Roma 2:8 - Tuntu i mPue ri Basa Taa

⁸ Pei re’e seja tau to mampobuuka ojo koronya ngkalio to bae batuanginya. Sira bo’onya mangaluluka anu to monso to nato’o i mPue Allah, sira ojo mangaluluka yau anu to maja’a. Wali i Pue Allah damaja’a kojo rayaNya resi tau to etu pasi Ia damangahuku sira.

Sura Magali Nuntu Ngkatuwu

⁸ Paikanya waʼa ntau anu podo maendo koronya ngkalionya pai bareʼe meaya ri Pue Ala, paikanya malulu anu majaʼa, waʼa ntau setu da ndapokarau i mPue Ala.

Roma 2:8 Referans Kwoze

Pangkita 16:19

Wali kota to bae, etu semo kota Babel, kota etu mawali magoa togo. Pasi kota-kota ntau to taa mangalulu i Pue Allah, to ri sambawo lino napukanaka yau seja. Wali i Pue Allah taa mangkalingan mangahuku kota Babel to bae etu. Ia mampapoinuka kota etu samparia tule to la’u raya nsangkiriNya. Tule etu batuanginya huku mapari kojo yako resi i Pue Allah apa maja’a rayaNya.

1 Petrus 4:17

Wali barong i Pue Allah, apa si’i semo tempo to darapangabotus to lino. Pasi kita to ana i mPue Allah, kita semo to uyunya rabotus. Wali ane kita to ana i mPue Allah taa maya taa rabotus, gete, taa manto’o tau to taa mampolaika kareba matao to yako resi i Pue Allah. Mapari kojo huku to danarata nsira!

2 Tesalonika 1:8

Pasi tempo Ia ma’i etu re’e apu to mawea to Ia damangampake mangahuku tau to taa mangansani i Pue Allah pasi to bo’onya mampalaika kareba matao mangkonong i Yesu Kerisitu, Pue ngkita.

Pangkita 14:10

tau etu damanginu tule to tondong huku yako resi i Pue Allah. Tule etu tule to taa ragaloka ue, to napoyali i mPue Allah ri raya nsangkir to rato’oka sangkir nu huku to yako resi i Pue Allah. Wali tau to manginu tule etu, ia darasesaika apu pasi sedawa ri tango mpomakau to i Pue Allah Puenya pasi ri tango nu Ana Domba.

Ibrani 11:8

Wali i Abraham seja mangaya i Pue Allah, pasi yako pangayanya etu ia mampolaika anu to nato’oka i mPue Allah ia. I Pue Allah mampokio ia pei manganto’oka ia yau njo’u lipu to longko, to’onya, “Lipu to etu damawali koromu puenya.” Wali tempo etu i Abraham tawa nansani bara imbanjo kamonsonya danakanjo’u, pei nempo ewa see ia mayoko mampalaika i Pue Allah

Ibrani 10:27

Ane tau mangika ewa wetu, matantu sira dameka rayanya mangampeas temponya sira danabotus i mPue Allah, pasi danahuku i mPue Allah. Apa huku i mPue Allah etu semo apu to mawea kojo mangkoni yau baliNya.

Ibrani 5:9

Wali apa saba i Yesu mangarata kasesa ewa wetu, see naka Ia masipato kojomo mawali to pampue to bae anggaNya. Apa Ia roomo mangepe to naepe nto lino. Wali Ia nato’oka i mPue Allah to pampue to bae angganya sewaju ewa i Melkisedek tempo owi. Pasi Ia semo to mangika jaya see samparia tau to mampolaika Ia maya rapalaes rataka ri singkasaenya.

Titus 3:9

Pei ne’e masibanta resi tau mangkonong anu to tare batuanginya pasi mangkonong potapi mbiyaa nto lino. Pasi ne’e seja masibanta pasi mampotingkang resi tau mangkonong porenta i Musa. Ne’e mangika palaong to ewa wetu apa to etu taa mampakaroso raya ntau to mangaya pasi taa kojo re’e batuanginya.

1 Korintus 11:16

Wali ane bara re’e tau to rani mangabanta gombongku mangkonong tau we’a mangantorung wo’o nsira tempo siromu damampue mampakabae i Pue Allah, to’oka tau etu kami pasi tau to mangaya i Pue pasi to i Pue Allah Puenya to siromu nja’u lipu-lipu to yusa, kami tare ada to yusa to nalulu mami.

