Roma 5:2 - Tuntu i mPue ri Basa Taa

² Kita mangaya Ia, wali see naka Ia mangika jaya see kita mangarata kanoto i mPue Allah. KanotoNya etu re’emo resi kita si’i-si’i. Wali kita ndende rayanta apa kita mansarumaka kojo kita datuwu sindara-ndara pei i Pue Allah ri raya ngkayawaNya.

Sura Magali Nuntu Ngkatuwu

² Ua kita meaya ri Yesu Kerisitu, inceʼe mawai jaya ri kita tuwu ri towe mPue Ala, ri raya ntowemo setu katuwuta wawaseʼi. Inceʼe puʼunya da mawongko rayata maka kita tuwu ri pampomata-mata ri kalindo ndaya anu ndawai i mPue Ala.

Roma 5:2 Referans Kwoze

Epesus 2:18

Apa yako to naika i ngKerisitu mampansaruka kita, see naka kita samparia maya mampotango i Pue Allah, Pa’a. Pasi kita samparia mampotango Ia paka yako ri kuasa i Nosa Mapasing anu to samba’aja etu.

Epesus 3:12

Wali saba kita samba’a pei i Kerisitu Yesu pasi saba kita mangaya Ia, see naka kita taa meka pasi taa seja bata-bata raya ngkita mampotango i Pue Allah.

1 Korintus 15:1

Wali a’i-a’i, aku rani mampatiendoka komi mangkonong kareba matao to aku nampakarebaka resi komi seore. Wali tempo aku mampakarebaka komi kareba matao etu, tempo etu komi mangaya, pasi pangaya ngkomi ri kareba matao etu maroso kojo rataka ri tempo si’i.

1 Petrus 3:18

Apa sakowa i Kerisitu, Ia mangarata seja kasesa. Ia sangkanija mate mangansompo dosa ngkita, pasi kapateNya etu ganamo. Ia tare dosaNya, pei Ia mangkapateka kita to madosa see Ia maya mangika kita see mawali masingkatao pei i Pue Allah. Wali koroNya namate yau, pei yako kuasa i Nosa Mapasing Ia rawangu muni yako ri kapateNya etu.

Roma 12:12

Anu kita masanang kojo mampobuuka samparia anu to danawaika i mPue Allah kita. Pasi anu kita mampakabae sabaranta ri raya ngkasesa, pasi pakadota makai-kai resi i Pue Allah.

2 Tesalonika 2:16

Wali kami makai-kai resi i Yesu Kerisitu, Pue ngkita, pasi resi i Pue Allah, Pa’a ngkita. Ia mamporayang kita pasi yako kanotoNya Ia roomo mangawaika kita karoso ndaya to singkasaenya pasi Ia mangawaika seja kita pansarumaka to matao.

2 Korintus 4:17

Apa kasusa to kami mangarata taa mabeu ane rapasewajuka pei kayawa to kami damangarata ri tempo to darata. Kayawa etu semo to bae-bae pei kasusa to kami mangarata tempo si’i. Kasusa etu taa masae pei kayawa etu singkasaenya.

Yohanes 5:24

“Aku manganto’oka komi, monso pu’u i sema tau to mampodongeka gombongKu pasi mangaya Ia to nampokau Aku, tau etu re’e katuwu to singkasaenya, wali ia tamo darahuku. Apa ia tamo re’e ri jaya to mangarata kapate pei ia re’emo ri jaya to mangarata katuwu.

Roma 15:13

Wali aku makai-kai resi i Pue Allah anu mangawaika kita pansarumakanta. Aku mamporapika resi Ia see Ia damangawaika komi kasanang pasi karodo ndaya to bae kojo apa saba komi mangaya Ia. Pasi aku makai-kai see kanjo’u-njo’u tidugang wo’u pansarumaka ngkomi naika ngkuasa i Nosa Mapasing. Mangkonong Palaong to Nawaika i mPue Allah i Paulus

Pangkita 21:23

Pasi kota etu tamo parluu wo’u karemenya yako eo pasi wuya. Apa kayawa i mPue Allah etu semo mampakareme pasi Ana nu Domba Ia semo lampunya.

Pangkita 21:3

Wali ojo karoonya aku mangkita kota etu, panewa aku mangandonge wo’u loo to maroso yako ri gadera Makole. Loo etu manganto’o, “Lo’aja, tampa nakaroo i mPue Allah re’e ri oyo nto lino. Ia damaroo resi sira, pasi sira damawali tauNya. Wali i Pue Allah semo damaroo ri oyo nsira panewa Ia damawali Allah to napue nsira.

Roma 5:5

Wali pansarumaka etu taa mangantipu kita. Apa samparia to kita mansarumaka etu paka damawali kojo. Apa i Pue Allah room mangawaika kita i Nosa Mapasing, pasi i Nosa Mapasing etu mampaponsanika ri raya ngkita ewa wimba kabaenya pamporayang i mPue Allah resi kita.

Roma 3:23

Apa samparia tau paka madosa pasi taa kojo masipato mangarata tilanya yako kayawa i mPue Allah.

