Roma 5:8 - Tuntu i mPue ri Basa Taa

⁸ Pei ane i Pue Allah Ia yusa. Si’a apa saba kita matao naka pei Ia mampaponsanika kita ewa wimba kabaenya pamporayangiNya resi kita. Tempo kita tiroowa tau madosa, tempo etu semo i Kerisitu mangkapateka kita.

Sura Magali Nuntu Ngkatuwu

⁸ Paikanya i Pue Ala mampatongawa katowe ndaya-A ri kita ri kapate i ngKerisitu tilata sindara kita ntongo tuwu ri raya ncalaa!

Roma 5:8 Referans Kwoze

Yohanes 15:13

Pasi ane mangkonong pamporayang, tare pamporayang to bae wo’u pei pamporayang ntau to buya rayanya mate mangkapateka galunginya.

Yohanes 3:16

Apa bae kojo pamporayang i mPue Allah resi to lino, see naka Ia mangawai Aku, AnaNya to samba’aja, see i sema tau to mangaya Aku, tau etu taa darapakaja’aka yau, pei damangarata katuwu to singkasaenya.

Roma 5:6

Wali kita manasamo si’i-si’i mangkonong pamporayang i mPue Allah resi kita apa i Pue Allah mangampilis temponya, wali rata temponya to ipilisinya etu i Kerisitu mate mangkapateka kita. Tempo Ia mangkapateka kita etu kita taware karosonta pasi kita tiroo bali i mPue Allah.

1 Petrus 3:18

Apa sakowa i Kerisitu, Ia mangarata seja kasesa. Ia sangkanija mate mangansompo dosa ngkita, pasi kapateNya etu ganamo. Ia tare dosaNya, pei Ia mangkapateka kita to madosa see Ia maya mangika kita see mawali masingkatao pei i Pue Allah. Wali koroNya namate yau, pei yako kuasa i Nosa Mapasing Ia rawangu muni yako ri kapateNya etu.

1 Yohanes 3:16

Wali kita tansani seja batuanginya pamporayang apa i Kerisitu mawali tondong resi kita tempo Ia mangawai koroNya mangkapateka kita. Wali ane ewa see, masipato kita seja buya rayanta mangkapateka pua'i ngkita to samba'a pangaya taa manto’o mangansawang sira.

Yesaya 53:6

Wali kita samparia paka raporapaka ewa domba to roomo masepi yau yako ri jaya to monso. Kita ojo mangaluluka yau jaya to naporani ngkita samba’a pei samba’a. Pei i Pue Yawe roomo mangawaika yau resi to PapolaongiNya etu mamponsaruka yau huku nu dosa ngkita.

Epesus 2:7

Wali naka pei i Pue Allah mangika palaong to etu see ane ri tempo to darata Ia maya mampapokitaka samparia to lino pasi pomakauNya ndate saruga ewa wimba kabaenya kanotoNya resi kita. Bae kojo kanotoNya etu. Ia mamporayang kojo kita apa saba kita samba’a pei i Kerisitu Yesu.

Roma 4:25

I Yesu etu naposora yau i mPue Allah mangkapateka dosa ngkita, panewa roo see Ia nawangu muni i mPue Allah see kita to mangaya maya rato’o tare dosanta.

1 Timotius 1:16

pei nempo ewa see i Pue Allah mamporayang aku. Naka pei Ia mamporayang aku to bae kojo dosangku si’i see damawali tondong mangkonong ewa wimba kabaenya sabara i ngKerisitu Yesu. Wali sabaraNya to resi aku etu mawalimo tondong yako ri tempo si’i resi tau to damangaya Ia, pei to damangarata katuwu to singkasaenya saba sira mangaya Ia.

Roma 5:20

Wali naka pei i Pue Allah mangawaika to lino porentaNya see sira damawali manasanya sira tau madosa, apa sira sangkani mangewa porenta etu. Wali kanjo’u-njo’u tiduga-dugang tau mangika dosa. Pei nempo wimba kabaenya dosa ntau, ojo tiduga-dugang kanoto i mPue Allah. Wali kanoto i mPue Allah semo to bae kojo pei dosa ntau.

Roma 3:5

Wali manasa, nempo kita taa mangaya tuntu i mPue Allah pei Ia tiroo damangika ewa wimba Ia room manganto’o. Wali saba yako lengko ngkita to maja’a etu see naka tau to yusa mangansani matao kojo lengko i mPue Allah. Wali ane ewa see bara re’e tau bea to mampobuuka taa masipato i Pue Allah mangahuku tau to mangika lengko to maja’a ewa wetu, apa saba yako palaong nsira etu see naka tau to yusa mangabarong Ia. Ewa wetu pampobuuka ntau bea, wali wimba bara monso pu’u ewa pampobuukanya etu?

Roma 5:7

Wali ane ewa pampobuuka nto lino, sakowa tau to matao ia taa rani mangkapateka. Pei ane tau to manoto kojo, bara re’e yununya to mangkojeka damangkapateka tau etu. Pei taa biasa palaong etu mawali.

Roma 8:32

Apa i Pue Allah sakowa Ana to si Iaja Ia taa manganto’o, “Aku bo’ongKu mangawai.” Pei Ia mangawaika kita AnaNya etu mangkapateka kita samparia. Ia buya rayaNya mangawaika kita AnaNya, wali manasa kojo Ia buya seja rayaNya damangawaika kita samparia anu to yusa.

Roma 8:39

Pasi anu to ndate yangi bara ri wawo lino taa seja maya. Wali samparia anu to rapapowali, tare pasi samba’a to maya mangaga’a kita yako ri pamporayang i mPue Allah to re’e resi kita apa saba kita samba’a pei i Kerisitu Yesu, Pue ngkita.

Galatia 2:20

Wali aku raporapaka ewa matemo, see naka si’amo aku to tuwu si’i, i Kerisitu semo to tuwu ri rayangku. Pasi ri raya ngkatuwungku ri lino si’i aku mangika lengko ngkatuwu to singkonong pei pangayangku resi Ana i mPue Allah. Apa Ia mamporayang aku pasi nangkapateka aku.

Epesus 5:2

Pasi porayang sa’e ewa naika i ngKerisitu mamporayang kita. I Kerisitu mangkapateka kita pasi mampampueka koroNya resi i Pue Allah. Wali pampue i ngKerisitu etu mampakasanang kojo raya i mPue Allah, ewa pampue to magaya waunya to rapampueka resi Ia. Wali anu kita mamporayang sa’e ewa wetu.

Ibrani 8:3

Wali ponto to pampue to bae angganya, palaong nsira semo mampampueka resi i Pue Allah sora pasi pampue. Wali see naka to pampue to bae anggaNya to si kita etu re’e seja pampueNya to Ia mangkeni ri saruga etu.