Roma 3:22 - Tuntu i mPue ri Basa Taa

²² Wali jaya etu semo samparia tau to mangaya i Yesu Kerisitu, tau etu danato’o i mPue tare dosanya. Ia taa mampasisala tau.

Sura Magali Nuntu Ngkatuwu

²² kaʼi Pue Alanya mawaimo jaya ri tolino da simadago pai Sira, podo ane tolino meaya ri Yesu Kerisitu. Inceʼi ndapowia mPue Ala tila ntau pura-pura anu meaya ri Yesu Kerisitu; maka bereʼe posisalanya.

Roma 3:22 Referans Kwoze

Roma 10:12

Wali gombo etu kono kita samparia apa tare pasisalanya to Yahudi pasi tau to si’a to Yahudi. Kita to lino samparia paka samba’aja Pue ngkita. Pasi Ia bae kanotoNya resi samparia tau to makai-kai resi Ia marapi rasawang.

Galatia 3:28

Wali apa saba komi samba’a pei i Kerisitu, batuanginya komi seja rapasimba’a. Wali ane ri pangkita i mPue Allah tare pasisalanya to Yahudi pasi tau to si’a to Yahudi. Pasi tare pasisalanya watua pasi tau to si’a watua. Pasi tare seja pasisalanya to langkai pasi to we’a.

Galatia 2:16

Pei si’i-si’i kita tansani si’a yako tau mangalulu porenta i Musa naka pei ia nato’o i mPue Allah tare dosanya. Yako pangayanya resi i Yesu Kerisitu naka pei tau nato’o i mPue Allah tare dosanya. Wali kita mangansani etu, see naka ewa see seja to naika ngkita. Kita roomo mangaya i Kerisitu Yesu see yako pangayanta resi i Kerisitu Yesu etu kita maya nato’o i mPue Allah tare dosanta. Si’a yako kita mangalulu porenta i Musa, apa tare pasi samba’a tau to danato’o i mPue Allah tare dosanya ane ojo mangalulu porenta i Musa.

Roma 8:1

Wali si’i-si’i tau to samba’a pei i Kerisitu Yesu, to tamo mangaluluka pamporani ndayanya to maja’a, pei jamo mangaluluka pamporani i Nosa Mapasing, tau to etu taa tuwu ewa tau to rahuku.

Kolose 3:11

Wali apa saba Ia roomo mangawaika kita katuwu to bou, see naka tare pasisalanya tau. Nempo to Yahudi pasi nempo tau to si'a to Yahudi, nempo tau to rasui pasi nempo tau to taa rasui, nempo tau to yako lipu to yusa pasi nempo tau to maila, pasi nempo tau to napowatua ntau pasi nempo tau to taa napowatua ntau, nempo ewa wimba tau, tare pasisalanya. Apa i Kerisitu semo to bae batuangiNya pasi Ia re'e maroo ri rayanya samparia tau to mangaya.

Pilipi 3:9

Pasi apa saba aku samba’a pei i Kerisitu, see naka aku nato’o i mPue Allah tare dosangku. Pei si’a yako palaong to inikangku mangalulu porenta i Musa naka pei aku nato’o i mPue Allah tare dosangku. Yako pangayangku resi i Kerisitu semo. Wali i Pue Allah semo to mangika jaya see Ia maya manganto’o aku tare dosangku apa saba pangayangku etu. See naka aku tamo kojo rani mangika palaong to inikangku seore tempo aku mansarumaka porenta i Musa.

Roma 2:1

Wali a’i-a’i, bara i sema komi to mampakasala lengko nu yunumu, komi sewajuja ewa mampakasala seja koromu ngkalio apa komi mangika seja lengko to etu. See naka komi tare notomu to maya nuto’o.

Yakobus 2:23

Pasi tibanang gombo to ratulis ri raya ntuntu i mPue Allah, to manganto’o, “I Abraham ia mangaya i Pue Allah, wali yako pangayanya etu see naka i Pue Allah manganto’o ia tare dosanya.” (Pomulanya 15:6) Ewa wetu gombo to ratulis to tibanangimo. Pasi i Abraham rato’oka galung to masingkatao kojo pei i Pue Allah.

Palaong mPomakau i mPue Yesu 15:9

I Pue Allah taa mampasisala kita to Yahudi pasi sira to si’a to Yahudi. Ia room mampakayongo raya nsira apa sira mangaya i Yesu.

1 Korintus 4:7

Wali gete komi to manganto’o ewa wetu, sema nangokotaka komi mawali to bae batuanginya? Kesaa to re’e resi komi to si’a i Pue Allah nangawai? Tare. Samparia anu to re’e resi komi paka i Pue semo mangawaika. Wali maka pei komi tabaro ewa tau to mangarata kasugi yako ri palaong to si iaja?