Roma 15:18

Apa ojo samba’aja palaong to nikangku to masipato aku mangabarong. Etu semo palaong to aku mangika yako kuasa i ngKerisitu. Apa Ia semo to mangansawang aku mampotundeka tau to si’a to Yahudi. Wali Ia semo to mangansawang see yako gombo to aku manganto’o pasi yako palaong to aku mangika see naka re’e seja sira to mampalaika i Pue Allah.

Roma 10:16

Wali re’e kojo tau to napokau i mPue Allah mangkeni kareba matao, pei si’a samparia tau to mangaya kareba etu. Palaong etu singkonong kojo pei gombo i Yesaya, to pantuntu tuntu i mPue Allah tempo owi. Ia manganto’o, “O Pue, taa boros tau to mangaya kareba mami.” (Yesaya 53:1) Etu semo gombo i Yesaya.

Roma 9:22

Wali ewa see seja i Pue Allah. Masipato Ia mangika ewa wimba pamporaniNya resi kita to lino apa Ia semo to nampapowali kita. Kamonsonya i Pue Allah rani mangahuku tau to maja’a pasi mampaponsanika tau kuasaNya. Pei nempo ewa wetu pamporaniNya pei Ia tiroo mansabaraka kojo tau maja’a to masipato mangarata huku etu pasi to masipato darapakaja’a yau.

Roma 6:17

Tempo ruyu, tempo komi tawa mangaya, tempo etu komi mawali to papolaong nu dosa. Pei aku manganto’oka i Pue Allah tarima matao apa si’i-si’i buya raya ngkomi mampalaika anu to rapatundeka to raporata resi komi.

Roma 1:18

Wali yako ndate saruga i Pue Allah mampaponsanika kita Ia damangahuku samparia tau to taa mampalaika pasi manga’angga Ia pasi tau to mangika lengko to maja’a. Tau to mangika lengko to maja’a etu, tau to etu sira mangaba’a anu to monso mangkonong i Pue Allah.

1 Petrus 3:1

Wali ane mangkonong mampolaika, re’e seja to matao ane nuika ngkomi samparia to we’a to marongom. Etu semo, polaika songka mpa’a nu anamu samba’a pei samba’a. Apa ane bara re’e pa’a nu ana ngkomi to taa mangaluluka tuntu i mPue Allah, sira damangkita lengko ngkatuwu ngkomi to indo nu ananya matao kojo. Panewa yako lengko ngkatuwu ngkomi etu, tuwu-tuwuja sira damangaya seja nempo tare bara kesaa to nato’o ngkomi mangkonong pangaya etu.

2 Korintus 12:20

Apa aku moru rayangku mampobuuka temponya aku darata wo’u resi komi. Apa tempo etu bara re’e lengko ngkomi to taa singkonong pei pamporaningku resi komi. Pasi ane ewa see, lengko to si aku taa dasingkonong pei pamporani ngkomi apa aku ojo damanganseko komi. Wali moru rayangku apa aku taa rani mangarata komi masibanta, timopo pei kaloo, pasi maja’a raya ngkomi samba’a pei samba’a. Pasi aku taa rani mangarata komi matingka, manto’o maja’a sa’e, bawiwi, mangei pasi marotai.

Galatia 5:20

Sira mampue resi tau-tau, pasi mangampake do’a, maja’a nakita sa’e, matingka, timopo, maja’a rayanya, pasi mampobuuka koronya to bae-bae batuanginya pei sa’e. Sira masimpayu raya pei sa’e, pasi nasoumaka yau yununya to samba’a pangaya jamo mangaluluka yau tau to yusa pampobuukanya.

Pilipi 2:3

Wali ane re’e bara kesaa to danuika ngkomi, ne’e mangika ane ojo rani mampakabae angga ngkomi. Pasi ne’e mangika ane ojo rani tabaro. To tao-tao kita mampobuuka koro ngkita kodi angganya pasi mampobuuka yunu ngkita semo to bae-bae angganya pei kita.

Yakobus 3:14

Pei ane komi makodi rayamu resi sa’e pasi timopo rayamu resi sa’e pasi mampobuuka ojo koro ngkomi semo to bae batuanginya, ane ewa wetu lengko ngkomi, ne’e tabaro manganto’o, “Aku re’e kapande to nawaika i mPue Allah aku.” Apa kamonsonya tau to ewa wetu lengkonya si’a tau to pande, wali gombo ngkomi mangabarong koromu etu, ojo wuti semo.

Yakobus 3:16

Apa ane tau timopo pasi mampobuuka ojo koro nsira semo to bae batuanginya, ane ewa see katuwu nsira marotai pasi re’e samparia ngaya mpalaong to maja’a. Wali ane ewa see manasa resi kita kapande nsira si’a yako resi i Pue Allah.