Roma 6:12 - Tuntu i mPue ri Basa Taa

¹² Wali dosa tamo kojo re’e kuasa mamporentang kita. Wali ne’e kita mangabiaka dosa mamporentang koro ngkita to damate si’i see kita tamo ojo mangaluluka yau pamporani ndayanta to maja’a.

Sura Magali Nuntu Ngkatuwu

¹² Neʼemo ndipapaliu salaa da mangkuasai katuwumi ri lino seʼi da naka komi bareʼemo tuwu ri ara ngkuasa anu majaʼa.

Roma 6:12 Referans Kwoze

Galatia 5:16

Wali ewa si’i aku manganto’o. Biaka i Nosa Mapasing mangkentar komi. Apa ane kita mangabiaka Ia mangkentar kita, ane ewa see, kita tamo damangaluluka pamporani mpampobuuka ngkita to masae.

Roma 6:16

Wali a’i-a’i, komi mangansani ane kita mangawaika koronta resi tau damangika pamporani ntau etu, batuanginya kita mawali to papolaong ntau to kita mampalaika etu. Pasi ewa see seja ane kita sangkani mangawaika koronta mangika dosa, kita mawali to papolaong nu dosa, panewa yako palaong etu kita mangarata kapate. Pei ane kita mampolaika i Pue Allah, kita mawali to papolaong to si Ia, wali see naka kita mangika lengko to singkonong pei Ia.

Roma 8:13

Apa ane kita sangkani mangaluluka pampobuuka ngkita to masae etu, kita matantu damangarata kapate. Pei ane kita mangampake kuasa i Nosa Mapasing mangampobuuka kita ewa tau to matem to roomo raga’a yako ri lengko ngkoronya to maja’a, ane ewa see pampobuuka ngkita, kita datuwu.

Galatia 5:24

Wali tau to i Kerisitu Puenya, tau etu mampobuuka pampobuukanya to masae ewa roomo mate rapaku ri kaju pasape sindara-ndara pei i Kerisitu. Wali anu to naporayang pasi to naporani mpampobuuka to masae etu, anu to etu tamo masipato mangkuasang ia.

2 Timotius 2:22

Wali ne’e mangalulu pamporani ndaya to biasa resi tau to mangurawa. Pei pakadota mangika lengko to singkonong pei i Pue Allah. Pakaroso pangayamu, porayang sa’e, pasi tuwu masingkatao pei samparia tau to makai-kai resi i Pue yako ri kabuya ndayanya.

Epesus 4:22

Wali posaka yaumo tau ngkomi to masae. Tau ngkomi to masae etu semo to komi mangaluluka yau tempo ruyu. Apa tau ngkomi to masae etu kanjo’u-njo’u tiduga-dugang kaja’anya apa anu to naporani etu mangantipu yau. Wali see naka posaka yau tau ngkomi to masae etu ewa naika ntau mangawonsu yau baju to masae.

Roma 2:8

Pei re’e seja tau to mampobuuka ojo koronya ngkalio to bae batuanginya. Sira bo’onya mangaluluka anu to monso to nato’o i mPue Allah, sira ojo mangaluluka yau anu to maja’a. Wali i Pue Allah damaja’a kojo rayaNya resi tau to etu pasi Ia damangahuku sira.

1 Petrus 2:11

Wali a’i-a’i to kuporayang kojo, ane ri lino si’i kita ewa tau to rata yako ri lipu to yusa, si’a ewa tau pue lipu. Wali see naka kuporapika kojo resi komi ne’e mangaluluka pamporani ngkoro ngkomi to maja’a. Apa pamporani ngkoro etu sangkani mangewa tonii ngkomi.

Titus 2:12

Wali yako kanoto i mPue Allah etu, Ia mampotundeka kita see kita mangansani matao ane mamposaka yau lengko to taa singkonong pei Ia, pasi mampondooka yau mangalulu pamporani nu lino si’i. Pasi yako kanotoNya Ia mampotundeka kita see kita mangansani seja matao ane manta’amaka rayanta re’e palaong to maja’a, pei mangika palaong to masipato raika pei to singkonong pei i Pue Allah ri rayanya kita tiroowa tuwu ri lino si’i.

