatao kojo naka ne’e komi mawali bamporomung. Apa nempo bae kasugi ntau ri lino, si’a kasugi etu to mangawaika ia katuwunya.”

Matius 5:28

Pei Aku manganto’oka komi i sema-sema tau to re’e pamporaninya to maja’a tempo mangalo’aka to we’a, tau etu roomo masala resi ia ri rayanya.”

Pomulanya 3:6

Wali tau we’a etu mangalo’aka wua ngkaju etu pei mangkita wua ngkaju etu magaya kojo pasi matao rakoni. Pasi ia kaloo mampobuuka kapande to danarata ntau to mangkoni wua ngkaju etu. Wali see naka ia mangoko wua ngkaju etu pei mangkoni. Roo see ia mangawaika seja resi pa’a nu ananya to siwaka pei ia etu, panewa pa’a nu ananya etu mangkoni seja.

Lukas 20:16

Ewa si’i danaika: Ia dayau resi to pangkampang nawu etu pasi damampopate yau sira panewa roo see ia damangawaika wo’u tau to yusa damampasilonga nawunya etu.” Wali ojo pangandonge ngkepala-kepala nto pampue pasi yununya rapa i Yesu etu, sira mangansani batuanginya mangkonong sira semo wali sira manganto’o, “Gete, tuwu-tuwuja ne’e kojo mawali ewa wetu!”

Roma 5:20

Wali naka pei i Pue Allah mangawaika to lino porentaNya see sira damawali manasanya sira tau madosa, apa sira sangkani mangewa porenta etu. Wali kanjo’u-njo’u tiduga-dugang tau mangika dosa. Pei nempo wimba kabaenya dosa ntau, ojo tiduga-dugang kanoto i mPue Allah. Wali kanoto i mPue Allah semo to bae kojo pei dosa ntau.

Ibrani 7:19

Apa ane porenta i Musa, taa nakurang mampasilonga bara kesaa. Wali porenta etu rabolosika anu to matao wo’u to kita maya mansarumaka, see kita maya mosu resi i Pue Allah.