Roma 2:7

Wali re’e tau to sangkani mangika lengko to matao apa sira rani nabarong pasi na’angga i mPue Allah pasi rani mangarata katuwu to tare kapuranya. Ane tau etu, i Pue Allah damangawaika sira katuwu to singkasaenya.

Yohanes 14:6

Wali i Yesu manganto’o, “Aku semo jaya to rata resi Pa’angKu. Pasi Aku semo to mampakanasaka tau anu to monso mangkonong Ia, pasi Aku semo pu’u ngkatuwu to singkasaenya. Wali tare tau to rata resi Pa’angKu ane taa mangalulu Aku.

Yohanes 10:7

Wali see naka i Yesu manganto’o, “Aku manganto’oka komi, monso pu’u Aku semo to raporapaka ewa wombo to napake nu domba masua ri raya ntondoknya.

Pangkita 21:11

Wali kota etu nja’u kayawa i mPue Allah, pasi kota etu makilo ewa watu to masuli olinya to rato’oka yaspis. Yaspis etu polas ralo’aka ewa kasa to rato’oka kristal.

Pangkita 3:21

Wali i sema tau to manang, tau etu Aku damangawaika kuasa matunda ri gadera makole sindara-ndara pei Aku, sewaju ewa nikangKu manang pasi matunda sindara-ndara pei Pa’angKu ri gadera to si Ia.

Ibrani 6:18

Wali i Pue Allah taa maya mawuti, wali see naka manasa Ia taa mawuti tempo Ia mangika parajanjiNya. Pasi Ia taa seja mawuti tempo Ia mangampake sangaNya mampakatantu parajanjiNya etu. Pasi samparia gombo to ito’okaNya tempo mangika parajanji pasi tempo mampakatantu parajanjiNya etu taa kojo damambali. Wali see naka kita to roomo mampago i Pue Allah darapalaes, kita rapakaroso rayanta see tare pandoonya mansarumaka i Pue Allah pasi mangampeas anu to Ia roomo mamparajanjika, to kita damangarata.

Roma 8:24

Wali tempo si’i kita roomo rapalaes, pei kita tawa mangarata samparia anu to danawaika i mPue Allah kita. Tempo si’i kita owo mangansarumaka damangarata. Wali ane kita owo mansarumaka damangarata, batuanginya kita tawa mangarata, apa tare tau to mansarumaka damangarata anu to re’emo resi ia.

Roma 8:1

Wali si’i-si’i tau to samba’a pei i Kerisitu Yesu, to tamo mangaluluka pamporani ndayanya to maja’a, pei jamo mangaluluka pamporani i Nosa Mapasing, tau to etu taa tuwu ewa tau to rahuku.

Palaong mPomakau i mPue Yesu 14:27

Wali ojo kadongka nsira nja’u Antiokhia, sira mana’u yako ri bangka panewa roo see sira yau mampasiromunaka tau to mangaya to nja’u nja’u ria. Panewa sira dua mangansaritaka tau etu mangkonong samparia to naika i mPue Allah ri raya mpalinja nsira. Pasi sira dua mangansaritaka seja tau Antiokhia etu mangkonong ewa wimba naika i mPue Allah seore mampaponsanika seja tau to si’a to Yahudi see tau to si’a to Yahudi etu mangaya seja i Pue Yesu.

Matius 25:21

“Wali tau puenya manganto’o, ‘Matao kojo! Korom to papolaong to matao pasi to masipato rasarumaka. Wali apa saba korom masipato rasarumaka mampasilonga palaong to kodi etu, see naka aku damangokotaka korom damampasilonga palaong to bae wo’u batuanginya. Wali pasuamo pei pakandende rayamu sindara-ndara pei aku.’

Epesus 6:13

Wali pake samparia anu to nawaika i mPue Allah darapake mamusu etu see ane ratamo temponya kita mamusu, kita datakurang mangewa balinta etu. Pasi ane room manganangi balinta, kita tiroo maroso rayanta.

2 Korintus 3:18

Wali apa saba tamo re’e to mangabombong pampobuuka ngkita to mangaya, see naka kita samparia maya mampobuuka kojo kayawa i mPue. Pampobuuka ngkita etu raporapaka ewa mangalo’a kayawa i mPue ri raya nsami. Wali ri rayanya kita mampobuuka kayawa i mPue etu, kanjo’u-njo’u lengko ngkita darawali si-singkodi kasae-sae dasewaju ewa Ia. Pasi kanjo’u-njo’u tiduga-dugang kayawa ngkita yako resi Nosa i mPue.

Roma 14:4

Wali yunu ngkita etu to papolaong i mPue Allah semo, wali taa masipato kita mangabotus to papolaong nsa’e. Puenya semo to maya mangabotus tau etu pei manganto’o bara sala bara taa. Pasi yununta etu damangika anu to masipato raika, apa i Pue re’e kuasa mangansawang ia see ia mangika anu to masipato etu.

Roma 11:20

Monso ewa nuto’o ngkomi etu, pei ne’e mangkalingan naka pei sira rapu’ak yau apa sira taa mangaya. Pasi naka pei komi mainti nja’u kaju etu apa saba komi mangaya. Wali ne’e mangei. To tao-tao tabe kojo.