Roma 7:4 - Tuntu i mPue ri Basa Taa

⁴ Wali a’i-a’i, ewa see seja kita. Tempo ruyu, porenta i Musa mawali ewa rongonta. Kita taa maya mampiyaika. Pei tempo koro i ngKerisitu rapopate yau, tempo etu kita seja mate sindara pei Ia wali kapate ngkita etu mangaga’a kita yako ri ara mporenta etu, see naka si’i-si’i kita maya mawali tau to yusa wo’u puenya. Wali kita mawali tau Puenya, etu semo i Yesu Kerisitu anu roomo rawangu muni yako ri kapateNya. Wali saba kita mawali Ia Puenya, see naka kita maya mangika lengko to mampakabae i Pue Allah.

Sura Magali Nuntu Ngkatuwu

⁴ Da ewanceʼe seʼe komi waʼa ngkasangkompoku, ri waʼa mpadika agama nto Yahudi komi matemo, maka komi ndapasambaʼa-mbaʼamo pai koro i ngKerisitu pai Siramo tumpunya, Sira anu ndapatuwumo muni ungka ri kapate. Sira ndapatuwu muni ungka ri kapate da naka reʼe yowe ngkatuwuta ri Pue Ala.

Roma 7:4 Referans Kwoze

1 Petrus 2:24

Wali i Kerisitu etu, Ia semo to mangkeni dosa ngkita ri koroNya tempo Ia rapaku ri kaju pasape. Pasi yako wela-wela to narata i ngKerisitu seore, see naka kita rapakatao. Ewa wetu inikaNya see kita maya mawali ewa tau mate to tamo nakuasang nu dosa. Pasi Ia mangika palaong etu see kita maya tuwu damangika lengko to singkonong pei i Pue Allah.

Roma 8:2

Apa kuasa i Nosa Mapasing to mangawaika kita katuwu room mangalapa kita yako ri kuasa nu dosa pasi yako ri kuasa ngkapate. Kuasa i Nosa Mapasing etu re’e resi kita apa saba kita samba’a pei i Kerisitu.

Roma 7:6

Pei si’i-si’i kita tamo nakuasang mporenta i Musa apa tempo kita mate sindara pei i Kerisitu, tempo etu kita tilapamo yako ri kuasa mporenta etu. Wali see naka si’i-si’i tempo kita mangika palaong i mPue Allah, kita tamo mangalulu porenta to ratulis ewa to kita mangika tempo ruyu. Si’i-si’i kita mangalulu jaya to bou mangika palaong i mPue, etu semo mangalulu to nato’oka i Nosa Mapasing kita.

Galatia 5:18

Pei ane kita nakentar i Nosa Mapasing, batuanginya kita tamo ri ara ngkuasa mporenta i Musa.

Kolose 1:22

Pei si'i-si'i i Pue Allah roomo mangawali komi see komi seja maya masingkatao pei Ia. Ia mangika palaong to etu mangampake koro i ngKerisitu to mate rapaku ri kaju pasape. Pasi naka pei Ia mangika ewa wetu see tempo Ia damamposaka komi ri tangoNya komi damapasing pasi tare lengko to maya rato'o sala pasi to masipato raseko.

Roma 6:22

Pei si’i-si’i komi tilapamo yako ri ara ngkuasa nu dosa pei mawali wo’u to papolaong i mPue Allah. Wali bae rasi ngkomi apa komi room mawali tau to ojo i Pue Allah Puenya pasi komi mangarata katuwu to singkasaenya.

Galatia 3:13

Pei tare pasi samba’a kita to takurang mangalulu samparia to nato’o mporenta i Musa etu, see naka kita samparia natanaa i mPue Allah. Pei kita tilapamo yako ri tanaa etu apa i Kerisitu mangabolos kita. Ia mangarata tanaa etu singkonong ewa to ratulis ri raya ntuntu i mPue Allah to manganto’o, “I sema-sema tau to rapaku ri kaju pasape, batuanginya tau etu natanaa i mPue Allah.” (Ulang 21:23) Wali tempo i Yesu rapaku ri kaju pasape, tempo etu Ia kono tanaa etu.