Epesus 2:3

Wali tempo kita tawa mangaya, tempo etu kita samparia sewaju pei tau to taa mampolaika i Pue Allah etu. Apa tempo etu kita seja ojo mangaluluka yau pampobuuka ngkita to masae. Pasi kesaa to mampakasanang koro ngkita pasi pampobuuka ngkita, etu semo to kita mangika. Wali tempo etu kita masipato nahuku i mPue Allah sewaju pei tau to yusa, apa saba lengko ngkita to maja’a etu.

I Yudas 1:18

Sira re’e manganto’oka komi seore, to’onya, “Ane mosumo rata ri kapuranya temponya to si’i, tempo etu dare’e tau to bampokore. Tau etu ojo mangaluluka yau pamporani ndaya nsira to taa singkonong pei i Pue Allah.”

1 Petrus 1:14

Wali komi seja ana i mPue Allah, see naka masipato komi mangampolaika songka to si Ia. Pasi ne’e mangalulu pamporani ndaya to maja’a to nululu ngkomi tempo komi tawa mangansani kareba matao.

Titus 3:3

Apa kita to mangaya, tempo kita tawa mangaya seore, tempo etu kita tawa seja mangansani mangkonong i Pue Allah. Kita mangewa songka i mPue Allah pasi porenta ntau. Kita tempo etu ratipu, taa tansani jaya to monso. Pasi kita nakuasang mpamporani ndaya ngkita to maja’a. Wali nempo palaong to maja’a kita mangika, ane mampakasanang koro ngkita, kita mangika. Pasi pampobuuka ngkita tempo etu sangkani maja’a pasi kaloo. Kita sangkani maja’a takita sa’e, pasi sa’e maja’a nakita kita. Ewa see lengko ngkita tempo etu.

1 Tesalonika 4:5

Ne’e kita mangalulu lengko to naika ntau to yusa to taa mangansani i Pue Allah. Apa tau etu ojo mangaluluka yau pamporani ngkoro nsira to maja’a resi to we’a.

Roma 13:14

Pei anu kita mangika ewa wimba lengko i mPue Yesu Kerisitu. Ne’e kita ojo mampobuuka ewa wimba dataika mangabanang pampobuuka ngkita to masae.

Roma 8:11

Tempo owi i Pue Allah nangawangu muni i Yesu yako ri kapateNya. Ia mangika palaong etu yako ri kuasa i Nosa Mapasing, pasi i Nosa Mapasing etu semo to maroo ri raya ngkita. Wali nempo damate yau koro ngkita, i Pue Allah damangawangu muni seja kita yako ri kapatenta yako ri kuasa i Nosa Mapasing to maroo ri raya ngkita etu.

Roma 6:14

Apa dosa tamo re’e kuasa mamporentang kita apa kita si’amo ri ara mporenta. Si’i-si’i kita re’emo ri ara ngkanoto i mPue Allah.

Roma 5:21

Wali tempo ruyu, dosa re’e kuasa ri raya ngkatuwu ntau samparia see naka samparia tau mangarata kapate. Pei si’i-si’i kanoto i mPue Allah semo to re’e kuasa ri raya ngkatuwu ngkita. Wali yako ri kanotoNya etu i Pue Allah manganto’o kita tare dosanta see naka kita mangarata katuwu to singkasaenya apa saba to naika i Yesu Kerisitu, Pue ngkita.

I Yudas 1:16

Tau to danahuku i mPue Allah etu, etu semo tau to sakambumbu, pasi tau to mampakasala sa’e, tau to mangalulu pamporani ndayanya to maja’a, tau to tabaro, pasi tau to mangamomis tau to yusa see tau etu damangawaika sira anu to naporani nsira.”

Pomulanya 4:7

Ane korom mangika to singkonong pei Aku, korom damasanang rayamu. Pei ane korom taa mangika to singkonong pei Aku, ane ewa see korom taa damasanang rayamu apa korom mangika dosa semo. Wali dosa etu raporapaka ewa asu to maja’a kiranya to mampea ri sambali mbombo rani mangansoko korom. Wali dosa to raporapaka ewa asu to maja’a kiranya, dosa etu sangkani rani mangagoda korom, pei korom taa maya taa mangewa dosa etu naka ne’e mangika.” Etu semo to nato’oka i mPue Yawe i Kain.