Roma 5:5 - Tuntu i mPue ri Basa Taa

⁵ Wali pansarumaka etu taa mangantipu kita. Apa samparia to kita mansarumaka etu paka damawali kojo. Apa i Pue Allah room mangawaika kita i Nosa Mapasing, pasi i Nosa Mapasing etu mampaponsanika ri raya ngkita ewa wimba kabaenya pamporayang i mPue Allah resi kita.

Sura Magali Nuntu Ngkatuwu

⁵ Pampomata-mata seʼe bareʼe da melewa maka rayata buke pai towe mPue Ala, inceʼe ndawai i mPue ua potetala Inosa mPue Ala anu ndawaimo ri kita.

Roma 5:5 Referans Kwoze

Galatia 4:6

Wali apa saba komi roomo mawali ngana i mPue Allah, see naka Ia mampokau Nosa nu AnaNya ma’i maroo ri raya ngkomi see manasa kojo komi anaNya. Pasi yako Nosa nu AnaNya etu see naka komi mangansani manganto’oka i Pue Allah, “O Baba, Komi semo Pa’angku.”

Pilipi 1:20

Pasi aku mamporani kojo pasi mansarumaka i Pue see aku taa damangika bara kesaa to damampakamea aku. Kasimbalinya yako etu, aku rani see nempo kesaa to mawali resi aku ri tempo si’i, pei aku gana karoso ndayangku ewa tempo ruyu. Naka pei aku rani ewa wetu see i Kerisitu danapakabae ntau nempo aku bara tuwu nempo aku bara mate.

2 Timotius 1:12

Pasi apa saba palaong to inikangku etu see naka aku mangarata kasesa to ratangku si’i. Pei nempo ewa see, aku taa mea, apa aku kunsani Ia to aku mansarumaka. Pasi aku kuaya kojo Ia re’e kuasa mangajagai samparia anu to room aku mansarumakaka resi Ia sampe rata eonya darapangabotus to lino.

2 Korintus 1:22

Pasi i Pue Allah seja to mangantondong kita see manasa kita Ia Puenya. Apa Ia roomo mangawai NosaNya maroo ri raya ngkita. Wali yako NosaNya to maroo ri rayanta etu, see naka matantu kojo kita damangarata samparia to naparajanjika i mPue Allah tauNya. Wali i Pue Allah monso pu’u mangabanang samparia parajanjiNya resi kita. Pasi ewa see seja dakuika mangabanang gombongku resi komi.

1 Yohanes 4:19

Wali naka pei kita mamporayang i Pue Allah apa Ia semo to uyunya mamporayang kita.

Epesus 1:13

Pasi komi seja damangabarong kayawaNya apa komi re’e seja mangandonge kareba to monso, etu semo kareba matao to mangampalaes komi. Panewa yako etu komi mansarumaka seja i Kerisitu. Wali tempo komi mangaya, tempo etu i Pue Allah mangawaika komi i Nosa Mapasing anu to naparajanjika tempo owi. Wali i Nosa Mapasing mawali tondong ri raya ngkomi mampakanasa komi seja i Pue Allah Puenya.

Palaong mPomakau i mPue Yesu 2:33

“Wali i Yesu tiokotaka damatunda ri tampa to bae angganya ri tondo ngkana i mPue Allah. Pasi i Pue Allah, Pa’aNya mangawaika Ia i Nosa Mapasing to room raparajanjika tempo owi. Wali i Yesu mantudumaka seja i Nosa Mapasing resi kami, wali palaong to nukita ngkomi pasi to nudonge ngkomi si’i batuanginya i Nosa Mapasing to natudumaka i Yesu etu naratamo resi kami.

Epesus 4:30

Wali ne’e mangika lengko pasi gombo to mampakamawo i Nosa Mapasing to i Pue Allah Puenya. Apa i Nosa Mapasing maroo ri raya ngkita to mangaya damawali tondong to mampakatantuka palaong to damawali resi kita. Etu semo kita danalapa i mPue Allah yako ri lino madosa si’i.

Galatia 5:22

Pei lengko to naika ntau to mangalulu pamporani i Nosa Mapasing, lengko etu raporapaka ewa wua ngkaju to matao. Wali lengko etu semo sira mamporayang sa’e, ndende rayanya pasi rodo rayanya. Sira bae sabaranya, matao resi sa’e, manoto resi sa’e pasi masipato rasarumaka.