Roma 6:14

Apa dosa tamo re’e kuasa mamporentang kita apa kita si’amo ri ara mporenta. Si’i-si’i kita re’emo ri ara ngkanoto i mPue Allah.

Kolose 2:14

Ane tempo ruyu, kita rato'oka masipato rahuku apa kita taa mangalulu porenta-porenta to ratulis ri raya mporenta i Musa. Pei tempo i Kerisitu mate rapaku ri kaju pasape, i Pue Allah ewa mangkeni yau porenta etu pei mangampaku seja ri kaju pasape sindara-ndara pei Ia. Wali see naka tamo re'e to manganto'o kita masipato darahuku.

Kolose 1:10

Naka pei kami makai-kai ewa wetu, see komi damangika lengko ngkatuwu to masipato naika ntau to mangalulu i Pue pasi to sangkani mampakasanang Ia. Apa ane ewa see, boros ngaya palaong to matao to danuika ngkomi. Palaong etu maya raporapaka ewa wua ngkaju. Pasi kanjo'u-njo'u tiduga-dugang anu to komi mangansani mangkonong i Pue Allah.

Pangkita 19:7

Wali anu kita mampakasanang pasi ndende rayanta pasi mangabarong keyawaNya, apa ratamo temponya pampaporongo Ana nu Domba, pasi kasimpandeNya roomo mampasilonga koronya.

Roma 6:2

Gete taa! Tamo masipato kita mangika dosa apa kita nato’o i mPue Allah mate sindara-ndara pei i Kerisitu see dosa tamo maya mangkuasang kita.

Kolose 2:20

Wali tempo i Kerisitu mate ri kaju pasape, tempo etu komi seja mate sindara-ndara pei Ia, wali ewa tau mate tamo mangalulu ada, ewa see seja komi tamo mansarumaka ada nto lino. Wali see naka komi tamo rapakasaaka mangalulu pampobuuka ntau mangkonong lino si'i. Wali maka pei komi mangika lengko ngkatuwu ewa tau to tiroowa nakuasang nu lino si'i? Maka pei komi tiroowa mangaluluka ada to ojo yako ri pampobuuka nto lino?

Kolose 1:6

Wali komi mangandonge kareba matao etu seore pasi mawali manasa mangkonong ewa wimba kamonsonya kanoto i mPue Allah. Panewa yako etu kanjo’u-njo’u kaboro-boros komi to mangaya pasi to rawali lengko ngkatuwumu. Pasi palaong to mawali resi komi etu, palaong etu mawali seja ri sambawo lino tempo tau mangandonge kareba matao. Wali kareba matao etu maya raporapaka ewa kaju to boros wuanya.

Pilipi 4:17

Wali aku si’a mamporani wo’u sora yako resi komi naka pei aku mampatiendoka komi mangkonong palaong to etu. Si’a. Naka pei aku masanang mampobuuka sora ngkomi seore etu apa saba komi damangarata ntanapa to danawaika i mPue Allah komi apa saba mangika palaong to ewa wetu.

Yohanes 3:29

“Palaong to mawali etu raporapaka ewa tau to marongo. Apa to langkai ia semo to rapasiwaka pei to we’a, wali to we’a etu ia puenya. Pei galung nto langkai etu, ia masanang ojo mangalo’aka pasi mampodongeka palaong to mawali ri tempo mpaparongo etu. Pasi ia ndende kojo rayanya tempo ia mangandonge gombo ngkai to rapaporongo etu. Wali i Yesu Ia ewa to langkai to rapaporongo etu pasi tau to mangalulu Ia, sira ewa to we’a to naoko nto langkai etu, wali sira Ia puenya. Pasi aku ewa galungiNya, see naka aku ndende kojo rayangku mangandonge Ia mampogomboka tau boros ri tempo si’i.

Matius 26:26

Wali yako etu, tongo-tongonya kami mangkoni, i Yesu mangoko roti pei manganto’oka i Pue Allah, “Tarima matao.” Roo see Ia mangampesu-mpesutimo roti etu panewa Ia mangantilaka kami to anaguruNya. Ia manganto’o, “Oko pei koni, apa si’i korongKu.”

