Roma 2:3 - Tuntu i mPue ri Basa Taa

³ Pei a’i-a’i, komi ojo to lino seja, komi seja mangika lengko to nupakasalaka sa’e etu. Wali ane ewa see ne’e mampobuuka i Pue Allah bara taa damangahuku seja komi.

Sura Magali Nuntu Ngkatuwu

³ Paikanya komi woʼu ee waʼa ngkasangkompo, mampowia powia anu nditulurika waʼa ntau ntaninya! Neʼe boi ndisarumaka komi da lapa ungka ri popahuku i mPue Ala?

Roma 2:3 Referans Kwoze

Roma 1:32

Sira manasanya kojo mangkonong porenta i mPue Allah to manganto’o tau to ewa wetu lengkonya, tau etu masipato darahuku mate. Pei nempo manasa kojo nsira porenta etu sira tiroo mangika lengko to maja’a etu, pasi sira masanang kojo resi sa’e to mangika seja.

1 Tesalonika 5:3

Wali tempo etu tau tongonya manganto’o, “Kita tuwu masanang pasi tare to damampakaja’a kita.” Ewa wetu nato’o ntau, pei tempo etu semo kodi majoli sira darapakaja’aka yau pasi sira tare jaya mampiyaika palaong to etu. Palaong etu raporapaka ewa tau we’a to damoana, apa ane tau we’a etu kodi majoli ia mangepe makiki komponya pasi taa seja re’e jaya mampiyaika ntidanya etu.

Lukas 12:14

Wali i Yesu manganto’oka ia, “Gete, korom. Tare tau to room mangokotaka Aku damawali ketua ada ngkomi sintukaka.”

Lukas 22:58

Pei taa masae yako etu, re’e tau to yusa to mangkita ia pei manganto’o, “Korom seja samba’a yunu ngkai etu!” Pei i Petrus manganto’o, “Gete Pa’a, si’a kojo!”

Matius 26:53

Wimba korom bara taa nunsani ane Aku mamporapi sawang yako resi Pa’angKu, panewa Ia mansaka damangampokau pomakauNya yabi pitu mpuyu nsowu dama’i mangansawang Aku?

Matius 23:33

“Wali Aku manganto’oka komi, komi ewa ule to mampeyaa mampiyaika apu nja’u pada pei ia taa nakurang. Apa ewa see seja komi. Komi taa kojo damangampiyaika huku ngkomi la’u apu naraka!

Ibrani 12:25

Wali pakatao kojo naka ne’e kita mampobo’o mangandonge Ia to mampogomboka kita si’i-si’i. Apa ewa wetu naika nto Israel tempo owi. Sira bo’onya mampodongeka Ia to mampogomboka sira ri lino si’i, wali sira tare jaya miyai tempo Ia mangahuku sira. Wali taa manto’o kita. Kareba to Ia manganto’oka kita semo to bae-bae batuanginya, apa tempo si’i Ia mampogomboka kita yako ndate saruga semo. Wali ane kita mampobo’o Ia, kita taa kojo re’e jaya mampiyaika huku.

Ibrani 2:3

Wali ane ewa see, taa manto’o kita to re’e kareba matao. Kita taa kojo maya mangampiyaika huku ane kita taa mangangkongko kareba matao to bae kojo batuanginya mangkonong ewa wimba kita rapalaes. Apa kareba etu to bae-bae batuanginya pei porenta to naporata mpomakau i mPue Allah tempo owi etu. Wali kareba matao mangkonong ewa wimba kita rapalaes, kareba etu uyu-uyunya napakarebaka i mPue. Panewa yako etu, tau to mangandonge gombo i mPue etu, sira mawali matamanasa to mangamporata wo’u resi kita. Sira manganto’o, “Kami mangandonge kareba si’i yako ri nganga i mPue semo.” Wali ewa wetu nato’o matamanasa etu, see naka kita mangansani monso pu’u gombo etu yako resi i Pue semo.

Lukas 22:60

Pei i Petrus manganto’o, “Gete Pa’a! Aku taa kojo mangansani kesaa batuanginya gombo to to’omu etu.” Pei tongo-tongonya i Petrus manganto’o gombo etu, manu mansaka matotoro’omo.

Roma 2:1

Wali a’i-a’i, bara i sema komi to mampakasala lengko nu yunumu, komi sewajuja ewa mampakasala seja koromu ngkalio apa komi mangika seja lengko to etu. See naka komi tare notomu to maya nuto’o.

Roma 2:2

Wali i Pue Allah mangahuku tau to mangika lengko to maja’a to roomo kuto’o etu. Pasi kita tansani huku i mPue Allah etu kono kojo.

Roma 9:20

Pei gete, ne’e manganto’o ewa see! Apa taa masipato to lino mangabanta i Pue Allah. Rapanya kura tana. Wimba, bara re’e kura tana manganto’oka tau to mangika, “Maka pei korom mangika aku ewa si’i?” Tare!