Roma 2:9 - Tuntu i mPue ri Basa Taa

⁹ Wali samparia tau to sangkani mangika lengko to maja’a, sira damangarata kasesa pasi kasusa, mula yako resi to Yahudi rataka seja resi tau to si’a to Yahudi.

Sura Magali Nuntu Ngkatuwu

⁹ Sambaʼa-sambaʼa tau anu mampokono mampowia anu majaʼa da marata kapari pai pejeani; kaʼisa-isanya to Yahudi, pai waʼa banca ntaninya.

Roma 2:9 Referans Kwoze

1 Petrus 4:17

Wali barong i Pue Allah, apa si’i semo tempo to darapangabotus to lino. Pasi kita to ana i mPue Allah, kita semo to uyunya rabotus. Wali ane kita to ana i mPue Allah taa maya taa rabotus, gete, taa manto’o tau to taa mampolaika kareba matao to yako resi i Pue Allah. Mapari kojo huku to danarata nsira!

Roma 1:16

Wali aku taa mangepe mea mampakarebaka kareba matao mangkonong i Kerisitu, apa kareba matao etu semo karoso i mPue Allah. Apa i sema tau to mangaya kareba matao etu, karoso i mPue Allah mampalaes tau etu. Wali uyu-uyunya owo to Yahudi to rakenika kareba matao, pei si’i-si’i pasi tau to si’a to Yahudi sira rakenika seja kareba matao.

2 Tesalonika 1:6

Pei ane tau to mangansesai komi, tau etu danasesai i mPue Allah. Apa i Pue Allah sangkani mangika ewa wimba to masipato naika, see naka Ia damamponsawaka palaong to naika nsira etu.

Roma 9:24

Wali kita semo to damangarata kayawaNya etu, apa Ia roomo mampokio kita. Pei Ia si’a ojo mampokio tau yako ri oyo nto Yahudi, Ia mampokio seja tau to yako ri oyo ntau to si’a to Yahudi.

Roma 2:10

Pei tau to mangika lengko to matao, sira darabarong pasi dara’angga pasi damangarata karodo ndaya, mula yako resi to Yahudi rataka seja resi tau to si’a to Yahudi.

Palaong mPomakau i mPue Yesu 3:26

Wali i Pue Allah mangampilis to PapolaongiNya, i Yesu, panewa mampokau Ia ma’i resi kita ruyu, damampakasanang kita. Wali ewa si’i nikaNya mampakasanang kita, Ia mangansawang kita samba’a pei samba’a see kita rani mangandolika tangonta yako ri palaong ngkita to maja’a.”

Lukas 24:47

Pasi re’e seja gombo to ratulis to manganto’o saba yako kuasa i ngKerisitu, see naka tau damampakarebaka resi sa’e manganto’oka sira, ‘Pojea see dosa ngkomi tamo danakitanaka i mPue Allah.’ Wali kareba etu darapakarebaka ri kota Yerusalem ruyu panewa yako etu kareba etu darapakarebaka resi samparia bansa nto lino.

Kolose 3:11

Wali apa saba Ia roomo mangawaika kita katuwu to bou, see naka tare pasisalanya tau. Nempo to Yahudi pasi nempo tau to si'a to Yahudi, nempo tau to rasui pasi nempo tau to taa rasui, nempo tau to yako lipu to yusa pasi nempo tau to maila, pasi nempo tau to napowatua ntau pasi nempo tau to taa napowatua ntau, nempo ewa wimba tau, tare pasisalanya. Apa i Kerisitu semo to bae batuangiNya pasi Ia re'e maroo ri rayanya samparia tau to mangaya.

Galatia 3:28

Wali apa saba komi samba’a pei i Kerisitu, batuanginya komi seja rapasimba’a. Wali ane ri pangkita i mPue Allah tare pasisalanya to Yahudi pasi tau to si’a to Yahudi. Pasi tare pasisalanya watua pasi tau to si’a watua. Pasi tare seja pasisalanya to langkai pasi to we’a.

Roma 10:12

Wali gombo etu kono kita samparia apa tare pasisalanya to Yahudi pasi tau to si’a to Yahudi. Kita to lino samparia paka samba’aja Pue ngkita. Pasi Ia bae kanotoNya resi samparia tau to makai-kai resi Ia marapi rasawang.

Palaong mPomakau i mPue Yesu 28:28

Wali yako etu i Paulus manganto’oka wo’u sira, to’onya, “A’i-a’i, to Yahudi bo’onya mampodongeka kareba mangkonong ewa wimba naika i mPue Allah mampalaes tau. Wali see naka aku mampaponsanika komi kareba etu room seja rapakarebaka resi tau to si’a to Yahudi. Tau etu mampodongeka kojo.”

Palaong mPomakau i mPue Yesu 28:17

Wali yako etu, ojo kagananya togo mbengi, i Paulus mampasiromunaka kepala-kepala nto Yahudi to maroo nja’u lipu etu. Tempo sira siromu etu ia manganto’oka sira, to’onya, “A’i-a’i, aku tare mangika sala resi yunu ngkita to Yahudi, pasi aku taa seja mangika sala ane mangkonong ada nto tu’angi ngkita. Pei nempo tare mangika sala aku rasoko nda’a Yerusalem panewa rawaika yau resi pomarenta nto Roma.

Palaong mPomakau i mPue Yesu 26:20

Wali aku mampakarebaka samparia tau, manganto’o, ‘Pajea pei ndolika tango ngkomi resi i Pue Allah pei ika lengko ngkatuwu to masipato naika ntau to majeam.’ Etu semo gombongku mampakarebaka tau nja’u kota Damsyik ruyu, panewa nda’a Yerusalem, pasi ri sambawo propinsi Yudea, pasi aku mampakarebaka seja tau to si’a to Yahudi.

Palaong mPomakau i mPue Yesu 20:21

Tempo etu aku sangkani mampatiendoka komi to Yahudi pasi komi to si’a to Yahudi see komi mangandolika tangomu resi i Pue Allah pasi mangaya i Pue ngkita, i Yesu Kerisitu.

Palaong mPomakau i mPue Yesu 13:26

“Wali a’i-a’i to wiyaa i Abraham, pasi komi to si’a to Yahudi pei to mampalaika seja i Pue Allah saba manga’angga Ia, kita semo to napaponsanika i mPue Allah kareba si’i mangkonong ewa wimba kita rapalaes.

Palaong mPomakau i mPue Yesu 11:18

Wali ojo pangandonge nto Yahudi gombo i mPetrus etu, sira tamo mangewa ia. Sira paka mangabarong i Pue Allah, sira manganto’o, “Ane ewa see, tau to si’a to Yahudi sira nawaika seja i mPue Allah temponya mangandolika tangonya see sira damangarata seja katuwu to singkasaenya.” Etu semo to nato’o nsira.

Matius 16:26

Apa kesaa batuanginya resi tau nempo kasuginya ri lino samparia paka ia puenya pei ane ia taa mangarata katuwu to singkasaenya? Tare batuanginya resi ia, apa tare kesaa to maya danabayarika ntau daraolika katuwu to singkasaenya etu.

Roma 8:35

Wali wimba, bara re’e to maya mangaga’a kita yako ri pamporayang i ngKerisitu? Tare to maya mangaga’a kita. Apa nempo kita mangarata kasusa, bara soba, bara kasesa, nempo mangarata oro bara kasiasi, nempo kita naraika nsa’e bara napopate yau nsa’e, nempo ewa wetu i Kerisitu tare pandooNya mamporayang kita.