Pangkita 21:9

Wali ojo karoonya Ia magombo, panewa ma’i wo’u pomakau i mPue Allah. Ia samba’a yako ri pomakau pitu to mangkongko yama pitu to la’u pitu soba to kapuranya. Wali pomakau etu magombo resi aku, ia manganto’o, “Mai, aku damampaporaoka korom Kasimpande nu Ana Domba, etu semo ia to damawali rongonya.”

Ibrani 10:10

Wali i Yesu Kerisitu mampolaika pamporani i mPue Allah, pasi mampampueka koroNya resi Ia. Wali yako palaong to i Yesu Kerisitu sangkanija mangika etu, see naka kita mawali i Pue Allah Puenya. Pasi palaong etu tamo parluu raika wo’u kadua ngkaninya.

2 Korintus 11:2

Apa aku mamporayang komi, wali see naka aku timopo mampobuuka komi bara damangaluluka songka ntau to taa singkonong pei kareba matao. Wali aku kunsani katimopongku etu singkonong pei i Pue Allah. Apa komi raporapaka ewa tau we’a to tawa re’e nepenya to langkai. Pasi aku raporapaka ewa pa’a ngkomi to roomo mamporanika komi see komi mangkasimpandeka samba’a tau to damawali rongomu. Etu semo i Kerisitu. Wali pamporaningku komi ojo i Kerisitu semo to nululu ngkomi see komi tiroo ewa tau we’a to tawa nepenya to langkai ane ratamo temponya aku mampasiwaka komi pei Ia.

1 Korintus 10:16

Wali tempo kita manginu anu to re’e ri sangkir mangendo raa i ngKerisitu tempo Ia mate ri kaju pasape, tempo etu kita manganto’oka i Pue Allah tarima matao. Roo see kita manginu sindara-ndara. Wali palaong etu mawali tondong kita samparia mangarata kasanang apa kita room nolika i ngKerisitu raanya. Pasi tempo kita mangampesu-mpesu roti pei mangkoni sindara-ndara mangendo koro i ngKerisitu anu mate ri kaju pasape, palaong etu mawali tondong kita samparia rapasimba’a resi koro to si Ia etu.

Yohanes 15:8

Pasi ane komi bae wua mpalaongimu, ane ewa see sa’e damangabarong Pa’angKu. Pasi re’e wo’u to damawali ane komi bae wua mpalaongimu, etu semo damanasa resi sa’e komi anagurungKu.

Yohanes 6:51

Wali Aku semo pangkoni to mangawai katuwu, to ma’i yako ndate saruga. Wali i sema tau to mangkoni pangkoni si’i, tau etu datuwu singkasaenya. Pangkoni si’i korongKu semo to Aku mangawaika yau to lino see maya mangarata katuwu.”

Markus 4:20

Pei ane liano to rasawu kono re’e tana to maboko, tana etu batuanginya tau to mampodongeka kojo tuntu i mPue Allah pei mangaya. Wali pangaya ntau etu ri tuntu i mPue Allah raporapaka ewa pinumuya to mawua, re’e to mampowuaka togo mpuyu ngkani yako to rasawu, re’e to mampowuaka ono mpuyu ngkani yako to rasawu, pasi re’e to mampowuaka satu ngkani kaborosinya yako to rasawu.” Wali ewa wetu nato’o i Yesu mampakanasaka anaguruNya pasi joaNya to yusa batuanginya rapa mangkonong liano etu.

Roma 6:11

Wali ewa see seja matao kita mampobuuka, “Aku roomo mate yau sindara pei i Kerisitu wali aku tamo ri ara ngkuasa nu dosa. Pasi aku seja tuwu sindara-ndara pei i Pue Allah apa aku samba’a pei i Kerisitu Yesu.” Ewa wetu matao kita mampobuuka.

Roma 7:3

Wali ane tempo tuwuwa rongonya pei ia mamporongo wo’u to langkai to yusa, ia rato’oka masala. Pei ane matemo rongonya to ruyu etu pei ia mangoko wo’u samba’a to langkai to yusa, ia tamo rato’oka masala apa ia tilapamo yako ri ara mporenta to etu.