Roma 4:2 - Tuntu i mPue ri Basa Taa

² Wali ane i Abraham nato’o i mPue Allah tare dosanya apa saba palaong to inikanya, masipato ia tabaro. Pei nempo wimba kataonya palaong to inikanya etu, ia taa maya tabaro ri tango i mPue Allah.

Sura Magali Nuntu Ngkatuwu

² Ane kono powia mampapopuʼu Sira ndatarima i mPue Ala, ewa sambaʼa tau anu mampakawongko raya i mPue Ala, ane ewanceʼe da reʼe yau jayanya Sira da mekiunde. Paikanya Sira bareʼe mekiunde ri suara mPue Ala.

Roma 4:2 Referans Kwoze

1 Korintus 1:31

Wali etu semo batuanginya gombo to ratulis ri raya ntuntu i mPue Allah to manganto’o, “I sema-sema tau to tabaro, to tao-tao ia ojo tabaro mangkonong anu to naika i mPue.” (Yeremia 9:24) Wali etu semo gombo to ratulis.

2 Korintus 11:30

Wali yako kasesa to aku mangarata etu, see naka manasa pu’u aku mayu’u rayangku. Wali kamonsonya aku taa rani tabaro, pei ane rapanya aku tabaro, ane ewa see aku databaro ojo mangkonong palaong to mampakanasa kayu’u ndayangku etu. Apa ane ewa see, manasa resi komi aku taa seja gana karoso ndayangku ane taa nasawang i mPue.

Pilipi 3:9

Pasi apa saba aku samba’a pei i Kerisitu, see naka aku nato’o i mPue Allah tare dosangku. Pei si’a yako palaong to inikangku mangalulu porenta i Musa naka pei aku nato’o i mPue Allah tare dosangku. Yako pangayangku resi i Kerisitu semo. Wali i Pue Allah semo to mangika jaya see Ia maya manganto’o aku tare dosangku apa saba pangayangku etu. See naka aku tamo kojo rani mangika palaong to inikangku seore tempo aku mansarumaka porenta i Musa.

Epesus 2:9

Wali si’a yako palaong ngkita naka pei kita rapalaes, see naka tare tau to maya tabaro.

Galatia 3:22

Pei porenta taa maya mangawaika kita katuwu. Apa porenta to ri raya ntuntu i mPue Allah, porenta etu semo to mampakanasa samparia to lino paka ri ara ngkuasa nu dosa. Wali naka pei i Pue Allah mangawaika tau porentaNya see manasa kojo resi kita ojo samba’a jaya daralapa yako ri kuasa nu dosa. Etu semo mangantima sora to Ia roomo mamparajanjika resi tau to mangaya i Yesu Kerisitu. Wali ojo tau to mangaya semo to mangarata parajanji etu.

1 Korintus 9:16

Apa aku nempo mampakarebaka tau kareba matao, aku taa maya tabaro, apa etu semo palaong to nato’oka i mPue Allah aku mangika. Wali aku damangarata kasusa ane taa mampakarebaka kareba matao.

1 Korintus 1:29

Wali see naka tare to lino to maya tabaro ri tango i mPue Allah.

2 Korintus 5:12

Wali gombo mami manganto’o “kami tare songka to maja’a”, gombo etu si’a batuanginya kami mangabarong wo’u koro mami. Si’a kojo. Pei ane komi buya rayamu mampasimbalika pasi mangabarong kami apa saba komi mangansani kami tare manganto’o anu to taa monso, etu matao seja, see tau to manganto’o maja’a kami damangansani pampobuuka ngkomi. Pasi ane ewa see, re’e yami pasono to danuto’o ngkomi damangansono tau to ojo manga’angga pangka ntau, pei taa manga’angga raya ntau.

Roma 15:17

Wali, saba aku samba’a pei i Kerisitu Yesu, see naka masipato aku mangabarong mangkonong palaong to nikangku resi i Pue Allah etu.

Pomulanya 12:18

Tempo i Makole pasi tau ri banuanya mawali masaki etu, panewa ia manasanya i Sarai kamonsonya ia indo nu ana i Abram, si’a tua’inya. See naka ia mampokau tau yau mampokio i Abram. Wali i Abram yau mampotango i Makole etu. Ojo karatanya resi ia, i Makole manganto’o, “Gete! Maka pei korom mangawutis aku? Korom manganto’oka aku tau we’a si’i a’imu semo, see naka aku mangoko ia damawali indo nu anangku. Pei kamonsonya si’a a’imu, ia indo nu anamu! Wali gete, oko munimo ia pei piyai!” Etu semo gombo i Makole Piraun resi i Abram.

2 Korintus 11:12

Pei nempo aku mamporayang komi, aku taa marapi sawang resi komi to Korintus. Pasi aku taa damandoo mangika ewa wetu. Sabanya naka pei aku taa marapi sawang resi komi see manasa resi komi taa monso gombo ntau to ojo mampoanika pomakau i ngKerisitu. Tau etu rani tau mampobuuka sira sewaju pei kami. Sira tabaro manganto’o, “Kami sewaju pei i Paulus pasi yununya.” Ewa wetu gombo nsira mangabarong koro nsira. Pei kamonsonya tau etu taa sewaju pei kami apa sira taa kojo mamporayang komi pasi sira sangkani marapi rasawang.

1 Korintus 4:7

Wali gete komi to manganto’o ewa wetu, sema nangokotaka komi mawali to bae batuanginya? Kesaa to re’e resi komi to si’a i Pue Allah nangawai? Tare. Samparia anu to re’e resi komi paka i Pue semo mangawaika. Wali maka pei komi tabaro ewa tau to mangarata kasugi yako ri palaong to si iaja?

Pomulanya 12:20

Wali roo see ia mampokau joanya, to’onya, “Inta pei wawa i Abram pasi indo nu ananya pasi samparia to ia puenya pei paposuwu muni sira yako ri tana Mesir si’i!” Wali sira mangika palaong to etu.