Roma 6:6 - Tuntu i mPue ri Basa Taa

⁶ Wali kita tansani tau to masae ngkita mate yau seja rapaku ri kaju pasape sindara-ndara pei i Kerisitu. Naka pei mate yau tau to masae ngkita etu see dosa to mangkuasang koronta si’i rapakaja’a yau kuasanya. Wali dosa etu tamo re’e kuasanya mamporentang wo’u kita.

Sura Magali Nuntu Ngkatuwu

⁶ Taincanimo ngkaliota anu masae matemo sangkani-ngkani pai i Kerisitu ri kaju ndapanggo da naka engkota anu masalaa ndagero; ua ewanceʼemo kita bareʼemo tuwu ri ara ngkuasa ncalaa.

Roma 6:6 Referans Kwoze

Galatia 2:20

Wali aku raporapaka ewa matemo, see naka si’amo aku to tuwu si’i, i Kerisitu semo to tuwu ri rayangku. Pasi ri raya ngkatuwungku ri lino si’i aku mangika lengko ngkatuwu to singkonong pei pangayangku resi Ana i mPue Allah. Apa Ia mamporayang aku pasi nangkapateka aku.

Epesus 4:22

Wali posaka yaumo tau ngkomi to masae. Tau ngkomi to masae etu semo to komi mangaluluka yau tempo ruyu. Apa tau ngkomi to masae etu kanjo’u-njo’u tiduga-dugang kaja’anya apa anu to naporani etu mangantipu yau. Wali see naka posaka yau tau ngkomi to masae etu ewa naika ntau mangawonsu yau baju to masae.

Galatia 5:24

Wali tau to i Kerisitu Puenya, tau etu mampobuuka pampobuukanya to masae ewa roomo mate rapaku ri kaju pasape sindara-ndara pei i Kerisitu. Wali anu to naporayang pasi to naporani mpampobuuka to masae etu, anu to etu tamo masipato mangkuasang ia.

Galatia 6:14

Pei ane aku, tare yusa to aku mangabarong. Ojo kapate i Yesu Kerisitu, Pue ngkita, ri kaju pasape, etu semo to kubarong. Apa yako kapate i Yesu Kerisitu ri kaju pasape, see naka anu to na’angga nto lino tamore batuanginya resi aku, pasi aku tamo seja re’e anggangku ri pangkita nto lino.

Kolose 3:5

Wali posaka yau pamporani ngkoro ngkomi to maja’a naka ne'e damangika lengko to taa singkonong pei i Pue Allah. Lengko etu semo ewamo mangika lengko to maja'a resi tau to si'a rongomu, mampobuuka anu to balamas bara mampolengkoka lengko to makarika, pamporani ndaya to taa rata'amaka, pamporani ndaya to maja'a, pasi lengko to bamporomung. Bamporomung etu sewaju pei mampue tau-tau.

Roma 8:13

Apa ane kita sangkani mangaluluka pampobuuka ngkita to masae etu, kita matantu damangarata kapate. Pei ane kita mangampake kuasa i Nosa Mapasing mangampobuuka kita ewa tau to matem to roomo raga’a yako ri lengko ngkoronya to maja’a, ane ewa see pampobuuka ngkita, kita datuwu.

Roma 6:22

Pei si’i-si’i komi tilapamo yako ri ara ngkuasa nu dosa pei mawali wo’u to papolaong i mPue Allah. Wali bae rasi ngkomi apa komi room mawali tau to ojo i Pue Allah Puenya pasi komi mangarata katuwu to singkasaenya.

Roma 6:12

Wali dosa tamo kojo re’e kuasa mamporentang kita. Wali ne’e kita mangabiaka dosa mamporentang koro ngkita to damate si’i see kita tamo ojo mangaluluka yau pamporani ndayanta to maja’a.

Roma 7:14

Wali kita tansani porenta i Musa matao kojo apa nawai i Nosa Mapasing. Pei aku ojo mangalulu pamporani ndayangku to maja’a. Aku ewa tau to room rapobalu yau mawali watua ntau. Pei aku dosa semo to mawali puengku.

2 Korintus 5:14

Saba pamporayang i ngKerisitu semo to mampakakoro raya mami mangika palaong to si Ia, apa kami masanang mampobuuka pamporayanginya etu resi kita. Apa kami mangaya kojo i Kerisitu, ojo Ia semo to namate mangkapateka samparia tau. Wali see naka samparia kita to mangaya Ia paka rato’oka ewa mate seja.

Titus 3:3

Apa kita to mangaya, tempo kita tawa mangaya seore, tempo etu kita tawa seja mangansani mangkonong i Pue Allah. Kita mangewa songka i mPue Allah pasi porenta ntau. Kita tempo etu ratipu, taa tansani jaya to monso. Pasi kita nakuasang mpamporani ndaya ngkita to maja’a. Wali nempo palaong to maja’a kita mangika, ane mampakasanang koro ngkita, kita mangika. Pasi pampobuuka ngkita tempo etu sangkani maja’a pasi kaloo. Kita sangkani maja’a takita sa’e, pasi sa’e maja’a nakita kita. Ewa see lengko ngkita tempo etu.