Roma 9:30

Wali ane ewa see wimba danato’o ngkita? Ewa si’i datato’o. Ane tau to si’a to Yahudi, sira tare mangaliwu jaya mapalaong see danato’o i mPue Allah tare dosanya, pei nempo ewa see re’e sira to nato’o i mPue Allah tare dosanya. Ia manganto’o sira tare dosanya apa saba yako pangaya nsira.

Lukas 15:22

“Pei pa’anya manganto’oka to papolaonginya, “Pakagasi mangoko pake to magaya kojo pei paposunsuka ia. Pasi paposunsuka sinsi ri karamanya pasi sandale ri witinya.

Palaong mPomakau i mPue Yesu 3:16

Wali kuasa to yako i Yesu etu, kuasa etu semo to mampakaroso witi ngkai si’i. Palaong to nukita ngkomi etu pasi to manasa ngkomi, palaong etu mawali apa saba kami mangaya kuasa i Yesu etu. Wali apa saba kami mangaya kuasa i Yesu etu see naka ngkai si’i mawali masilonga koronya ewa to room nukita ngkomi samparia.

Palaong mPomakau i mPue Yesu 11:12

Wali i Nosa Mapasing manganto’oka aku, ‘Ne’e bata-bata rayamu mangalulu sira.’ Wali aku yau mangalulu sira pasi yunu ngkita to ono si’i sira seja mangalulu aku njo’u Kaisarea. Wali rata nja’u Kaisarea, kami masua ri raya banua ntau to nampokau tau ma’i resi aku etu.

Roma 1:17

Apa yako kareba matao i Pue Allah maya manganto’o kita seja tare dosanta ane kita mangaya kareba matao etu. Tare jaya to yusa kasimbalinya yako pangaya, ewa to room ratulis ri raya tuntu i mPue, to’onya, “Tau to nato’o i mPue Allah tare dosanya apa saba ia mangaya, tau etu datuwu.” (Habakuk 2:4) Etu semo gombo to ratulis ri raya ntuntu i mPue.

Roma 3:30

Apa ojo samba’aja i Pue Allah. Ia semo to manganto’o to Yahudi tare dosanya apa saba yako pangaya nsira, pasi Ia seja manganto’o tau to si’a to Yahudi tare dosanya apa saba yako pangaya nsira.

Roma 4:16

Wali see naka tempo i Pue Allah mangika parajanjiNya resi i Abraham etu, Ia si’a mangika apa saba i Abraham mangalulu porentaNya. Ia mangika apa saba i Abraham mangaya Ia. Naka pei i Pue Allah mangika ewa wetu apa Ia rani mangawaika parajanjiNya to ojo yako ri kanotoNya semo. Pasi Ia mangika ewa wetu see samparia wiyaa i Abraham damangarata kojo anu to Ia mamparajanjika etu. Wiyaa i Abraham to damangarata parajanjiNya etu si’a ojo to Yahudi to re’e porenta i mPue Allah. Pasiwa tau to si’a to Yahudi seja to mangaya sewaju ewa i Abraham, sira seja damangarata. Apa i Abraham ia pa’a ngkita samparia to mangaya.

Roma 10:4

Pei taa mawali tau rato’o tare dosanya ane yako mangalulu porenta i Musa. Apa yako to naika i ngKerisitu see naka tamore batuanginya mangalulu porenta etu. Wali si’i-si’i samparia tau to mangaya i Kerisitu maya rato’o tare dosanya.

1 Korintus 12:13

Apa kita nabaptis i Nosa Mapasing anu samba’aja etu darapasimba’a mawali yau samba’a koro. Kita nempo to Yahudi, nempo si’a to Yahudi pasi nempo watua nempo si’a watua, samparia mawali samba’a koro. Pasi kita samparia mangarata i Nosa Mapasing anu samba’aja etu maroo ri raya ngkita. Wali palaong etu raporapaka ewa malagi tau to manginu yako mata nue to samba’aja.

Galatia 2:20

Wali aku raporapaka ewa matemo, see naka si’amo aku to tuwu si’i, i Kerisitu semo to tuwu ri rayangku. Pasi ri raya ngkatuwungku ri lino si’i aku mangika lengko ngkatuwu to singkonong pei pangayangku resi Ana i mPue Allah. Apa Ia mamporayang aku pasi nangkapateka aku.

Galatia 3:22

Pei porenta taa maya mangawaika kita katuwu. Apa porenta to ri raya ntuntu i mPue Allah, porenta etu semo to mampakanasa samparia to lino paka ri ara ngkuasa nu dosa. Wali naka pei i Pue Allah mangawaika tau porentaNya see manasa kojo resi kita ojo samba’a jaya daralapa yako ri kuasa nu dosa. Etu semo mangantima sora to Ia roomo mamparajanjika resi tau to mangaya i Yesu Kerisitu. Wali ojo tau to mangaya semo to mangarata parajanji etu.

Epesus 3:12

Wali saba kita samba’a pei i Kerisitu Yesu pasi saba kita mangaya Ia, see naka kita taa meka pasi taa seja bata-bata raya ngkita mampotango i Pue Allah.