Roma 5:11 - Tuntu i mPue ri Basa Taa

¹¹ Pei si’a ojo etu. Kita ndende kojo rayanta mampobuuka i Pue Allah apa saba to naika i Yesu Kerisitu, Pue ngkita. Saba yako to naika i Yesu Kerisitu see naka kita masingkatao pei i Pue Allah.

Sura Magali Nuntu Ngkatuwu

¹¹ Meruu pai inceʼe da mawongko rayata woʼu kono kapande ndaya mPue Ala anu tongawa ri Pueta i Yesu Kerisitu. Maka mampojaya i Yesu Kerisitu, kita wawaseʼi reʼemo ri pokenta anu meawa pai i Pue Ala.

Roma 5:11 Referans Kwoze

Roma 5:10

Pasi matantu tempo ruyu kita bali i mPue Allah, pei apa saba kapate nu AnaNya see naka kita rawali see maya masingkatao pei Ia. Wali ane kita roomo masingkatao pei i Pue Allah, wali matantu wo’u saba yako katuwu nu AnaNya see naka kita darapalaes see tamo danahuku i mPue Allah.

Pilipi 4:4

Wali ne’e pura yau kandende ndaya ngkomi apa saba komi seja samba’a pei i Pue. Pasi kuto’oka wo’u komi pakandende raya!

Galatia 4:9

Pei si’i-si’i komi mangansanimo i Pue Allah. Pasi to kono wo’u rato’o, i Pue Allah mangansanimo komi! Wali ane ewa see, maka pei komi mangandolika muni tango ngkomi resi ada-ada nto lino? Ada etu tare batuanginya pasi tare kuasanya mangansawang komi, wali maka pei komi mamporani mawali muni watua nu ada etu?

1 Petrus 1:8

Wali kamonsonya tempo si’i komi tawa mangkita i Yesu Kerisitu etu, pei nempo ewa see komi tiroo mamporayang Ia. Pasi nempo komi tawa seja mangkita Ia, komi tiroo mangaya Ia, wali see naka ndende raya ngkomi. Pasi bae kojo kandende ndaya ngkomi etu. Wali taa gana ane ojo gombo ngkita to lino damampakanasa kabaenya kandende ndaya etu.

Kolose 2:6

Wali seore komi mangantima i Kerisitu Yesu, Pue ngkita, yako ri pangaya ngkomi, wali ewa wetu seja ika lengko ngkatuwu to masipato raika apa komi samba'a pei Ia.

Pilipi 3:3

Wali jagai kojo tau to ewa wetu apa si’a sira to nato’o i mPue Allah tauNya to rasui. Kamonsonya kita to mangaya, kita semo to nato’o i mPue Allah tauNya to rasui, apa kita semo to mampue mampakabae i Pue Allah yako ri pansawang NosaNya. Pasi kita ndende rayanta apa saba palaong to naika i ngKerisitu Yesu resi kita, pasi kita taa mansarumaka palaong to naika nto lino.

Pilipi 3:1

Wali a’i-a’ingku, re’e katawanya aku mampakaroo sura si’i, re’e wo’u paposia to aku rani manganto’oka komi. To tao-tao ndende raya ngkomi apa komi seja samba’a pei i Pue. Aku taa mosa mangantulisika wo’u komi mangkonong anu to aku roomo manganto’oka komi. Apa samparia paposia to aku manganto’oka komi damangajagang katuwu ngkomi.

Galatia 5:22

Pei lengko to naika ntau to mangalulu pamporani i Nosa Mapasing, lengko etu raporapaka ewa wua ngkaju to matao. Wali lengko etu semo sira mamporayang sa’e, ndende rayanya pasi rodo rayanya. Sira bae sabaranya, matao resi sa’e, manoto resi sa’e pasi masipato rasarumaka.

1 Korintus 10:16

Wali tempo kita manginu anu to re’e ri sangkir mangendo raa i ngKerisitu tempo Ia mate ri kaju pasape, tempo etu kita manganto’oka i Pue Allah tarima matao. Roo see kita manginu sindara-ndara. Wali palaong etu mawali tondong kita samparia mangarata kasanang apa kita room nolika i ngKerisitu raanya. Pasi tempo kita mangampesu-mpesu roti pei mangkoni sindara-ndara mangendo koro i ngKerisitu anu mate ri kaju pasape, palaong etu mawali tondong kita samparia rapasimba’a resi koro to si Ia etu.

Roma 11:15

Apa tempo i Pue Allah nangandolika tangoNya yako resi to Yahudi, tempo etu Ia mangawaika yau rasi nsira resi tau to si’a to Yahudi. Wali apa saba i Pue Allah mangandolika tangoNya yako resi to Yahudi see naka tau to si’a to Yahudi sira mangarata kasanang, ane ewa see bae wo’u kasanang to danarata nsira tempo i Pue Allah mangandolika muni tangoNya resi to Yahudi. Wali palaong etu maya raporapaka ewa sira mambangu muni yako ri kapatenya.

Roma 2:17

Wali a’i-a’ingku, komi manganto’o, “Kami si’i to Yahudi.” Komi mansarumaka porenta i Musa pasi komi tabaro, manganto’o, “Kami semo tau to napilis i mPue Allah.”

Yohanes 1:12

Pei re’e tau to masanang mangantima Ia pasi to mangaya mangkonong Ia, wali samparia tau to etu Ia mangawaika kuasa damawali ana i mPue Allah.

Lukas 1:46

Wali i Maria manganto’o, “Rayangku mangabarong i Pue,

Roma 5:1

Wali si’i-si’i kita nato’o i mPue Allah tare dosanta apa saba pangayanta. See naka kita masingkatao pei i Pue Allah apa saba to naika i Yesu Kerisitu, Pue ngkita.

Roma 5:3

Pei si’a ojo pansarumakanta etu naka pei kita ndende rayanta. Kamonsonya nempo mangarata kasusa kita ndende seja rayanta, apa kita tansani yako ri kasusa to kita mangarata etu kita mawali maroso wo’u rayanta manta’amaka pansoba.

Roma 8:23

Pei si’a ojo anu to napapowali i mPue Allah etu to sakarai, kita seja. Pei kita room mangarata i Nosa Mapasing wali i Nosa Mapasing semo tondong samparia anu to tiroo danawaika i mPue Allah kita. Wali kita seja sakarai mangampeas temponya i Pue Allah damangalapa koro ngkita yako ri kuasa ngkapate pasi mampaponsanika tau boros kita semo anaNya.

Roma 9:10

Pasi si’a ojo to etu. Si’i wo’u rapa to mangkonong i Yakub sira dua i Esau. Sira dua ana ma’api, ana i Ribka. Pasi sira dua samba’aja pa’anya, etu semo bue ngkita, i Ishak.

2 Korintus 8:19

Pei ia si’a ojo nabarong ntau i mPue to siromu nja’u lipu-lipu etu. Ia napilis seja nsira damangalulu kami ri raya mpalinja mami damangkenika pua’i ngkita sora to roomo rapasiromunaka si’i. Wali naka pei kami mampasiromunaka sora pei mangkenika sa’e etu see i Pue danabarong ntau. Pasi kami mangika palaong to etu damampaponsanika tau kabuya ndaya mami mangansawang sa’e.