Palaong mPomakau i mPue Yesu 2:17

Ia mangantulis gombo i mPue Allah, to’onya, ‘Ane rata ri kapuranya temponya to si’i Aku damangantudumaka NosangKu resi samparia to lino. Wali nganamu to langkai pasi to we’a sira damampakarebaka komi tuntungKu. Pasi ane to langkai to si komi to mangurawa sira damangkita pangkita to Aku mampapokitaka sira, pasi to tu’amo damampongipika mangkonong pangipi to daKuwaika sira.

2 Tesalonika 2:16

Wali kami makai-kai resi i Yesu Kerisitu, Pue ngkita, pasi resi i Pue Allah, Pa’a ngkita. Ia mamporayang kita pasi yako kanotoNya Ia roomo mangawaika kita karoso ndaya to singkasaenya pasi Ia mangawaika seja kita pansarumaka to matao.

2 Korintus 4:6

Wali tempo owi, tempo lino si’i ojo mawuri, i Pue Allah manganto’o, “Powalimo reme,” panewa re’e reme to mangansindo lino to mawuri etu. Wali tempo si’i i Pue Allah semo to ewa mangansindo pampobuuka ngkita see mareme seja. Batuanginya naka pei Ia mangika ewa wetu, see kita mangansani pasi maya mampaponsanika sa’e mangkonong kayawa i mPue Allah apa saba roomo mangalo’aka lio i Yesu Kerisitu.

Roma 8:28

Wali i Pue Allah room mampokio kita singkonong pei songkaNya pasi kita mamporayang Ia. Wali see naka nempo kesaa to mawali resi kita i Pue Allah mangansawang see palaong etu mawali bae batuanginya resi kita.

1 Korintus 8:3

Pei tau to mamporayang i Pue Allah, tau etu nansani i mPue Allah.

2 Korintus 3:18

Wali apa saba tamo re’e to mangabombong pampobuuka ngkita to mangaya, see naka kita samparia maya mampobuuka kojo kayawa i mPue. Pampobuuka ngkita etu raporapaka ewa mangalo’a kayawa i mPue ri raya nsami. Wali ri rayanya kita mampobuuka kayawa i mPue etu, kanjo’u-njo’u lengko ngkita darawali si-singkodi kasae-sae dasewaju ewa Ia. Pasi kanjo’u-njo’u tiduga-dugang kayawa ngkita yako resi Nosa i mPue.

Palaong mPomakau i mPue Yesu 10:45

Wali to Yahudi to mangaya i Yesu to mangalulu i Petrus yako nja’u kota Yope, sira ipu kojo rayanya apa i Pue Allah re’e mantudumakaka tau to si’a to Yahudi soraNya, etu semo i Nosa Mapasing.

Roma 1:7

Wali aku mangantulis sura si’i resi samparia komi to mangaya i Pue ri kota Roma. Komi naporayang kojo seja i mPue Allah pasi Ia room mangika jaya see komi mawali seja tauNya. Wali aku makai-kai see i Pue Allah, Pa’a ngkita, pasi i Pue Yesu Kerisitu, damampaponsanika komi kanotoNya pasi mangawaika komi karodo ndaya.

Roma 9:33

Wali palaong etu re’e ratulis yami ri raya ntuntu i mPue. I Pue Allah mamporapaka i Yesu ewa watu to rakatisumpul etu. Ia manganto’o, “Padongeka kojo! Aku re’e mamposaka watu nda’a kota Yerusalem to rato’oka seja Sion. Etu semo watu to nakatisumpul ntau, pasi watu to bae to nakatirombi nsira etu naka pei sira tisiba yau. (Yesaya 8:14) Pei i sema tau to mansarumaka watu etu, tau etu taa darapakamea apa anu to nasarumaka nsira monso pu’u.” (Yesaya 28:16) Ewa wetu to ratulis ri raya ntuntu i mPue Allah.

2 Korintus 13:14

Pasi aku makai-kai see kanoto i mPue Yesu Kerisitu, pasi pamporayang i mPue Allah, pasi kasingkatao to nawai i Nosa Mapasing dare’e resi komi samparia. Ungkanyamo ruyu gombongku si’i.

1 Tesalonika 4:8

Wali see naka i sema-sema tau to bo’onya mampodongeka gombo si’i, tau etu si’a mangampobo’o gombo nto lino. Ia mampobo’o gombo i mPue Allah to roomo mangawaika seja kita i Nosa Mapasing to yako resi Ia.